Table of Contents
Intellect සමාගමේ eMACH.ai තාක්ෂණික වේදිකාව උපයෝගී කරගනිමින් ශ්රී ලංකාවේ ආයතනික සහ සුළු හා මධ්ය පරිමාණ (SME) බැංකුකරණ ක්ෂේත්රය ප්රතිනිර්මාණය කිරීම සඳහා වූ මෙම උපායමාර්ගික සහයෝගීතාවය, බැංකු මෙහෙයුම්වල වේගවත් බව, ව්යාප්ත කිරීමේ හැකියාව සහ ගනුදෙනුකරු කේන්ද්ර කරගත් වර්ධනයක් කරා මෙහෙයවනු ඇත
මහා පරිමාණ මූල්ය තාක්ෂණ විසඳුම් ක්ෂේත්රයේ ගෝලීය ප්රමුඛයෙකු වන Intellect Design Arena Ltd., සම්පත් බැංකුවේ ආයතනික සහ සුළු හා මධ්ය පරිමාණ බැංකුකරණ ක්ෂේත්රය නවීකරණය කිරීම සඳහා වූ උපායමාර්ගික හවුල්කාරිත්වයක් ප්රකාශයට පත් කළේය. බැංකුවේ මුදල් කළමනාකරණය, වෙළඳ මූල්ය සහ සැපයුම් දාම මූල්ය ඇතුළු සමස්ත ගනුදෙනු බැංකුකරණ පද්ධතියම නවීකරණය කිරීම සඳහා මෙහිදී ලොව දියුණුතම තාක්ෂණික විසඳුම් භාවිතා කෙරේ. මෙම පියවර හරහා ඩිජිටල් විශිෂ්ටත්වය සහ අනාගතයට සූදානම් මූල්ය සේවාවන් සැපයීම සඳහා සම්පත් බැංකුව සතු කැපවීම තවදුරටත් තහවුරු කෙරේ.
මෙම හවුල්කාරිත්වය, අනාගතයට සූදානම් බුද්ධිමත් ඩිජිටල් බැංකු ව්යවසායයක් ගොඩනැගීම සඳහා සම්පත් බැංකුව තබන දැවැන්ත පියවරකි. එමෙන්ම, ලොව විශිෂ්ටතම සංයුක්ත විවෘත මූල්ය වේදිකාවක් වන eMACH.ai තුළින් මහා පරිමාණ බැංකු පද්ධති නවීකරණය කිරීමෙහිලා Intellect සමාගම සතු සුවිශේෂී ප්රවීණත්වය ද මෙයින් ඉස්මතු වේ.
සම්පත් බැංකුවේ මෙම සුවිශේෂී ගමන්මඟ නිල වශයෙන් ආරම්භ කරමින්, පසුගිය ජනවාරි මාසයේ දී විශේෂ ව්යාපෘති සමාරම්භක උත්සවයක් පවත්වන ලදී. සම්පත් බැංකුවේ කළමනාකාර අධ්යක්ෂ/ප්රධාන විධායක නිලධාරී සංජය ගුණවර්ධන මහතා සහ Intellect Design Arena Ltd හි ඉන්දියානු සහ දකුණු ආසියානු කලාපීය ප්රධාන විධායක නිලධාරී රාමනාන් එස්. වී. මහතා ඇතුළු දෙපාර්ශවයේම ඉහළ කළමනාකාරීත්වයේ සහභාගීත්වයෙන් පැවැත්වුණු මෙම උත්සවය, ආයතනික බැංකුකරණ ක්ෂේත්රයේ සිදුකිරීමට නියමිත මෙම දැවැන්ත වෙනස වෙනුවෙන් වූ ඒකාබද්ධ කැපවීම තහවුරු කරන්නක් විය. ආයතන දෙකෙහිම දැක්ම, උපායමාර්ග සහ ක්රියාකාරී කණ්ඩායම් එක් අරමුණක් කරා මෙහිදී පෙළගැස්වුණු අතර, එමඟින් දීර්ඝකාලීන ව්යාපාරික වර්ධනයක්, මෙහෙයුම් ශක්තිමත්භාවයක් සහ වඩාත් උසස් පාරිභෝගික අත්දැකීමක් ලබාදීමට සමත්, අනාගතයට සූදානම් ආයතනික සහ SME බැංකුකරණ වේදිකාවක් ගොඩනැඟීමේ පොදු අරමුණ අවධාරණය කෙරිණි.
ශ්රී ලංකාවේ ආයතනික බැංකුකරණ ක්ෂේත්රයට නව ප්රමිතියක්
ශ්රී ලංකාවේ බැංකු ක්ෂේත්රය මේ වන විට තාක්ෂණික දියුණුව සහ ගනුදෙනුකරුවන්ගේ අපේක්ෂාවන් මත පදනම් වූ සුවිශේෂී ඩිජිටල් පරිවර්තනයකට මුහුණ දෙමින් සිටී. නවෝත්පාදනය සහ ගනුදෙනුකරු කේන්ද්ර කරගත් සේවාවන් සම්බන්ධයෙන් නිරන්තරයෙන් ඇගයීමට ලක්වන සම්පත් බැංකුව, Intellect සමාගම විසින් නිර්මාණය කර බලගන්වන ලද මෙම නවීකරණ සැලසුම හරහා, මෙරට ආයතනික සහ SME බැංකුකරණ ක්ෂේත්රයට නව ප්රමිතියක් හඳුන්වා දීමට සූදානම් වේ.
මෙම සහයෝගීතාවය හරහා සම්පත් බැංකුව තම මුදල් කළමනාකරණය සහ සැපයුම් දාම මූල්ය යන අංශයන්හි මෙහෙයුම් කටයුතු නවීකරණය කිරීමට නියමිතය. එමඟින් බැංකුවේ ආයතනික සහ සුළු හා මධ්ය පරිමාණ ගනුදෙනුකරුවන් වෙත සියලු සේවාවන් එකම අවකාශයකින් ලබාගත හැකි ඒකාබද්ධ ඩිජිටල් අත්දැකීමක් ලබා දීමට බැංකුව අපේක්ෂා කරයි.
මෙම සුවිශේෂී පරිවර්තනය Intellect සමාගමේ ප්රධාන පද්ධති දෙකක් හරහා සිදු කෙරේ:
- මුදල් කළමනාකරණ පද්ධතිය (CMS): ව්යාපාරයක පවතින මුදල් ප්රමාණය එසැණින් නිරීක්ෂණය කිරීමටත්, ගෙවීම් කටයුතු සහ ගිණුම් වාර්තා සැසඳීම ස්වයංක්රීයව සිදු කිරීමටත් මෙම පද්ධතිය මඟින් අවස්ථාව සැලසේ. එමඟින් ව්යාපාරයේ එදිනෙදා වියදම් සඳහා අවශ්ය මුදල් වඩාත් කාර්යක්ෂමව සහ ක්රමවත්ව පාලනය කිරීමට ව්යාපාරිකයන්ට හැකියාව ලැබේ.
- සැපයුම් දාම මූල්ය පද්ධතිය (SCF): මෙය දත්ත පදනම් කරගත් විශ්ලේෂණයන් හරහා ව්යාපාරයක මෙහෙයුම් ප්රාග්ධනය ප්රශස්ත මට්ටමක පවත්වා ගැනීමට උපකාරී වන නම්යශීලී පද්ධතියකි. මේ හරහා සැපයුම්කරුවන්ගේ සිට බෙදාහරින්නන් දක්වා වූ සමස්ත ජාලය වෙතම වඩාත් විනිවිදභාවයෙන් යුත් සහ ආරක්ෂිත මූල්ය පහසුකම් සැපයීමට බැංකුවට හැකියාව ලැබේ.
eMACH.ai – සංයුක්ත සහ බුද්ධිමත් තාක්ෂණික ව්යුහය
මෙම පරිවර්තනයේ හදවත බඳු වන්නේ Intellect සමාගමේ eMACH.ai තාක්ෂණයයි. මෙය Microservices, APIs, Cloud සහ කෘත්රිම බුද්ධිය යන සියල්ල එකම වේදිකාවකට ගෙන එන ඉතා දියුණු නිර්මාණ සැලසුමකි. eMACH.ai සතු සංයුක්ත ගුණය නිසා, පවතින බැංකු පද්ධතිවලට බාධාවක් නොකරමින්, නව ව්යාපාරික අවශ්යතා ඉතා වේගයෙන් නිර්මාණය කිරීමට, සම්බන්ධ කිරීමට සහ පුළුල් කිරීමට බැංකුවට අවස්ථාව ලැබේ.
මෙමඟින් සම්පත් බැංකුවට හිමිවන ප්රතිලාභ:
- සේවාවන් කඩිනමින් වෙළඳපොළට හඳුන්වා දීමේ හැකියාව: සාම්ප්රදායික පද්ධති මෙන් නොව, මෙමඟින් නව බැංකු නිෂ්පාදන සහ සේවාවන් ඉතා කෙටි කාලයක් තුළ පාරිභෝගිකයා වෙත ඉදිරිපත් කිරීමට බැංකුවට අවස්ථාව ලැබේ.
- ව්යාප්ත කිරීමේ හැකියාව සහ නම්යශීලී බව: වෙනස් වන ව්යාපාරික පරිසරයට සහ නීතිමය අවශ්යතාවලට අනුකූලව, පද්ධතියේ විශාල වෙනස්කම් සිදු නොකරම පහසුවෙන් හැඩගැසීමේ හැකියාව.
- සම්බන්ධිත බුද්ධිමත් දත්ත විශ්ලේෂණය (Embedded Intelligence): මුදල් කළමනාකරණය, වෙළඳ සහ සැපයුම් දාම මූල්ය පද්ධති හරහා ලැබෙන තොරතුරු එසැණින් විශ්ලේෂණය කර වඩාත් නිවැරදි තීරණ ගැනීමට අවශ්ය බුද්ධිමත් දත්ත සහ තොරතුරු මෙහිදී ලබා ගත හැක.
- විවෘත ඒකාබද්ධතාව (Open Integration): බැංකුවේ මූලික පද්ධති, හවුල්කාර ජාලයන් සහ ෆින්ටෙක් පද්ධති සමඟ කිසිදු බාධාවකින් තොරව ඉතා පහසුවෙන් සම්බන්ධ වීමේ හැකියාව.
මෙම සංයුක්ත සහ බුද්ධිමත් තාක්ෂණික ප්රවේශය හරහා අඛණ්ඩව නවෝත්පාදනයන් සිදු කිරීමටත්, පාරිභෝගික අත්දැකීම් තවදුරටත් ඉහළ නැංවීමටත් සම්පත් බැංකුවට අවස්ථාව සැලසේ. එමෙන්ම, ශ්රී ලංකාවේ මූල්ය ක්ෂේත්රය තුළ තාක්ෂණයෙන් බලගැන්වුණු ප්රමුඛතම බැංකුවක් ලෙස තම ස්ථානය තවදුරටත් තහවුරු කර ගැනීමට ද මෙමඟින් මනා පිටිවහලක් ලැබෙනු ඇත.
සම්පත් බැංකුවේ කළමනාකාර අධ්යක්ෂ/ප්රධාන විධායක නිලධාරී සංජය ගුණවර්ධන මහතා මෙසේ පැවසීය. “මෙම පරිවර්තනය අනාගතයට ගැළපෙන ඩිජිටල් බැංකු පද්ධතියක් ගොඩනැඟීම සඳහා අප තබන සුවිශේෂී පියවරක්. Intellect සමාගමේ නවීන eMACH.ai තාක්ෂණය භාවිත කිරීම හරහා, අපගේ ආයතනික සහ SME ගනුදෙනුකරුවන්ට ජාත්යන්තර මට්ටමේ උසස් අත්දැකීමක් ලබා දීමට ඇති හැකියාව තවදුරටත් ශක්තිමත් වෙනවා. Intellect ආයතනය සමඟ එක්ව මෙම ගමන්මඟ ආරම්භ කිරීමට ලැබීම පිළිබඳව අප සතුටු වන අතරම, ඩිජිටල් බැංකුකරණ ක්ෂේත්රයේ සම්පත් බැංකුව සතු නායකත්වය තහවුරු කෙරෙන නවෝත්පාදන හඳුන්වා දීමටත් අප බලාපොරොත්තු වෙනවා.”
Intellect Design Arena Ltd හි ඉන්දියානු සහ දකුණු ආසියානු කලාපීය ප්රධාන විධායක නිලධාරී රාමනාන් එස්. වී. මහතා අදහස් දක්වමින් මෙසේ ප්රකාශ කළේය. “සම්පත් බැංකුව සමඟ ඇති කරගත් මෙම හවුල්කාරිත්වය, නිර්මාණශීලීත්වය, තාක්ෂණය සහ බුද්ධිමත් විසඳුම් ඔස්සේ බැංකු ක්ෂේත්රය අලුත් මාවතකට ගෙන යාම සඳහා Intellect සමාගම තුළ ඇති කැපවීම විදහා දක්වයි. අපගේ eMACH.ai තාක්ෂණය හරහා, නවෝත්පාදන වේගවත් කරන, මෙහෙයුම් කාර්යක්ෂමතාව ඉහළ නංවන සහ පැහැදිලි ව්යාපාරික ජයග්රහණ අත්කර දෙන ඩිජිටල් පද්ධතියක් ගොඩනැඟීමට අපි සම්පත් බැංකුව බලගන්වනවා. මෙම සහයෝගීතාවය හුදෙක් තාක්ෂණික පද්ධතියක් ස්ථාපනය කිරීමක් පමණක් නොව, එය ශ්රී ලංකාවේ ආයතනික බැංකුකරණයේ අනාගතය හැඩගැස්වීම සඳහා අප දෙපාර්ශවය සතු පොදු දැක්ම නියෝජනය කරන්නකි.”
