DFCC බැංකුවේ, කුඩා හා මධ්ය පරිමාණ ව්යාපාර සංවර්ධන ඒකකය සංවිධානය කරන ප්රමුඛතම වැඩසටහන් අතුරින් එකක් වන ‘DFCC ව්යාපාර හමුව’ තඹුත්තේගම සහ කෑගල්ල ප්රදේශවල ජීවත් වෙන, කෙසෙල් වගාකරුවන්ගේ සහ කුඩා ව්යාපාර හිමියන්ගේ කුසලතා සහ දැනුම වර්ධනය කිරීම සඳහා පසුගියදා පවත්වන ලදි. මෙම වැඩසටහන හරහා වෙළෙඳපොළ අවස්ථා පිළිබඳ පුළුල් අවබෝධයක් සහ ප්රායෝගික ක්රමෝපායන් පිලිබඳ දැනුම ලබා දෙමින්, කලාපීය ආර්ථික වර්ධනයට ඔවුන්ව සම්බන්ධ කරලීමට කටයුතු කරන ලදී.
රාජාංගනය A-Park (පුද්.) සමාගම සමඟ එක්ව පවත්වන ලද මෙම වැඩමුළුව, ගොවීන්ට සහ ව්යවසායකයින්ට මූල්ය සාක්ෂරතාව, ව්යවසායකත්ව සංවර්ධනය සහ තිරසාර ව්යාපාරික පිළිවෙත් පිළිබඳ මඟපෙන්වීම ලබා දෙන ලදී. න්යායාත්මක දැනුමෙන් ඔබ්බට යමින්, මූල්ය පහසුකම් සඳහා ඇති සීමිත ප්රවේශය, වෙළෙඳපොළ සම්බන්ධතා ගොඩනඟා ගැනීමේ දුෂ්කරතා සහ මෙහෙයුම් නවීකරණය කිරීමේ අවශ්යතාව වැනි පොදු අභියෝග සඳහා ප්රායෝගික විසඳුම් ලබා දීමට මෙම වැඩසටහන මඟින් කටයුතු කෙරිණි.
මේ පිළිබඳව අදහස් දැක්වූ DFCC බැංකුවේ කුඩා හා මධ්ය පරිමාණ ව්යාපාර බැංකුකරණ අංශයේ උප සභාපති, ප්රදීප් ද අල්විස් මහතා මෙසේ පැවසීය: “රටේ ප්රගතියේ ආරම්භක පියවර තැබීමට, එනම් බිම් මට්ටමින්ම දායක වීමට ලැබීම අපට මහත් සතුටක්. ‘ව්යාපාර හමුව’ හරහා අප ලබා දෙන්නේ මූල්ය පහසුකම් පමණක්ම නෙවෙයි. ගොවීන්ගේ සහ සුළු ව්යවසායකයින්ගේ ආත්ම විශ්වාසය ගොඩනැංවීමට, ජීවනෝපායන් ශක්තිමත් කිරීමට සහ ඔවුන්ව ජාතික ආර්ථික වර්ධනයට සක්රීය දායක කිරීමට අවශ්ය සහයෝගය අප ලබා දෙනවා. මෙලෙස තඹුත්තේගම කෙසෙල් වගාකරුවන්ට සහ කෑගල්ලේ ව්යවසායකයින්ට සහාය වීම යනු, ග්රාමීය ආර්ථිකයේ මූලයන් පෝෂණය කිරීමක්. එමඟින්, ප්රජාවටත්, අනාගත පරපුරටත් සෞභාග්යමත් අනාගතයක් උදා කිරීම අපගේ ඒකායන අරමුණයි.”
තවද මේ සඳහා සහභාගී වූ පිරිස් හට, පොකුරු-පදනම් කරගත් ව්යාපාර සංවර්ධනය, තිරසාර කෘෂිකර්මය සහ මූල්ය සැලසුම්කරණය වැනි විෂයයන් පිළිබඳව විශේෂඥයින් විසින් මෙහෙයවන ලද සැසිවාර සඳහා සහභාගී වීමටද අවස්ථාව හිමි විය. මෙමඟින් ලැබෙන ප්රායෝගික දැනුම, ගතික වෙළෙඳපොළ තුළ වඩාත් ඵලදායීව තරඟ කිරීමටත්, තම ප්රජාවන්ගේ, තරඟකාරී ආර්ථික රටාවට ඔරොත්තු දීමේ හැකියාව වර්ධනය කිරීමටත් ඔවුන්ට උපකාරී වනු ඇත.
සහභාගී වූවන්ගෙන් ලද ඉහළම යහපත් ප්රතිචාර සමඟින්, ‘DFCC ව්යාපාර හමුව’ වැඩසටහන, මූල්ය සාක්ෂරතාව, නව්ය අවස්ථා සහ නවෝත්පාදනයන් සමඟ සම්බන්ධ කරමින්, බිම් මට්ටමේ ව්යවසායකත්වය නංවාලන අත්යවශ්ය වේදිකාවක් ලෙස පිළිගැනීමට ලක්වෙමින් පවතී. DFCC බැංකුවට අනුව, මෙම වැඩසටහන, ශ්රී ලංකාවේ ක්ෂුද්ර, සුළු හා මධ්ය පරිමාණ ව්යවසාය (MSME සහ SME) අංශය ශක්තිමත් කිරීමේත්, එමඟින් කුටුම්භ, ප්රජාවන් සහ කලාපයන් එකසේ නංවාලීම සඳහා වූ දිගු කාලීන වැඩසටහනක එක් මූලාරම්භයකි.
DFCC බැංකුව පිළිබඳව
ශ්රී ලංකාවේ ප්රමුඛතම මූල්ය ආයතනයක් වන DFCC බැංකුව 1955 වසරේදී ස්ථාපිත කරන ලද අතර, 1956 වසරේ සිටම එය කොළඹ කොටස් හුවමාරුවේ ලියාපදිංචි වී සිටී. ශ්රී ලංකා මහ බැංකුව විසින් නියාමනය කරනු ලබන එය Fitch Ratings වෙතින් A (lka) ශ්රේණිය හිමි කරගෙන තිබේ. DFCC බැංකුව විසින් පාරිභෝගික, ආයතනික හා සුළු හා මධ්යම පරිමාණ බැංකු සේවාවන් මෙන්ම භාණ්ඩාගාර, ආයෝජන සහ වෙළඳ මූල්ය සේවා ඇතුළු සේවාවන් රාශියක් පිරිනමනු ලබයි.
පාරිභෝගික කේන්ද්රීයත්වය හා තිරසාරත්වය උදෙසා මුල් තැන දෙන DFCC බැංකුව DFCC MySpace වැනි ඩිජිටල් සේවාවන් ඇතුළු ක්රම රාශියක් ඔස්සේ කාර්යක්ෂම හා සුරක්ෂිත ලෙස සිය සේවාවන් පිරිනමන අතර, දිවයින පුරා ශාඛා 133 ක්ද පිහිටුවා ඇත. මීට අමතර එම බැංකුවේ ගනුදෙනුකරුවන්ට LankaPay ජාලය හරහා ATM යන්ත්ර 5,500 කට අධික සංඛ්යාවක් භාවිතා කළ හැකි වේ.
තිරසාර මූල්යකරණය සහ පුනර්ජනනීය බලශක්තිය සම්බන්ධ පිළිගත් ප්රමුඛයෙකු වන DFCC බැංකුව, පාරිසරික බලපෑම් අවම කරමින් ආර්ථිකයේ දීර්ඝකාලීන ඔරොත්තු දීමේ හැකියාව වර්ධනය කිරීම සඳහා කැප වී සිටී.
