ශ්රී ලංකාවේ පැවැත්වෙන වඩාත් කීර්තිමත් කනිෂ්ඨ ගොල්ෆ් තරඟාවලිය වන “ප්රීමා සන්රයිස් ශ්රී ලංකා කනිෂ්ඨ විවෘත ගොල්ෆ් ශූරතාවලිය 2025”, දිවයින පුරා විසිරී සිටින තරුණ ගොල්ෆ් ක්රීඩක ක්රීඩිකාවන්ගේ සුවිශේෂී දක්ෂතා සහ උද්යෝගය විදහා දක්වමින් ඉතා උසස් අයුරින් පසුගියදා නිමාවට පත් විය.
2026 මාර්තු 6 සිට 8 දක්වා නුවරඑළිය ගොල්ෆ් සමාජයේදී (Nuwara Eliya Golf Club) පැවැත්වූ මෙම කීර්තිමත් ශූරතාවලිය, සිලෝන් ඇග්රෝ ඉන්ඩස්ට්රීස් ලිමිටඩ්, ප්රීමා සමූහය (Prima Group Sri Lanka), ශ්රී ලංකා ගොල්ෆ් ආයතනය සහ ශ්රී ලංකා ගොල්ෆ් සංගමයේ කනිෂ්ඨ සංවර්ධන කමිටුව එක්ව 17 වන වරටත් සංවිධානය කරනු ලැබීය.
ලෝක ආධුනික ගොල්ෆ් ශ්රේණිගත කිරීම්වල (WAGR) කනිෂ්ඨ අංශයේ ප්රමිතිගත තරඟාවලියක් ලෙස පිළිගැනෙන මෙය, ශ්රී ලංකාවේ මෙන්ම විදේශයන්හි ද නැගී එන දක්ෂතා ප්රදර්ශනය කරන ප්රමුඛතම වේදිකාවකි. මෙහිදී බාලක සහ බාලිකා යන අංශ දෙකෙන්ම ජාතික කනිෂ්ඨ ශූරයන් තෝරා ගනු ලැබේ.
තරඟාවලියේ රන් කාණ්ඩයේ (Gold Division) සමස්ත බාලක ශූරතාව රෙෂාන් අල්ගම විසින් දිනාගත් අතර, ඉන්දියාවේ අසාරා සව්නි සමස්ත බාලිකා ශූරතාව හිමි කරගත්තාය. අනෙකුත් කාණ්ඩ යටතේද ක්රීඩක ක්රීඩිකාවන් ඉහළ දක්ෂතා පෙන්නුම් කළහ. රිදී කාණ්ඩයේ (Silver Division) බාලක ශූරතාව උධීර රෂ්විත බණ්ඩාර විසින් දිනාගත් අතර, එහි බාලිකා ශූරතාව විහාරා තිසරණී හේරත් විසින් හිමි කරගන්නා ලදී.
ලෝකඩ කාණ්ඩයේ (Bronze Division) බාලක අංශයේ ජයග්රහණය ජේඩන් සතාසිවම් විසින් දිනාගත් අතර, මුසම්මිල් මුෂ්ෆිරා එහි බාලිකා ශූරතාව හිමි කරගත්තාය. තඹ කාණ්ඩයේ (Copper Division) බාලක අංශයේ ප්රථම ස්ථානය අභිමාන් අබේවර්ධන දිනාගත් අතර, ප්රදීප් හක්ෂරා එහි බාලිකා අංශයේ ජයග්රහණය තහවුරු කරගත්තාය.
මෙම තරඟාවලිය සඳහා සිලෝන් ඇග්රෝ ඉන්ඩස්ට්රීස්, ප්රීමා සමූහය ශ්රී ලංකා සතු දායකත්වය මගින් ශ්රී ලංකාවේ කනිෂ්ඨ ගොල්ෆ් ක්ෂේත්රය හැඩගැස්වීමේ ඇති වැදගත්කම මැනවින් පැහැදිලි වේ. මෙම ශූරතාවලිය තරුණ ක්රීඩකයින්ට තම දක්ෂතා පෙන්වීමට තරඟකාරී වේදිකාවක් ලබා දෙනවා පමණක් නොව, මෙරට ගොල්ෆ් ක්රීඩාවේ දියුණුව සහ අනාගත ප්රගතිය වෙනුවෙන් එම සමාගම සතු දීර්ඝකාලීන කැපවීමද මැනවින් පිළිඹිබු කරයි.
