කොළඹ නගරයේ තොරතුරු තාක්ෂණ අවකාශය තුළ නව සන්ධිස්ථානයක් සනිටුහන් කරමින්, 2025 දෙසැම්බර් 03දා යුනිටි ප්ලාසා හිදී ශ්රී ලංකාවේ විශාලතම එළිමහන් LED ඩිජිටල් තිරය විවෘත කරන ලදී. මෙම අවස්ථාව සඳහා On’ally Holdings PLC අධ්යක්ෂ මණ්ඩලය සහ ඉහළ කළමනාකාරීත්වය, මෙන්ම සම්භාවනීය අමුත්තන් 250 කට වැඩි පිරිසක් සහ ව්යාපාරික හවුල්කාර සමාගම් නියෝජිතයින් හා මාධ්යවේදීන් රැසක් ද සහභාගී වී සිටියහ.
ගාලු පාර, වැල්ලවත්ත සහ දුම්රියපොළ පාර යන මංසන්ධි ත්රිත්වයටම මුහුණලා දිස්වෙන මෙම LED ඩිජිටල් තිරය එළිදැක්වීම තුළින් යුනිටි ප්ලාසා, ශ්රී ලංකාවේ වඩාත් ආකර්ෂණීයම ඩිජිටල් සැපයුම් සන්ධිස්ථානයක් බවට පරිවර්තනය කරනු ලබයි. එමෙන්ම මෙරට ප්රමුඛපෙළේ තොරතුරු තාක්ෂණ මධ්යස්ථානයක් ලෙස යුනිටි ප්ලාසා හි දායකත්වය තවදුරටත් කැපී පෙනෙන අතර, කොළඹ නගරයේ වාණිජමය කටයුතු සඳහා නැවුම් මුහුණුවරක් ද ගෙන දෙනු නිසැකය.
මෙම එළිදැක්වීමේ උත්සවයට පැමිණ සිටි ආයතන ප්රධානීන් පැවසුවේ, මෙම ඩිජිටල් තිරය හුදෙක් වෙළඳ දැන්වීම් පළ කරන වේදිකාවකට එහා ගිය වැදගත් කාර්යභාර්යයක් ඉටු කරන විශේෂාංගයක් වන බවත්, මෙමගින් ශ්රී ලංකාවේ තොරතුරු තාක්ෂණික නිෂ්පාදන සහ සේවා සඳහා ප්රමුඛතම සේවාදායකයෙකු වශයෙන් යුනිටි ප්ලාසා සන්නාමය තවදුරටත් ශක්තිමත් වනු ඇති බවත්ය. මෙහිදී අදහස් දැක්වූ On’ally Holdings PLC හි කළමනාකාර අධ්යක්ෂ, එම්. එච්. ජමාල්ඩීන් මහතා පැවැසුවේ ඩිජිටල් ක්ෂේත්රයේ පරිවර්තනීය වෙනසක් කරා පිය නඟන යුනිටි ප්ලාසා හි නවෝත්පාදන දැක්ම සඳහා මෙම එළිදැක්වීම මහඟු පිටිවහලක් වනු ඇති බවයි. මෙම නවතම මුලපිරීම, ශ්රී ලංකාවේ ඩිජිටල්කරණය තුළින් වාණිජ ඉලක්කයන් සපුරා ගැනීමෙහිලා සැලකිය යුතු තාක්ෂණික සහයෝගයක් ලබා දෙනු ඇති බවද ඔහු වැඩිදුරටත් පෙන්වා දුන්නේ ය.
මෙම මුලපිරීම ජාත්යන්තර සහ දේශීය විශේෂඥතාවන්ගේ සම්මිශ්රණයක් නියෝජනය කරන අතර, මහා පරිමාණ එළිමහන් ඩිජිටල් මාධ්ය විසඳුම් සහ උසස් ඉංජිනේරු ප්රමිතීන් සඳහා ප්රසිද්ධ ගෝලීය වශයෙන් පිළිගත් චීන සන්නාමයක් වන Charming & Co. විසින් මෙම LED පද්ධතිය සපයනු ලැබීය. මෙය ස්ථාපනය කරනු ලැබුවේ On’ally Holdings PLC හි නඩත්තු ඉංජිනේරු කණ්ඩායම විසිනි. ඒ ඔස්සේ මෙවැනි අන්දමේ මහා පරිමාණ ව්යාපෘතියක් සාර්ථකව කළමනාකරණය කිරීමේ ශ්රී ලංකාව සතු තාක්ෂණික හැකියාව ද මනාව පිළිබිඹු වේ. මෙම සහයෝගීතාවය තුළින් කාර්ය සාධනය, දිගුකාලීන විශ්වසනීයත්වය සහ යුනිටි ප්ලාසා හි ඒකාබද්ධ දායකත්වය අඛණ්ඩව තහවුරු කරනු ඇත. 
මෙම එළිදැක්වීම තුළින් අලෙවිකරුවන්ට මෙන්ම තාක්ෂණික සන්නාමයන්ට කාලීනව වෙනස් වන අන්තර්ගතයන් සඳහා උසස් දෘෂ්යතාවයක් සහිත වේදිකාවක් සපයනු ඇති අතර, ශ්රී ලංකාවේ එළිමහන් ඩිජිටල් දැන්වීම්කරණයේ හැරවුම් ලක්ෂ්යයක් ද සනිටුහන් කෙරේ. මෙය යුනිටි ප්ලාසා හි බහු අවුරුදු නවීකරණ වැඩසටහනේ සුවිශේෂි කඩඉමක් වනවා සේම ශ්රී ලංකාවේ ඩිජිටල් සන්නිවේදන අනාගතය සවිමත් කරන පුරෝගාමීයෙකු වශයෙන් සිය මෙහෙවර නැවත වතාවක් අත්පත් කරගනු ඇතැයි නොඅනුමානය.
