සැන් ෆ්රැන්සිස්කෝහි Samsung Galaxy Unpacked 2026 හිදී එළිදක්වනු ලැබූ Samsung Galaxy S26 ස්මාර්ට් ජංගම දුරකතන නිෂ්පාදන පෙල ශ්රී ලාංකේය වෙළෙඳපොලට හඳුන්වා දීමට Samsung Sri Lanka පසුගියදා කටයුතු කරන ලදී. උසස් තත්වයේ Agentic AI තාක්ෂණයෙන් යුත් මෙම නවතම නිෂ්පාදන පෙල ස්මාර්ට් ජංගම දුරකතන පරිශීලයින්ගේ එදිනෙදා වැඩකටයුතු පහසුවෙන් හා වඩා හොඳින් සිදු කර ගැනීමට අවශ්ය සහයෝගය ලබා දෙනු ඇත.
ඒ අනුව නවතම Samsung Galaxy S26 නිෂ්පාදන පෙල 2026 මාර්තු 16 වන දින සිට දිවයින පුරා පිහිටි Samsung හි බලයලත් අලෙවි නියෝජිතයින්ගෙන් මිලදී ගැනීමේ හැකියාව ශ්රී ලාංකේය පාරිභෝගිකයින්ට උදා වී ඇත.
මෙම නවතම ස්මාර්ට් දුරකතන නිෂ්පාදන අතරට Samsung Galaxy S26 Ultra, Samsung Galaxy S26+ සහ Samsung Galaxy S26 ඇතුළත් වන අතර පාරිභෝගිකයින්ට තමන්ගේ අවශ්යතාවයට හා රුචිකත්වයට සරිලන අයුරින් මිලදී ගැටීමට අවකාශ උදා වේ. විශේෂත්වය වන්නේ විවිධ විශේෂාංගයන්ගෙන් සමන්විත මෙම මාදිලි 3 හිම Galaxy AI තාක්ෂණය ඇතුළත්ව තිබීමයි.
මෙම දියත් කිරීමත් සමඟ Galaxy S26 මිලදී ගන්නා පාරිභෝගිකයින් හට රුපියල් 235,580* දක්වා විශේෂ ප්රතිලාභ හිමි කර දීමටද Samsung Sri Lanka මෙහිදී කටයුතු කර ඇත. ඊට වසර දෙකක කාලයක් සඳහා ඉදිරිපස හා පසුපස තිරය හා ආවරණය (Screen & Back Glass) නොමිලේ මාරුකර ගැනීමේ පහසුකම හා Dialog වෙතින් ලබා දෙන මසකට 350GB බැගින් මාස 6ක් දක්වා වන 2TB දත්ත පැකේජයක් ඇතුළත් වේ. එසේම Samsung Easy Pay පහසුකම හරහා මාස 2 දක්වා පහසු ගෙවීමේ ක්රමයට මෙම ස්මාර්ට් ජංගම දුරකතන මිලදී ගනිමින් නවතම AI තාක්ෂණයේ පහසුව අත්විඳීමේ අවස්ථාවද පාරිභෝගිකයින්ට හිමි වේ.
නිරන්තරයෙන් ස්මාර්ට් ජංගම දුරකතන ක්ෂේත්රයේ නව්යකරණ ප්රමුඛයා ලෙස කටයුතු කරන Samsung මෙම නවතම නිෂ්පාදන පෙල තුලින් AI තාක්ෂණය වඩාත් දියුණු ආකාරයෙන් පරිශීලකයා වෙත ගෙන යාමට සමත්ව ඇත්තේ ඔවුන්ට මෙතෙක් නොලැබූ අත්දැකීමක් උරුම කර දෙමිනි. ප්රවේශය, විවෘතභාවය හා විශ්වාසය පදනම් කර ගනිමින් පරිශීලකයින් හට තමන්ගේ පුද්ගලිකත්වය ආරක්ෂා කරගනිමින්, කැපී පෙනෙන අයුරින් තම ස්මාර්ට් ජංගම දුරකතනය භාවිත කිරීමට මේ තුලින් අවස්ථාව උදා වේ.
මෙම නවතම Galaxy S26 නිෂ්පාදන පෙලෙහි විශේෂම සාධකය වන්නේ agentic AI තාක්ෂණයයි. ඔබට අවශ්ය දේ පිළිබඳ ඔබ ලබා දෙන විධානයන්ට පිළිතුරු දීමෙන් නොනැවතී ඔබ සිදු කරන දේ පිළිබඳ අවබෝධයෙන් යුතුව අවශ්ය දේ කලින්ම හඳුනා ගනිමින් නිර්මාණයන් සඳහා දායක වීමට ඊට හැකියාව ඇත. ඔබගේ එදිනෙදා වැඩකටයුතු පහසු කිරීම සඳහා පසුබිමින් ක්රියාත්මක වන මෙම තාක්ෂණය හේතුවෙන් ඔබට වඩාත් වැදගත් වැඩකටයුතු කෙරෙහි අවධානය යොමු කිරීමට හැකි වේ.
මෙහි ඇති Call Screening විශේෂාංගය මඟින් ඇමතුම ලබා දෙන්නේ කවුද? කුමන හේතුවක් නිසාද? යන්න කෙටියෙන් පෙන්වා දෙන බැවින් ඇමතුමට සවන් දෙනවාද නැද්ද යන්න ඔබට තීරණය කළ හැකි වනු ඇත. එසේම Now Nudge විශේෂාංගය මඟින් ඔබගේ සංවාදයේ අන්තර්ගතය අවබෝධ කර ගනිමින් යෙදුම් (apps) අතරට නොගොස් එම අවස්ථාවේදීම ඔබට අවශ්ය යෝජනා ලබා දීමට කටයුතු කරයි. එය ඔබේ වැඩකටයුතු පහසු හා ක්රමවත්ව පවත්වාගෙන යාමට සුවිසල් සහායක් වනු නිසැකය.
තවද මෙහි ඇති Bixby හි නවතම සංස්කරණය මඟින් සජීවීව අන්තර්ජාලය පරීක්ෂා කිරීමේ (real-time web search) හැකියාව පරිශීලකයින් වෙත ලබා දී ඇති අතර ඒ හරහා ඔබගේ සංවාදයන් අතරතුරදී අවශ්ය තොරතුරු වෙනත් Apps වෙත නොගොස් පහසුවෙන් ලබා ගැනීමට හැකි වේ.
මෙහි ඇති තවත් සුවිශේෂී විශේෂාංගයක් වන්නේ Personal Data Engine (PDE) ය. ඒ තුලින් ඔබේ පෞද්ගලිකත්වය හා ආරක්ෂාව තහවුරු කර ඇති Samsung ඔබගේ සියලු දත්ත දුරකතනය තුලම ආරක්ෂා කර ගැනීමට කටයුතු කර ඇත්තේ ඔබේ රුචිකත්වයන් මනාව හඳුනා ගනිමිනි. Samsung Knox Enhanced Encrypted Protection (KEEP) විශේෂාංගය Apps තුල ඇති වඩාත් පුද්ගලික තොරතුරු වෙන් කර ආරක්ෂා කිරීමට සමත් වන අතර Samsung Knox Vault ඔබේ Passwords සහ ඇඟිලි සලකුණු වැනි ඉතා වැදගත් දත්ත ආරක්ෂිත පද්ධතියක් තුල සුරක්ෂිතව තබා ගැනීමට සමත් වනු ඇත.
මෙම නවතම Galaxy S26 නිෂ්පාදන පෙලෙහි තවත් විශේෂත්වයක් වන්නේ AI තාක්ෂණය ක්රියාත්මක කිරීමට අවශ්ය ශක්තිමත් Hardware ඒ සතු වීමයි. Galaxy S26 Ultra මාදිලිය සඳහා Samsung විසින්ම නිෂ්පාදනය කළ විශේෂ ප්රෙසෙසරයක් ඇතුළත් කර ඇත්තේද මේ නිසාය. පෙර හඳුන්වා දුන් නිෂ්පාදනයන්ට වඩා 39%කින් වැඩි දියුණු කළ ශක්තිමත් neural processing unit (NPU) ක් සහ 19%කින් වේගවත් CPU ක් මීට අන්තර්ගත වේ.
නවතම Galaxy S26 නිෂ්පාදන පෙළ ශ්රී ලාංකේය වෙළෙඳපොලට හඳුන්වා දෙමින් Samsung Sri Lanka හි කළමනාකාර අධ්යක්ෂ SangHwa Song මහතා සඳහන් කර සිටියේ “Galaxy S26 ස්මාර්ට් ජංගම දුරකතන නිෂ්පාදන පෙල ශ්රී ලාංකේය ජංගම දුරකතන පරිශීකයින්ගෙග් එදිනෙදා ජීවිතය පහසු කිරීමේ නව සංධිස්ථානයක් සනිටුහන් කරනවා. මෙහි ඇති Galaxy AI සහ agentic intelligence තාක්ෂණයන් තුලින් ශක්තිමත් හා ඔබට අවශ්ය දේ අවබෝධ කර ගත හැකි විශේෂාංග හඳුන්වා දීමට අපි කටයුතු කර තිබෙනවා. තම පෞද්ගලිකත්වය ආරක්ෂා කර ගනිමින් එදිනෙදා වැඩකටයුතු පහසු කර දෙන තාක්ෂණයක් අවැසි ශ්රී ලාංකේය පරිශීලකයින් හට ඒ සඳහා විශේෂ අවස්ථාවක් මෙම Galaxy S26 නිෂ්පාදන පෙල තුලින් ලබා දෙමින් ස්මාර්ට් ජංගම දුරකතන තාක්ෂණයේ නව සංධිස්ථානයක් සනිටුහන් කිරීමට අපට හැකි වී තිබෙනවා.” යනුවෙනි.
ඡායාරූපකරණය සඳහා උනන්දුවක් දක්වන පරිශීලකයින්ගේ අවශ්යතා මනාව සපුරාලීම වෙනුවෙන් AI තාක්ෂණයෙන් බලගැන්වෙන නවතම කැමරා තාක්ෂණයක්ද Galaxy S26 හි අන්තර්ගත වේ. මෙහි ඉදිරිපස කැමරාවට AI මඟින් ක්රියාත්මක Image Signal Processor (ISP) ඇතුලත් කර ඇති අතර ඒ මඟින් ඡායාරූප හා වීඩියෝ ඇමතුම් ලබා ගැනීමට අවශ්ය වර්ණ සහ අනෙකුත් තොරතුරු මනාව ඉස්මතු කරනු ලබයි. එමෙන්ම වැඩි දියුණු කරන ලද Samsung හි Nightography Video තාක්ෂණය හේතුවෙන් අඩු ආලෝක තත්වයකදී වුවද ඉතා පැහැදිලි වීඩියෝ දර්ශන ලබා ගැනීමටද මේ තුලින් හැකියාව උදා වේ.
තවද මෙහි ඇති Intelligent Document Scan විශේෂාංගය මඟින් ඕනෑම ලේඛනයක් එක් වරක් ස්කෑන් කිරීමෙන් අනවශ්ය දේ ඉවත් කර පැහැදිලිව ලබා ගැනීමටත්, හුවමාරු කළ හැකි ලිපි ගොනුවක් බවට පත් කර ගැනීමටත් ඔබට අවස්ථාව උදා වනු ඇත.
මෙහිදී Galaxy S26 Ultra මාදිලිය සඳහා නව Privacy Display තිර තාක්ෂණය හඳුන්වා දී ඇති Samsung දුරකතනය පරීක්ෂා කිරීමේදී තමන්ගේ දුරකතන තිරය වෙනත් අයෙකුට දැක ගැනීමේ හැකියාව පාලනය කරනු ඇත්තේ ඔබේ පෞද්ගලිකත්වය ආරක්ෂා කරමිනි. එය ඔබට අවශ්ය වේලාවට ක්රියාත්මක කළ හැකි අතර ප්රසිද්ධ ස්ථානවලදී මූල්ය තොරතුරු වැනි දේ පරීක්ෂා කිරීමේදී මෙම Apps භාවිත කිරීමට අවස්ථාව උදා කර දී තිබේ.
ඒ අනුව නවතම Galaxy S26 නිෂ්පාදන පෙල හරහා ශ්රී ලාංකේය පාරිභෝගිකයින්ගේ ස්මාර්ට් ජංගම දුරකතන අත්දැකීම් නව මානයක් වෙත ගෙන යාමට Samsung සමත්ව ඇත්තේ AI තාක්ෂණය, ඉහළ කාර්ය සාධනය හා ශක්තිමත් පුද්ගලික දත්ත ආරක්ෂාව ඔවුන් වෙත ලබා දෙමිනි. එහෙයින් මෙම නවතම අත්දැකීම ඔවුන්ගේ ජීවිතයේ සුවිසල් වෙනසකට මඟ පාදනු නිසැකය.
Galaxy S26 නිෂ්පාදන පෙල දැන් දිවයින පුරා පිහිටි සියලු බලයලත් අලෙවිසැල් තුලින් රු. 311,999 සිට මිලදී ගත හැකිය.
වැඩි විස්තර සඳහා තම ළඟම Samsung බලයලත් අලෙවි නියෝජිතයා වෙත පිවිසෙන්න. නැත්නම් 011 7 267 864 අංකය ඔස්සේ Samsung Sri Lanka පාරිභෝගික සේවා මධ්යස්ථානය හා සම්බන්ධ වන්න.
