දශක 8කට අධික කාලයක් මුළුල්ලේ ශ්රී ලාංකිකයින්ගේ විශේෂිත සෞඛ්ය සේවා අවශ්යතා ඉටුකිරීමට කැපවූ විශ්වාසවන්ත ප්රමුඛයෙකු වන ඩර්ඩන්ස් රෝහල, සිය නවතම රුධිර වාහිනී (Vascular) සායනය නිල වශයෙන් විවෘත කරන ලද බව ආඩම්බරයෙන් නිවේදනය කරයි. මෙමඟින් ජාත්යන්තර මට්ටමේ රුධිර වාහිනී ප්රතිකාර පහසුකම් ශ්රී ලංකාවට සමීප කරන අතර, විදේශගත වීමේ අවශ්යතාවයකින් තොරව රෝගීන්ට ජාත්යන්තර මට්ටමේ ප්රතිකාර දේශීයවම ලබාගැනීමට අවස්ථාව හිමිවේ.
අලුතින් ස්ථාපිත කළ මෙම රුධිර වාහිනී සායනය, උසස් රෝග විනිශ්චය, ශල්යකර්ම මඟින් ශරීරයට වන බලපෑම අවම කරන ප්රතිකාර ක්රම සහ දක්ෂ වෛද්ය උපදේශකවරුන්ගේ අධීක්ෂණය යටතේ සත්කාර සේවාවන් සපයයි. ශල්යකර්ම මඟින් ශරීරයට වන බලපෑම අවම කරන රුධිර වාහිනී ප්රතිකාර, කැපීමකින්, උපකරණ ඇතුළු කිරීමෙන් හෝ හානියකින් තොරව ඔබේ ශරීරය තුළ බැලීමට ඉඩ සලසන වෛද්ය ක්රම මෙන්ම පර්යන්ත ධමනි රෝග, විකෘති නහර (varicose veins) සහ ධමනි අවහිරවීම් වැනි තත්ත්වයන් සඳහා වූ පුළුල් ප්රතිකාර සේවාවන් ද රෝගීන්ට මෙහිදී ලබාගත හැක. මෙම සායනය, රෝගියා කේන්ද්ර කරගත් ප්රවේශය තුළින් රෝග ඇතිවීම වළක්වා ගැනීමට සහ දිගුකාලීන සෞඛ්ය කළමනාකරණයට ප්රමුඛත්වය දෙන අතර, එමඟින් රෝග කල්තියා හඳුනා ගැනීමට සහ වඩා හොඳ සෞඛ්ය ප්රතිඵල ලබා දීමට හැකියාව ලැබේ. 
මෙම නව සායනය ආරම්භ කිරීම පිළිබඳව අදහස් දැක්වූ ඩර්ඩන්ස් රෝහලේ ප්රධාන විධායක නිලධාරී, වෛද්ය ලසන්ත කරුණාසේකර මහතා මෙසේ පැවසීය.”රුධිර වාහිනී රෝග ශ්රී ලංකාවේ බහුලව දක්නට තිබුණ ද සමස්ත සුවතාවය සඳහා රුධිර වාහිනී සෞඛ්ය අත්යවශ්ය බව අවධාරණය කිරීම වැදගත්. අපගේ රුධිර වාහිනී සායනය ආරම්භ කිරීම මඟින්, ජාත්යන්තර මට්ටමේ සේවාවන් ඩර්ඩන්ස් රෝහල හරහා දේශීයව ලබාදීමට අපගේ ඇති කැපවීම නැවත වරක් පිළිබිඹු කරනවා. රෝගීන්ගේ ප්රතිකාර වල සාර්ථකත්වය වැඩිදියුණු කිරීම සහ උසස් ජීවන තත්ත්වයක් සහතික කිරීම සඳහා අපගේ විශේෂඥ දැනුම හා නවෝත්පාදනයන් තවදුරටත් ඉදිරියට ගෙන යාමට අපි කැපවී සිටිනවා.”
දශක අටකට අධික විශිෂ්ටත්වයකින් සහ විශ්වාසය මත ගොඩනගා ගත් කීර්තියකින් යුත් ඩර්ඩන්ස් රෝහල, විශේෂිත වෛද්ය සත්කාර සේවා අතර පෙරමුණේ සිටී. මෙම රුධිර වාහිනී සායනය ආරම්භ කිරීමත් සමඟම, ප්රජාව වෙත දියුණු, දයානුකම්පිත සහ පහසුවෙන් ප්රවේශ විය හැකි සෞඛ්ය සේවාවන් ලබාදීමේ එහි අරමුණ තවත් ඉදිරි පියවරක් තබා ඇත.
වැඩිදුර තොරතුරු සඳහා www.durdans.com වෙබ් අඩවියට පිවිසෙන්න.
