AI තාක්ෂණය යොදා ගනිමින් නිර්මාණය කරන ලද අන්තර්ගතයන් පිළිබඳ පරිශීලක අවබෝධය ඉහළ නැංවීම හා ඔවුන්ගේ For You feed හි AIGC අන්තර්ගතයන් කොපමණ තිබේද යන්න දැන ගැනීම සඳහා නිර්මාණය කරන ලද නවතම විශේෂාංග කට්ටලයක් හඳුන්වා දීමට TikTok පසුගියදා කටයුතු කරන ලදී. අද වන විට AI තාක්ෂණය යොදා ගනිමින් නිර්මාණය කරන අන්තර්ගතයන් ප්රමාණය ඉතා ඉහළ අගයක් ගන්නා අතර ඒ සෑම අන්තර්ගතයක් තුලින්ම පරිශීක සුරක්ෂිතාව තහවුරු කිරීම සඳහා TikTok විසින් මෙම විශේෂාංග හඳුන්වා දී ඇත.
ඒ අනුව ඉදිරි කාලයේදී TikTok හිි ‘Manage Topics’ සැකසුම් තුළ AIGC පාලනයක් සම්බන්ධයෙන් පරීක්ෂා කිරීම ආරම්භ වන අතර ඒ මඟින් AI තාක්ෂණය යොදා ගනිමින් නිර්මිත අන්තර්ගතයන් කොපමණ ඇත්දැයි සොයා ගැනීමට හැකියාව ලැබේ. මේ වන වවිත් පරිශීලයින් විසින් තමන්ගේ ක්ෂේත්ර අනුව අන්තර්ගතයන්හි තත්වය පරීක්ෂා කිරීම ‘Manage Topics’ යොදා ගෙන ඇත. අන්තර්ගතයන් ඉවත් කිරීමේ විශේෂාංගයකට වඩා පුද්ගලාරෝපීත මෙවලමක් ලෙස ක්රියා කරන මෙය AI හි නිර්මාණශීලීත්වය හා අධ්යාපනික වටිනාකම අගය කරනු ලබන පරිශීලකයින්ට තම අත්දැකීම් සකස් කර ගැනීමට මෙවලමක් ලෙස භාවිත කිරීමට හැකි වේ. එසේම ඔවුන්ගේ අරමුණු හා වටිනාකම්වලට වඩාත් ගැලපෙන අන්තර්ගතයන් මොනවාද යන්න තීරණය කිරීමට පරිශීකයින් වෙත උපකාර කිරීම තුලින්ද මින් සුවිසල් සහායක් හිමි වේ.
මෙම අන්තර්ගතයන් AI මගින් නිර්මාණය කරන ලද අන්තර්ගතයන් ලෙස නම් කරන ආකාරය පිළිබඳවද මෙහිදී පෙන්වා දෙයි. මෙම විශේෂාංගය තුලින් AI නිර්මාණය සහ නිර්මාණකරුවන් හෙලි කිරීම, අභ්යන්තර හඳුනා ගැනීමේ ආකෘති සහ කර්මාන්ත ප්රමිතීන් ඒකාබද්ධ කිරීමද සිදු කරනු ලබයි. එවන් අවස්ථාවක් ලෙස හඳුනාගෙන ඇති සඳහා සහාය දක්වන විශේෂාංග හා මෙවලම් තුලින් අන්තර්ගතය නිර්මාණය කළ දිනය, කළ ආකාරය පිළිබඳව දැන ගත හැකි වේ. මේ වන විට මෙම වීඩියෝ බිලියන 1.3කගේ දැනුම ඉහළ නැංවීමට සමත්ව තිබීමද විශේෂත්වයකි.
මෙහිදී වැඩි විශ්වාසයක් ජනිත කිරීම වෙනුවෙන් ප්රමිතීන් C2PA සමඟින් AI මඟින් නිර්මාණය කරන ලද අන්තර්ගතයන්ට ‘’invisible watermark” යෙදීමටද TikTok කටයුතු කර ඇත. මෙම සලකුණ හොඳින් දැකීමට නොහැකි අතර එය AI මඟින් නිර්මාණය කරන ලද අන්තර්ගතයක් බව අවබෝධ කර ගැනීමට අවස්ථාව උදා කර දෙයි. විශේෂයෙන් මෙම අන්තර්ගතයන් ඩවුන්ලෝඩ් කර හෝ නැවත ඊට එකතු කර අප්ලෝඩ් කිරීමේදී පවා එය වඩා හොඳින් හඳුනා ගැනීමටද මෙය උපකාරී වේ. නරඹන්නන්ට දැකිය නොහැකි ආකාරයෙන් එම සලකුණ ඇතුළත් කර ඇති නිසා වෙනත් කටයුතු සඳහා යොදා ගැනීමට හෝ සංස්කරණය කිරීමට නොහැකි වන අතර නැවත උඩුගත කිරීමේදී ද වඩාත් නිවැරදි සක්රීය කිරීම් හා පරිශීලක තොරතුරු ලබා දීමද සිදු වේ.
TikTok හි විශ්වාසදායී AI නවෝත්පාදනයන් සඳහා වන පුලුල් ආයෝජනයන් මත ගොඩනගා ඇති මෙම පියවරයන් තම අදහස් ප්රකාශ කිරීමට උපකාරී වන අතරම නිර්මාණාත්මක මෙවලම් හි සිට ගිණුමෙහි ආරක්ෂාව හා යහ පැවැත්ම සඳහා අවශ්ය වන AI පද්ධති දක්වා මහෝපකාරී වේ. නව්ය AI විශේෂාංගයන් නිර්මාණකරුවන් විසින් තව දුරටත් භාවිත කරන විට එම නව විශේෂාංගයන් පිළිබඳව යාවත්කාලීන තොරතුරු ලබා දෙමින් පරිශීලක අවබෝධය ඉහළ නැංවීමට TikTok සූදානමින් සිටියි.
