ශ්රී ලාංකීය පාරිභෝගිකයන්ගේ ආදරය දිනූ ප්රමුඛතම විලාසිතා සන්නාමයක් වන ෆැෂන් බග් සිය සන්නාමය සමග විශ්වාසයෙන් රැඳුණු පාරිභෝගිකයන් වෙත සිය කෘතවේදීත්වය පළ කිරීම සඳහා දීප ව්යාප්ත ශාඛා 14 ක් කේන්ද්ර කරගනිමින් පවත්වනු ලැබූ Rewards Getaway වැඩසටහන 50,000 කට අධික පාරිභෝගික පිරිසකගේ සහභාගීත්වයෙන් පසුගියදා අතිසාර්ථකව අවසන් කර තිබේ.
ෆැෂන් බග් ආරම්භයේ සිටම පාරිභෝගිකයාට ප්රමුඛත්වය ලබාදෙන සේවා සංස්කෘතියක් ක්රියාත්මක කරනු ලබයි. Rewards Getaway වැඩසටහන සංවිධානය කෙරුණේ, සිය සන්නාමයේ සාර්ථකත්වය උදෙසා නිහඬ දායකත්වයක් ලබාදෙන පාරිභෝගික ජීවන විලාසිතා හැඩවැඩ කරමින්, ඔවුන්ගේ කාර්යබහුල දිවිපෙවත ප්රීතිමත් කිරීමටයි. ඒ වෙනුවෙන් සිනමන් ලයිෆ් City of Dreams අති සුඛෝපභෝගී හෝටලයේ රාත්රිය ගත කිරීමේ අවස්ථාව, ආහාරපාන හා නවාතැන් පහසුකම්වලින් අනූන අත්දැකීම් රැසක් සමඟ සුපිරි නෞකාවක රාත්රියක් ගත කිරීමේ අවස්ථාව සහ සුන්දර බොල්ගොඩ නදියේ වින්දනාත්මක Jet Ski සෆාරි චාරිකාවක් තිළිණ කරනු ලැබීය.
වැඩසටහනේ සාර්ථකත්වය පිළිබඳව අදහස් දක්වමින් ෆැෂන් බග් (පුද්) සමාගමේ ප්රධාන විධායක නිලධාරී ෂබීර් සුබියන් මහතා ප්රකාශ කර සිටියේ, “ෆැෂන් බග් හි සාර්ථකත්වය හා ස්ථාවරත්වය ගොඩනැගුණේ, වසර ගණනාවක් අප සමග රැඳී සිටින පාරිභෝගිකයන් නිසයි. අප මෙම වැඩසටහන පවත්වනු ලැබූවේ, අප සමග විශ්වාසයෙන් රැඳී සිටින එම පිරිසට වෙනස්ම වින්දනාත්මක අත්දැකීමක් ලබා දීමටයි. එමෙන් ම Rewards Getaway වැඩසටහනේ සාර්ථකත්වය සම්බන්ධයෙන් ඔවුන් සතුටින් පළකල අදහස් අපට ඉමහත් ගෞරවයක්. ” යනුවෙනි.
Rewards Getaway වැඩසටහනේ ප්රතිලාභ හිමිකරගත් පාරිභෝගිකයන් තමා ලැබූ අමතක නොවන ආශ්වාදනීය අත්දැකීම් පිළිබඳව සිහිපත් කරමින් ෆැෂන් බග් වෙත සිය කෘතඥතාව පළ කළහ. Rewards Getaway වැඩසටහනේ වරප්රසාද පිරිනැමීම සඳහා ජයග්රාහකයන් තෝරා ගැනීම බස්නාහිර පළාත් සභා ආදායම් බදු දෙපාර්තමේන්තුවේ ජ්යෙෂ්ඨ නිලධාරියෙකුගේ අධීක්ෂණය යටතේ මනා විනිවිදභාවයෙන් යුතුව සිදු කෙරිණ.
ෆැෂන් බග් හි නියෝජ්ය සාමාන්යාධිකාරී (අලෙවි සහ විකුණුම්) ආචාර්ය එස්. එච්. එම්. ෆරාස් මහතා Rewards Getaway වැඩසටහන පිළිබඳ අදහස් දක්වමින් ප්රකාශ කර සිටියේ, “මෙම වැඩසටහනට අතිවිශාල පාරිභෝගික පිරිසක් සම්බන්ධ වීම හරහා අප වටහාගත්තේ ෆැෂන් බග් සන්නාමය සමඟ ගොඩනැගී තිබෙන විශ්වාසය හා ආදරයයි. නවතම විලාසිතා හඳුන්වා දෙමින් ඔවුන්ගේ අවශ්යතාව තෘප්තිමත් කරන අතර ඉදිරියේදීත් මෙවැනි හරසර ප්රණාම වැඩසටහන් පවත්වමින් පාරිභෝගිකයන් අප වෙත තැබූ විශ්වාසයට කළගුණ සැලකීමට බලාපොරොත්තු වෙමු.” යනුවෙනි.
වර්ෂ 1994 දී 7 දෙනෙකුගේ කණ්ඩායමකින් ඇරඹුණු ෆැෂන් බග් අද වනවිට දහසකට අධික සේවක සේවිකාවන් පිරිසකගෙන් යුක්ත ශක්තිමත්, දීප ව්යාප්ත වෙළෙඳසැල් ජාලයක් නිර්මාණය කරමින් ශ්රී ලංකාවේ ප්රමුඛතම විලාසිතා සන්නාමයක් බවට පත්ව තිබේ. ශ්රී ලාංකීය විලාසිතා ක්ෂේත්රයට උසස් ම තත්වයේ නිමි ඇඳුම් අලෙවියෙන් හා හෘදයාංගම සේවා සංස්කෘතියක් පවත්වාගැනීමෙන්, ෆැෂන් බග් ශ්රී ලාංකීය ජනතාවගේ ආදරයට පාත්ර වී සිටියි. ෆැෂන් බග් තම පාරිභෝගිකයන්ට ආරාධනා කර සිටින්නේ, සිය නිල සමාජ මාධ්ය නාලිකා සමඟ එක්ව දීප ව්යාප්ත ශාඛා ජාලය වෙත පියනගමින් විශේෂ වට්ටම් අත්විඳින්නටයි.
