ශ්රී ලංකාවේ දේපළ වෙළඳාම් ක්ෂේත්රයේ ප්රමුඛයා වන Prime සමූහ ව්යාපාරය, මෙරට දේපළ හිමිකාරීත්වය සුවිශේෂී අත්දැකීමක් බවට පත්කරන නවීනතම ඩිජිටල් සේවාවන් එකතුවක් හඳුන්වා දී තිබේ. දේපළ වෙළඳාම් ක්ෂේත්රයට සම්බන්ධ සැපයුම්, ඉදිකිරීම්, ව්යාපෘති කළමනාකරණය සහ පාරිභෝගික සේවා කටයුතු ඇතුළු සියලු අංශ ඩිජිටල්කරණය කිරීමේ දීර්ඝ ක්රියාවලියක් දැනටමත් ක්රියාත්මක වෙමින් පවතී.
දේපළ වෙළඳාම් ක්ෂේත්රයේ විවිධ අංශවලට අදාළ ඩිජිටල් විසඳුම් හා සේවාවන් මීට පෙරද වෙළඳපොළ තුළ පැවතිණි. මෙහිදී Prime සමූහයේ විශේෂත්වය වන්නේ, එම විසඳුම් සියල්ල එකිනෙක සම්බන්ධ කරන කාර්යක්ෂම ඩිජිටල් සේවා පද්ධතියක් නිර්මාණය කිරීමය.
Prime සමූහය අනුගමනය කරනුයේ සෑම විටම පාරිභෝගිකයන්ට මුල් තැන දෙන ප්රවේශයකි. එම ප්රවේශය ඔස්සේ පාරිභෝගිකයන්ගේ අවශ්යතා නිවැරදිව හඳුනා ගනිමින්, එම අවශ්යතා කාර්යක්ෂම ලෙස සපුරාලීමට හැකි වන ආකාරයට මෙවැනි විසඳුම් හා සේචාවන් හඳුන්වා දීමට Prime සමූහය සෑම විටම උත්සාහ කරයි.
ශ්රී ලංකාවේ ප්රථම වරට දේපළ වෙළඳාම් කටයුතු සම්බන්ධ විමසීම් සඳහාම වෙන් වූ ඉලක්කම් හතරක ක්ෂණික ඇමතුම් අංකයක් (1322) හඳුන්වා දෙන ලද්දේද Prime සමූහය විසිනි. මෙම ක්ෂණික ඇමතුම් සේවාව මගින් පාරිභෝගිකයන්ට දේපළ සම්බන්ධයෙන් අවශ්ය වන තොරතුරු, මගපෙන්වීම් හා සහයෝගය ඉතාමත් ඉක්මනින් ලබාදෙනු ලැබේ.
එමෙන්ම ශ්රී ලංකාවේ ප්රථම වරට DFCC බැංකුවේ API බැංකුකරණ පදනම (iConnect) භාවිතා කිරීම ආරම්භ කළ සමාගම වූයේද Prime සමූහ ව්යාපාරයයි. මෙමගින් DFCC බැංකුව හරහා Prime සමූහය වෙත ඩිජිටල් ක්රමයට ගෙවීම් සිදුකිරීමට පාරිභෝගිකයන්ට අවස්ථාව හිමි වී ඇත.
මුදල් ගෙවීමේ ක්රියාවලිය තුළදීද පාරිභෝගිකයන්ට උපරිම පහසුවක් සැලසීමට Prime සමූහය පියවර ගෙන තිබේ. පාරිභෝගිකයන්ට Prime ශාඛා වෙත පැමිණීමෙන් තොරව Virtual ගිණුම් හරහා ඩිජිටල් ක්රමය ගෙවීම් කිරීමට පහසුකම් සලසා දී ඇති අතර, එම ගෙවීම්වලට අදාළ ලදු පත් WhatsApp හෝ Email මගින් පාරිභෝගිකයන් වෙත එසැණින් යොමුකරනු ලැබේ. ශ්රී ලංකාවේ දේපළ වෙළඳාම් ක්ෂේත්රයේ ප්රථම ස්වයංක්රීය ඩිජිටල් තැන්පතු සහ ගෙවීම් තහවුරු කිරීමේ ක්රමවේදය මෙයයි.
එමෙන්ම Prime Edge mobile app හරහා පාරිභෝගිකයන්ට ඉතාමත් පහසුවෙන් තම දේපළ සම්බන්ධ කටයුතු කළමනාකරණය කරගැනීමට අවස්ථාව සලසා දී ඇත. එමගින් ඔවුන්ට අලෙවිය සඳහා ඇති දේපළ පිළිබඳ නවතම තොරතුරු දැනගැනීම සහ ගෙවීම් කටයුතු නිරීක්ෂණය කිරීම මෙන්ම දේපළ අන්අයට නිර්දේශ කිරීම ඔස්සේ වක්ර ආදායමක් ඉපයීම වැනි ප්රයෝජන රාශියක් ලබාගත හැකි වේ.
දේපළ ආයෝජනයේ අනාගතය වෙනුවෙන් Prime සමූහය හඳුන්වා දී ඇති තවත් සුවිශේෂී විසඳුමකි Prime Bee. මෙමගින් AI තාක්ෂණය ඔස්සේ කෙටි පණිවිඩ සහ හඬ භාවිතා කරමින් පාරිභෝගිකයන්ට දේපළ කටයුතු සම්බන්ධයෙන් පුළුල් මගපෙන්වීමක් ලබාදෙනු ලැබේ. Prime Bee යනු වෙළඳපොළේ පවතින අවස්ථා හඳුනාගෙන දැනුවත්ව තීරණ ගැනීමටත්, තමන්ට අවශ්ය සහය ක්ෂණිකව ලබාගැනීමටත් පාරිභෝගිකයන්ට අවස්ථාව සලසා දෙන සුවිශේෂී සේවාවකි.
Apartner (පුද්.) සමාගම සමග එක් වී 43 by the Sea නිවාස එකතුව වෙනුවෙන් Smart දේපළ කළමනාකරණ විසඳුම් එකතුවක් හඳුන්වා දීමටද Prime සමූහය පියවර ගෙන තිබේ. මෙමගින් එම නිවාසවල පදිංචිකරුවන්ට විශේෂ App එකක් හරහා බිල්පත් ගෙවීම සහ නඩත්තු කටයුතු ඇතුළු අවශ්යතා රාශියක් කළමනාකරණය කරගැනීමට හැකි වී ඇත.
මෙම නවෝත්පාදන හඳුන්වා දීම සඳහා පෙරමුණ ගෙන කටයුතු කරනුයේ ප්රධාන තොරතුරු තාක්ෂණ නිලධාරී රසික උදයංග මහතාගේ නායකත්වය යටතේ ක්රියාත්මක වන Prime සමූහයේ තොරතුරු තාක්ෂණ අංශයයි. එම අංශය විසින් SAP සහ Infrastructure කණ්ඩායම් හරහා මෙම නවෝත්පාදන ක්රියාවලිය මෙහෙයවනු ලබයි.
“Prime සමූහයේ තාක්ෂණික නවෝත්පාදන ක්රියාවලිය සැලසුම් කර තිබෙන්නේ දේපළ වෙළඳාම් ක්ෂේත්රයේ පූර්ණ පරිවර්තනයක් ඇතිකිරීමේ අරමුණිනුයි. උසස් ඩිජිටල් මෙවලම් භාවිතා කිරීම තුළින් අපට ඉහළම විනිවිදභාවයක් හා කාර්යක්ෂමතාවක් පවත්වා ගන්නා අතරම පාරිභෝගිකයන්ට විශිෂ්ටතම සේවාවක් ලබාදීමට හැකි වී තිබෙනවා.” Prime සමූහයේ ප්රධාන තොරතුරු තාක්ෂණ නිලධාරී රසික උදයංග මහතා පැවසීය.
Prime සමූහය හඳුන්වා දී ඇති මෙම ඩිජිටල් විසඳුම් එකතුව තුළින්, දේපළ වෙළඳාම් ක්ෂේත්රය තුළ මෙතෙක් පැවති අභියෝග රැසකට විසඳුම් ලැබී තිබේ. ඉදිරියේදීත් දේපළ වෙළඳාම් ක්ෂේත්රයට නවතම විසඳුම් රැසක් හඳුන්වා දෙමින්, එම ක්ෂේත්රයේ ඩිජිටල් නවෝත්පාදන සම්බන්ධ ප්රමුඛයා ලෙස තමන් සතු කීර්තිනාමය තවදුරටත් වර්ධනය කරගැනීම Prime සමූහයේ අරමුණ වී ඇත.
