ශ්රී ලංකා ආහාර සැකසුම්කරුවන්ගේ සංගමය (SLFPA) විසින් සංවිධානය කරන ලද 10 වන වාර්ෂික සය සාමාජික සැහැල්ලු පන්දු ක්රිකට් තරගාවලිය පසුගිය පෙබරවාරි 14 වන දින කොළඹ 07, තර්ස්ටන් විද්යාලීය ක්රීඩා සංකීර්ණයේදී උත්කර්ෂවත් අයුරින් පැවැත්විණ. මෙහිදී සාමාජික සමාගම් 30 ක් නියෝජනය කරමින් කාන්තා හා පිරිමි කණ්ඩායම් 40ක් “SLFPA අභියෝගතා ශූරතාවලිය” ” දිනාගැනීම සඳහා තරග වැදුණි. ලීග් ක්රමයට පැවැත්වුණු මෙම තරගාවලිය හරහා සහභාගී වූ සමාගම්වල සේවකයින් අතර වෘත්තීය සබඳතා ශක්තිමත් කිරීම, අන්තර් සබඳතා වර්ධනය සහ සුහදතාව ප්රවර්ධනය කිරීම අපේක්ෂා කෙරිණි.
සැකසූ ආහාර හා පාන වර්ග, යන්ත්ර සූත්ර සහ ඇසුරුම්කරණය, ජාත්යන්තර ආහාර සහතිකකරණය, ආහාර අමුද්රව්ය සහ අතිරේක භෝජන (Casual Dining) ඇතුළු විවිධ ක්ෂේත්ර නියෝජනය කරමින් කණ්ඩායම් මීට සහභාගී විය. ආහාර සැකසුම් කර්මාන්තයේ නියැලෙන්නන්ගේ දින දර්ශනයේ සුවිශේෂී අංගයක් වන මෙම තරගාවලිය, ක්රීඩාශීලීත්වය සහ විනෝදය පෙරදැරිව වෘත්තිකයන් එකම වහලක් යටට ගෙන එන අතර, මෙවර තරගාවලිය සඳහා ක්රීඩක ක්රීඩිකාවන්ගේ පවුල්වල සාමාජිකයන්ට ද සහභාගී වීමට අවස්ථාව සලසා දී තිබුණි.
උණුසුම් තරගයකින් අනතුරුව, මෙවර තරගාවලියේ ශූරතාව දිනා ගැනීමට Finagle ලංකා Finagle Lanka (Pvt) Ltd) සමත් වූ අතර, අනුශූරතාව කන්ට්රි ස්ටයිල් ෆුඩ්ස් (පුද්) සමාගම (Country Style Foods (Pvt) Ltd) SMAK විසින් හිමිකර ගන්නා ලදී. එහිදී පලිහ ශූරතාව සී. ඩබ්ලිව්. මැකී පීඑල්සී (C. W. Mackie PLC) ආයතනයට හිමිවිය. තරගාවලියේ දක්ෂතා දැක්වූ ක්රීඩක ක්රීඩිකාවන් ඇගයීමට ලක්වූ අතර, ෆිනෑගල් ලංකා සමාගමේ ප්රභාශ් අබේවර්ධන මහතා තරගයේ වීරයා ලෙසත්, සිතුමිණි පීරිස් මෙනවිය තරගයේ වීරවරිය ලෙසත් සම්මානයට පාත්ර වූහ.
ක්රිකට් තරගාවලියට අමතරව කැරෝකේ ගායන තරග, නර්තන තරග සහ හොඳම ප්රදර්ශන කුටිය තේරීමේ තරග ද මෙහිදී පැවැත්විණි. මෙමඅතිරේක තරග ඉසව් සඳහා ද සහභාගී වූවන් උද්යෝගයෙන් දායක විය. එහිදී හොඳම ගායකයා ලෙස CMC Engineering Export GmbH හි චතුරංග කොඩිතුවක්කු මහතා තේරී පත් වූ අතර, SGS Lanka (Pvt) Ltd හි චතුර ද සිල්වා මහතා එහි අනුශූරතාව දිනා ගත්තේය. හොඳම ගායිකාව ලෙස Indexpo Certification Ltd හි කුශාන්ති රාමචන්ද්රන් මෙනවිය සම්මානය දිනාගත් අතර, C. D. De Fonseka & Sons (Pvt) Ltd හි හසිනි කනේෂිකා මෙනවිය එහි අනුශූරතාව හිමිකර ගත්තාය.
නර්තන අංශයෙන් ද විශිෂ්ට දක්ෂතා ප්රදර්ශනය වූ අතර, හොඳම නර්තන ශිල්පියා (පිරිමි) ලෙස Control Union Inspections (Pvt) Ltd හි රාජේෂ් කන්නා මහතා ප්රථම ස්ථානය දිනාගත් අතර, Cargills Convenient Foods (Pvt) Ltd හි නුවන් කුමාර මහතා එහි දෙවන ස්ථානය දිනා ගත්තේය. නර්තන ශිල්පිනියන්ගේ අංශයෙන් Control Union Inspections (Pvt) Ltd හි රවිඳි ප්රනාන්දු මෙනවිය ප්රථම ස්ථානය ද, Neochem International (Pvt) Ltd හි ලක්ෂාණි බණ්ඩාරනායක මෙනවිය දෙවන ස්ථානය ද හිමිකර ගත්හ.
මීට අමතරව, හොඳම ප්රදර්ශන කුටිය ලෙස Control Union Inspections (Pvt) Ltd සම්මානයට පාත්ර වූ අතර, එහි දෙවන ස්ථානය SGS Lanka (Pvt) Ltd විසින් දිනා ගන්නා ලදී.
මෙවර තරගාවලියේ ප්ලැටිනම් අනුග්රාහකයා ලෙස SGS Lanka (Pvt) Ltd කටයුතු කළ අතර, රන් අනුග්රහය Nations Trust Bank සහ Control Union Inspections (Pvt) Ltd විසින් ලබා දෙන ලදී. රිදී අනුග්රාහකයන් ලෙස Sena Mills Refineries (Pvt) Ltd, Nestlé Lanka Ltd සහ Cargills Convenient Foods Ltd දායකත්වය දැක්වූහ. CMC Engineering GmbH සහ Country Style (Pvt) Ltd යන ආයතන ද සෙසු අනුග්රාහකයන් අතර විය. මෙම උළෙලේ නිල සේවා සහකරු ලෙස ලංකා ප්රදර්ශන සහ සම්මේලන සේවා ආයතනය (LECS) කටයුතු කරන ලදී.
