HNB ජෙනරල් ඉන්ෂුවරන්ස් සමාගම, සිය මව් සමාගම් සමූහය වන HNB සමූහයේ තවත් සාඩම්බර සාමාජිකයෙකු වන HNB ස්ටොක් බ්රෝකර්ස් සමාගම සමඟ සුවිශේෂී මූලෝපායික සහයෝගීතාවයකට පසුගියදා අත්සන් තැබීය. සිය සමූහයට අයත් සමාගම් අතර අන්තර් සහයෝගීතාවය වර්ධනය කිරීම හරහා, උපරිම පාරිභෝගික පහසුව වෙනුවෙන් ඒකාබද්ධිත මූල්ය සේවාවන් සැපයීම ඉලක්ක කරගත් HNB සමූහයේ දැක්ම යථාර්ථයක් බවට පත්වන තවත් එක් සුවිශේෂී සන්ධිස්ථානයක් වශයෙන් මෙම සහයෝගීතාවය හැඳින්විය හැකිය.
HNB ජෙනරල් ඉන්ෂුවරන්ස් සමාගම සහ HNB ස්ටොක් බ්රෝකර්ස් සමාගම අතර නව සහයෝගීතාවය හරහා, HNB ස්ටොක් බ්රෝකර්ස් සමාගමේ පාරිභෝගිකයින් හට ඔවුන්ගේ වත්කම් වර්ධනය කරගන්නා අතරම, ඔවුන්ගේ අවශ්යතාවන් වෙනුවෙන්ම සැකසූ සාමාන්ය රක්ෂණ සේවාවන් රැසක් සඳහා පහසු ප්රවේශයක් ලබා ගැනීමට අවස්ථාව හිමි වේ.
මෙම සහයෝගීතාවයට අදාළ අවබෝධතා ගිවිසුම අත්සන් තැබීම පසුගියදා HNB ජෙනරල් ඉන්ෂුවරන්ස් සමාගමේ අධ්යක්ෂ/ප්රධාන විධායක නිලධාරී සිතුමිණ ජයසුන්දර, HNB ආයෝජන බැංකුවේ කළමනාකාර අධ්යක්ෂ සමූහ ප්රධාන විධායක නිලධාරී රේ අබේවර්ධන සහ HNB ස්ටොක් බ්රෝකර්ස් සමාගමේ අධ්යක්ෂ/ප්රධාන විධායක නිලධාරී ප්රශාන් ප්රනාන්දු යන මහත්වරුන්ගේ ප්රධානත්වයෙන් සිදු කෙරිණි.
HNB ස්ටොක් බ්රෝකර්ස් සමාගම ආයෝජන ක්ෂේත්රය තුළ දැවැන්ත කීර්තියක් හිමි, සිය නිත්ය පාරිභෝගික පිරිස වන ක්රියාකාරී ආයෝජකයින් සමූහයක් සමඟ ඉතා සවිමත් සබඳතාවයක් ගොඩනඟා ගෙන ඇති සමාගමකි. HNB ජෙනරල් ඉන්ෂුවරන්ස් සමාගම විසින් ලබා දෙන මෝටර් රක්ෂණ සහ නිවාස රක්ෂණ විසඳුම්වල සිට ආයතනික රක්ෂණ විසඳුම් දක්වා පුළුල් පරාසයක සාමාන්ය රක්ෂණ විසඳුම් සඳහා පහසු ප්රවේශය හිමි වීම, HNB ස්ටොක් බ්රෝකර්ස් සමාගම කෙරෙහි විශ්වාසය තැබූ එම ආයෝජකයින් හට හිමිවන සුවිශේෂී ප්රතිලාභයකි.
HNB ජෙනරල් ඉන්ෂුවරන්ස් සමාගමේ අධ්යක්ෂ/ප්රධාන විධායක නිලධාරී සිතුමිණ ජයසුන්දර මහතා මේ පිළිබඳව අදහස් දක්වමින් මෙසේ පැවසීය, “මූල්ය සුරක්ෂිතතාවය සම්පූර්ණ වීම සඳහා ඉතා වැදගත් අංශ දෙකක් ආවරණය විය යුතු බව HNB ජෙනරල් ඉන්ෂුවරන්ස් සමාගම වශයෙන් අපි නිරන්තරයෙන් විශ්වාස කරනවා. ඒ වත්කම් වර්ධනය කිරීම සහ වත්කම්වල ආරක්ෂිත බව තහවුරු කිරීමයි. සාමාන්ය රක්ෂණ ක්ෂේත්රයේ ප්රමුඛයෙකු වශයෙන් අප සතු ප්රවීණත්වය HNB ස්ටොක් බ්රෝකර්ස් සමාගමේ පාරිභෝගිකයින්ගේ ආයෝජන සාර්ථකත්වය වෙනුවෙන් ලබා දීමට හැකි වීම අපට ඉතා වැදගත් ජයග්රහණයක්. එමෙන්ම මෙම සහයෝගීතාවය HNB සමූහයට ඒකාබද්ධිත සේවාවන් හරහා පාරිභෝගිකයින් හට උපරිම පහසුව සහ විශිෂ්ට සේවාවක් සැපයීමට ඇති හැකියාවට හොඳම උදාහරණයක්”.
HNB ස්ටොක් බ්රෝකර්ස් සමාගමේ අධ්යක්ෂ / ප්රධාන විධායක නිලධාරී ප්රශාන් ප්රනාන්දු මහතා මෙසේ පැවසීය, “අපේ පාරිභෝගිකයින් හට කොටස් ගනුදෙනු සේවාවන්ගෙන් ඔබ්බට ගිය පුළුල් සේවාවන් සපයමින් ඔවුන්ගේ මූල්ය සහකරු බවට පත්වීම අපි නිරන්තරයෙන්ම අත්පත් කරගැනීමට උත්සාහ කළ ඉලක්කයක්. HNB ජෙනරල් ඉන්ෂුවරන්ස් සමාගම සමඟ ඇති කරගත් නව සහයෝගීතාවය අපට ඉතාමත් වැදගත් වන්නේ ඒ නිසයි. මෙම සහයෝගීතාවය හරහා අපේ පාරිභෝගිකයින් හට HNB ජෙනරල් ඉන්ෂුවරන්ස් සමාගමේ පුළුල් රක්ෂණ විසඳුම් පරාසයට ප්රවේශය හිමිවනවා. එමගින් ඔවුන්ගේ වත්කම් වර්ධනය කිරීමට කටයුතු කරන අතරම, එම වත්කම් හොඳම ආකාරයට ආරක්ෂා කර දීමට ද අවස්ථාව සැලසෙනවා”.
HNB ජෙනරල් ඉන්ෂුවරන්ස් සහ HNB ස්ටොක් බ්රෝකර්ස් අතර සහයෝගීතාවය, HNB සමූහය වඩාත් පාරිභෝගික කේන්ද්රීය සේවාවක් සැපයීම සඳහා ඉදිරියේදී තවදුරටත් පරිවර්තනය වන ආකාරය පිළිබඳව මනා උදාහරණයකි. බැංකු සේවා, රක්ෂණ සේවා සහ ආයෝජන සේවා වැනි විවිධ මූල්ය සේවා අංශවල ප්රවීණ සමාගම් ගණනාවක් HNB සමූහයට අයත් වේ. මෙම සමාගම් අතර අන්තර් සබඳතාවය වර්ධනය කිරීම හරහා විවිධ අංශ ආවරණය කෙරෙන පරිපූර්ණ සේවාවක් පාරිභෝගිකයින් හට ලබා දීම සමූහයේ ප්රධානතම මූලෝපායික අරමුණයි. මේ හරහා සමූහයේ සාමාජික සමාගම් අතර අන්තර් ක්රියාකාරීත්වය වඩාත් කාර්යක්ෂම කරන අතරම, එම සමාගම්වලටත් ඔවුන්ගේ පාරිභෝගිකයින්ටත් අඛණ්ඩව සාර්ථකත්වයේ ගමනක නියැලීමට අවස්ථාව හිමිවනු ඇති බව HNB සමූහයේ අපේක්ෂාවයි.
