HNB ජෙනරල් ඉන්ෂුවරන්ස් සමාගම, බැංකොක් නුවර පැවැති 6 වැනි Emerging Asia Insurance Awards සම්මාන උළෙලේදී ශ්රී ලංකාවේ සාමාන්ය රක්ෂණ අංශයේ ‘වඩාත්ම පාරිභෝගික කේන්ද්රීය සමාගම’ (Best Customer Oriented Company) ලෙස සම්මානයෙන් පිදුම් ලැබීය. මෙම ඇගයීම ්යභඊ ජෙනරල් ඉන්ෂුවරන්ස් සමාගම විසින් ඉටු කරමින් සිටින ශ්රී ලංකාවේ සාමාන්ය රක්ෂණ ක්ෂේත්රයේ අනාගතයට ගැළපෙන ප්රවේශයක් සකස් කිරීමේ කාර්යභාරයෙහිලා සමාගම අත්පත් කරගෙන ඇති උපායමාර්ගික ප්රගතිය මනාව තහවුරු කරන්නකි.
කලාපයේ නැඟී එන වෙළෙඳපොළවල් අතර විශිෂ්ටත්වය සහ අන්තර් සහයෝගීතාව වර්ධනය කිරීමේ අරමුණින් ඉන්දියානු වාණිජ මණ්ඩලය (ICC) විසින් මෙම සම්මාන උළෙල සංවිධානය කරන අතර සම්මාන සඳහා ජයග්රාහකයින් තෝරා ගැනීම PricewaterhouseCoopers (PwC) ආයතනයේ සහය ඇතිව රක්ෂණ ක්ෂේත්රයේ ජාත්යන්තර විශේෂඥයින්ගෙන් සැදුම්ලත් විනිශ්චය මණ්ඩලයක් විසින් සිදු කරනු ලබයි.
ඒ අනුව මෙම ඇගයීම HNB ජෙනරල් ඉන්ෂුවරන්ස් සමාගම වෙත ලබා දීමේදී විනිශ්චය මණ්ඩලය විසින් කාර්යසාධන නිර්ණායක ගණනාවක් සළකා බලා ඇති අතර ඒ අතරින් නව ව්යාපාරික වාරික (New Business Premium) අවදානම් රඳවා ගැනීමේ අනුපාතය (Risk Retention Ratio) සාමාන්ය හිමිකම් සංඛ්යාව, හිමිකම් පියවීමේ අනුපාතය (Claim Settlement Ratio) සමස්ත හිමිකම් පියවීම් සහ සුළුතර කණ්ඩායම් ඉලක්ක කරගත් රක්ෂණ නිෂ්පාදන සංඛ්යාව වැනි නිර්ණායක ප්රමුඛ වේ. එම නිසා මෙම ජයග්රහණය HNB ජෙනරල් ඉන්ෂුවරන්ස් සමාගම විසින් ශ්රී ලංකාවේ සාමාන්ය රක්ෂණ ක්ෂේත්රය තුළ පාරිභෝගික කේන්ද්රීය භාවිතයන් ශක්තිමත් කිරීමටත්, මූල්ය ස්ථාවරත්වය සහ සියලු දෙනා අන්තර්ග්රහණය කරගත් රක්ෂණ විසඳුම් ලබා දීමටත් සමාගම දක්වන කැපවීම තවදුරටත් තහවුරු කරන්නක් වශයෙන් හැඳින්විය හැකිය.
මේ පිළිබඳව අදහස් දක්වමින් HNB ජෙනරල් ඉන්ෂුවරන්ස් සමාගමේ විධායක අධ්යක්ෂ/ප්රධාන විධායක නිලධාරී සිතුමිණ ජයසුන්දර මහතා මෙසේ පැවසීය. “නිරන්තරයෙන්ම පාරිභෝගිකයින් අපේ ව්යාපාරික මෙහෙයුමේ කේන්ද්රස්ථානය ලෙස තබා ගැනීමට අපි දක්වන අඛණ්ඩ කැපවීම මෙලෙස ජාත්යන්තර ඇගයීමට ලක්වීම පිළිබඳව අපි නිහතමානීව ආඩම්බර වෙනවා. සේවා ප්රමිතීන්, මෙහෙයුම් කාර්යක්ෂමතාව සහ සියලු දෙනා අන්තර්ග්රහණය කරගත් රක්ෂණ විසඳුම් කෙරෙහි අපි දක්වන අවධානය, අපේ පාරිභෝගිකයන්ට මෙන්ම ව්යාපාරයට ද අර්ථවත් වටිනාකමක් එක් කර ඇති බව මෙම සම්මානය විසින් මනාව තහවුරු කරනවා.”
2026 වසරේදී HNB ජෙනරල් ඉන්ෂුවරන්ස් සමාගම ලැබූ මෙම ජාත්යන්තර ඇගයීමට සමගාමීව, දේශීය වශයෙන් ද කීර්තිය සහ මූල්ය ස්ථාවරත්වය අතින් කැපී පෙනෙන වර්ධනයක් පෙන්නුම් කිරීමට එම සමාගම සමත්ව ඇත. පාරිභෝගිකයන් වෙනුවෙන් සමාගම දක්වන සුවිශේෂී කැපවීම මෑතකදී HNB සඟරාව විසින් ද සනාථ කරන ලද අතර, එහිදී සාමාන්ය රක්ෂණ අංශයේ පාරිභෝගික විශිෂ්ටත්ව ශ්රේණිගත කිරීම්වල (Customer Excellence Rankings) මුල් පෙළේ සමාගම් තුන අතරට පැමිණීමට HNB ජෙනරල් ඉන්ෂුවරන්ස් සමත් විය. මෙම සාර්ථකත්වය සඳහා සමාගම සතු ශක්තිමත් මූල්ය පදනම මනා පිටුවහලක් වූ අතර, මෑතකදී Fitch Ratings විසින් සමාගමේ ශ්රේණිගත කිරීම ‘A(lka)’ දක්වා ඉහළ නැංවීම හරහා ශ්රී ලංකාවේ රක්ෂණ ක්ෂේත්රය තුළ ස්ථාවර, සේවා මූලික ප්රමුඛයෙක් ලෙස සමාගම සතු ස්ථානය තවදුරටත් තහවුරු කෙරී ඇත.
