HUTCH සමාගම, ශ්රී ලංකා විදුලි සංදේශ නියාමන කොමිෂන් සභාව (TRCSL) සමඟ එක්ව රජයේ ජාතික මෙහෙවරක් වන ‘ගමට සන්නිවේදනය‘ වැඩසටහන යටතේ, මෙතෙක් විධිමත් සන්නිවේදන පහසුකම් නොතිබූ ග්රාමීය ප්රදේශ වල සන්නිවේදන සම්බන්ධතා ව්යාප්ත කිරීමට මූලිකත්වය ගෙන සිටියි. ඩිජිටල් පරතරය අවම කරමින් මෙරට ග්රාමීය ජනතාවට නවීන ඩිජිටල් යටිතල පහසුකම් සඳහා අවස්ථා ලබා දීම මෙම ව්යාපෘතියේ ප්රධාන අරමුණයි. මෙම ජාතික දැක්මට සහය වෙමින්, සන්නිවේදන දුෂ්කරතා හේතුවෙන් මෙතෙක් අවස්ථාවන් අහිමි වී තිබූ ප්රදේශවල ඩිජිටල් සමානාත්මතාවය ඇති කිරීමට HUTCH කැපවී සිටියි.
සංවර්ධනය සඳහා පදනම සන්නිවේදනයයි යන විශ්වාසය මත මෙම වැඩසටහන ක්රියාත්මක වේ. විශ්වාසදායක ජංගම බ්රෝඩ්බෑන්ඩ් සේවාවන් ඔස්සේ අධ්යාපනය, සෞඛ්ය සේවා, සුළු ව්යාපාර වර්ධනය, විද්යුත් වාණිජ්යයට සහ දෛනික ඩිජිටල් අවශ්යතා සපුරා ගැනීමට අවස්ථාව උදා වන අතරම නාගරික ප්රජාවන් මේ වන විටත් භුක්ති විඳින මෙම පහසුකම් ග්රාමීය ජනතාවටද ලබා දීම මෙහි අරමුණයි. බොහෝ ග්රාමීය ප්රදේශවල ජනතාව බිල්පත් ගෙවීම, මුදල් යැවීම, රජයේ සේවා ලබා ගැනීම හෝ ව්යාපාරික කටයුතු සඳහා තවමත් දිගු දුරක් ගමන් කළ යුතු වන බැවින් මෙම ප්රදේශවලට ශක්තිමත් සහ ස්ථාවර ජාල ආවරණයක් ලබා දීමෙන්, ග්රාමීය ජනතාවට ඩිජිටල් ආර්ථිකයට සක්රීයව දායක වීමට HUTCH අවස්ථාව සලසා දෙයි.
මෙම වැඩසටහන මඟින් ලැබෙන ප්රතිලාභ ක්ෂණික මෙන්ම පුළුල් වන අතර ග්රාමීය ප්රදේශවල සිසුන්ට බාධාවකින් තොරව මාර්ගගත ඉගෙනුම් මූලාශ්ර වෙත ප්රවේශ වීමට හැකියාව ලැබේ. එමෙන්ම ගොවීන්ට සහ සුළු පරිමාණ ව්යවසායකයින්ට වෙළඳපොළ මිල ගණන්, සැපයුම් දාම තීරණය කිරීම සහ ඩිජිටල් ගෙවීම් සඳහා ජංගම මෙවලම් භාවිතා කිරීම ආරම්භ කළ හැකිය. සෞඛ්ය සේවා සපයන්නන්ට උපදේශන සහ මහජන සෞඛ්ය පිළිබඳ දැනුවත් කිරීම සඳහා මෙම සන්නිවේදන සම්බන්ධතා උපයෝගී කර ගත හැකිය. කාලයත් සමඟ මෙම වැඩිදියුණු කළ අන්තර්ජාල ආවරණය, නව ආර්ථික ක්රියාකාරකම් උත්තේජනය කිරීමටත්, සුළු හා මධ්ය පරිමාණ ව්යවසාය (MSME) වර්ධනය කිරීමටත්, ජාතික මට්ටමින් ඩිජිටල් ඇතුළත් කිරීම් ශක්තිමත් කිරීමටත් උපකාරී වනු ඇත.
“ගමට සන්නිවේදනය” වැඩසටහන පුළුල් කිරීමේ වත්මන් පියවර යටතේ එහි කොටසක් ලෙස, HUTCH විසින් ලකේගල සහ කිවුලවාඩිය යන ප්රදේශවලට මෙන්ම වන්නම්කුලම, වැලිගොල්ලෑව, ගෝමරන්කල්ල, බුන්වලකන්ද, ඉඩමේගම, මහලන්ද, නැගෙනහිර එඬුරපොත සහ වැලිමනාන යන ප්රදේශවල නව සන්නිවේදන කුළුණු ස්ථාපිත කර ඇත. ශ්රී ලංකාවේ අවම සන්නිවේදන පහසුකම් සහිත දිස්ත්රික්ක තුළ පිහිටා ඇති මෙම ප්රදේශ, ස්ථාවර බ්රෝඩ්බෑන්ඩ් නොමැතිව ජීවත් වූ දහස් ගණනක් ප්රජාව නියෝජනය කරයි. මෙම ව්යාප්තිය සමඟින්, HUTCH මෙම සේවාවන් නොලත් ප්රජාවන් සඳහා ඩිජිටල් අත්දැකීම ලබා දීමට සූදානම් වන අතර, මීට පෙර ළඟා වීමට නොහැකි වූ අවස්ථාවන් සඳහා ප්රවේශය ලබා දෙයි.
ජාතික සංවර්ධනය සඳහා ශක්තිමත් ඩිජිටල් යටිතල පහසුකම්වල අත්යවශ්යතාව පිළිබඳව අදහස් දක්වමින් HUTCH හි ප්රධාන තාක්ෂණික හා තොරතුරු නිලධාරී අසංග රණසිංහ මහතා මෙසේ පැවසීය.
“අපගේ මෙහෙවර පදනම් වී ඇත්තේ ඩිජිටල් සමානාත්මතාවය මතයි. ශ්රී ලංකාවේ ග්රාහකයින්ගෙන් 30% කට ආසන්න ප්රමාණයක් තවමත් 2G තාක්ෂණය භාවිතා කරන අතර ග්රාමීය ප්රදේශවල බ්රෝඩ්බෑන්ඩ් පහසුකම් සීමිත වීම අභියෝගයක්ව පවතී. සැබෑ ඩිජිටල් ආර්ථිකයක් සහ කාර්යක්ෂම විද්යුත් පාලනයක් (e- Governance) සඳහා මෙම මූලික සන්නිවේදන පහසුකම් ඇති කිරීම තීරණාත්මක පියවරකි. ‘ගමට සන්නිවේදනය‘ වැඩසටහන හරහා ඕනෑම ප්රදේශයක සිටින සෑම ශ්රී ලාංකිකයෙකුටම ඩිජිටල් පහසුකම් වලට ප්රවේශය ලබා දීමට අප කැපවී සිටිමු. මෙය ජාල ව්යාප්තියක් පමණක් නොව, ජනතාවගේ ජීවන තත්ත්වය උසස් කිරීමට අවශ්ය මෙවලම් ලබා දෙමින් ප්රජාවන් සවිබල ගැන්වීමක් ලෙස හැඳින්විය හැකිය.”
