Playdium හි පැවැති CDB PPL 2026, උද්වේගකාරී දෙදින තරගාවලිය සිය ජයග්රාහි සමාප්තිය සනිටුහන් කරයි.
ශ්රී ලංකාවේ ප්රමුඛතම ආයතනික බෝලින් තරගාවලිය වන ‘CDB Playdium Pin League’ (CDB PPL 2026), කොළඹ One Galle Face හි පිහිටි Playdium පරිශ්රයේදී 2026 මැයි 16 සහ 23 යන දිනවලදී අති උත්කර්ෂවත් අයුරින් පවත්වා සාර්ථකව නිමාවට පත් විය.
දිවයිනේ නන් දෙසින් පැමිණි ආයතනික කණ්ඩායම්, බෝලින් ක්රීඩා ලෝලීන් සහ ක්ෂේත්රයේ ආයතන රැසක් එකට එක් කරමින් ඉහළ තරගකාරීත්වයකින් පැවැති මෙම තරගාවලිය, මනා ක්රීඩාශීලීත්වයකින් සහ සුහදශීලීත්වයකින් යුත් උද්යෝගිමත් වටපිටාවක් නිර්මාණය කළේය. මෙරට ප්රමුඛ පෙළේ ආයතන නියෝජනය කරමින් සහභාගී වූ කණ්ඩායම්, අවසන් මහා තරගයේ ඉහළම ස්ථාන කරා පැමිණීම සඳහා එකිනෙකා සමඟ කරට කර සටනක නිරත වූයේ ප්රේක්ෂකයන්ට මෙන්ම තරගකරුවන්ට ද අමතක නොවන අත්දැකීමක් තිළිණ කරමිනි.
කණ්ඩායම් 43ක් තරග වැදුණු මෙවර තරගාවලිය, PPL ඉතිහාසයේ වැඩිම තරගකාරීත්වයක් මතු කළ අවස්ථාවක් ලෙස සනිටුහන් වේ. සෑම වසරකම පැවැත්වෙන PPL තරගාවලිය, මෙරට පැවැත්වෙන විශාලතම බෝලින් ශූරතාවලිය ලෙස කාගේත් පිළිගැනීමට ලක්ව ඇත. මෙමඟින් ශ්රී ලංකාව තුළ බෝලින් හුදු තරගකාරී ක්රීඩාවකට වඩා, ආයතනික සේවකයන්ගේ මානසික සුවය සහ විනෝදාස්වාදය උදෙසා භාවිත කළ හැකි සුවිශේෂී ක්රියාකාරකමක් ලෙස කෙතරම් ජනප්රිය වෙමින් පවතින්නේද යන්න නැවත වරක් මැනවින් තහවුරු විය.
තරග වට රැසකින් අනතුරුව පැවැත්වුණු අති උද්යෝගිමත් අවසන් මහා තරගයේදී, සුවිශේෂී දක්ෂතා දැක්වූ Panther Pacers කණ්ඩායම CDB PPL 2026 හි සමස්ත ශූරතාවය දිනා ගැනීමට සමත් විය. එහිදී අනුශූරතාවය Sports Nutrition Hub කණ්ඩායම සතු වූ අතර, තෙවැනි ස්ථානය හිමිකර ගැනීමට Globe Glass Fireball කණ්ඩායම සමත් විය.
කණ්ඩායම් ජයග්රහණවලට අමතරව, තරගාවලිය පුරා කැපී පෙනෙන දක්ෂතා දැක්වූ ක්රීඩක ක්රීඩිකාවන් ද මෙහිදී ඇගයීමට ලක් කෙරුණි. ඒ අනුව, තරගාවලිය පුරාවටම ඉහළම දක්ෂතාවයක් පෙන්නුම් කළ Muhammad Azharuddin තරගාවලියේ දක්ෂතම ක්රීඩකයා ලෙස සම්මාන ලැබූ අතර, සුවිශේෂී ක්රීඩා විලාශයක් ප්රදර්ශනය කළ Virginia H. Perera දක්ෂතම ක්රීඩිකාව ලෙස අභිෂේක ලැබුවාය.
මෙවර තරගාවලියේ විශේෂතම අවස්ථාව වූයේ බෝලින් ක්රීඩාවට ලැදි ක්රීඩා ලෝලීන් වෙනුවෙන්ම විශේෂයෙන් නිර්මාණය කරන ලද ‘PPL Bowling Membership’ සුවිශේෂී සාමාජිකත්ව කාඩ්පත නිල වශයෙන් හඳුන්වා දීමයි. තරගාවලියට පැමිණි ක්රීඩකයන්ට සහ ආරාධිත අමුත්තන්ට මෙම සාමාජිකත්වය ලබා ගනිමින්, දිනෙන් දින වර්ධනය වන PPL ක්රීඩා ප්රජාව සමඟ එක්වීමට අවස්ථාව ලැබුණි. මෙම මුලපිරීමේ ප්රධාන අරමුණ වන්නේ රට තුළ ශක්තිමත් බෝලින් ක්රීඩා සංස්කෘතියක් ගොඩනැඟීම සහ සාමාජිකයන් වෙත වසර පුරා සුවිශේෂී වරප්රසාද සහ අත්දැකීම් රාශියක් පිරිනැමීමයි.
තරගාවලියේ සාර්ථකත්වය පිළිබඳව අදහස් දක්වමින් Playdium කණ්ඩායම ප්රකාශ කළේ, මෙම අවස්ථාව සැමටම අමතක නොවන සුන්දර මතකයක් බවට පත් කිරීම සඳහා ආ සමඟ එක්වූ සියලුම කණ්ඩායම්, අනුග්රාහක භවතුන්, හවුල්කරුවන් සහ හිතවතුන් වෙත සිය කෘතඥතාව පළ කරන බවයි. එමෙන්ම තරගාවලිය පුරා සෑම කණ්ඩායමක්ම ප්රදර්ශනය කළ ඉහළ උද්යෝගය, ක්රීඩාශීලීත්වය සහ ජවය ද සංවිධායක මණ්ඩලයේ ඇගයීමට ලක් විය.
CDB PPL 2026 තරගාවලිය සඳහා පාර්ශ්ව රැසකගේ අනුග්රහය හිමිවූ අතර එහි ප්රධාන අනුග්රාහකයා ලෙස Citizens Development Business Finance PLC (CDB) ආයතනය එක් වූ අතර, ATOM ආයතනය තාක්ෂණික සහකරු ලෙස කටයුතු කළේය. නිල කුසලතා සහකරු ලෙස Oceans Talent ද, ව්යාපාරික වේදිකා සහකරු ලෙස PickMe for Business ද අත්වැල් බැඳගත්හ. මීට අමතරව, One Galle Face උපායමාර්ගික සහකරු ලෙසත්, Kobra ශක්තිජනක සහකරු ලෙසත් තරගාවලියට දායකත්වය දැක්වූහ.
ඩිජිටල් කන්ටෙන්ට් සහකරු ලෙස hype.Productions වෙතින් ද, නිල මහජන සම්බන්ධතා සහකරු ලෙස PR Wire වෙතින් ද මෙම සත්කාරයට අමතර සහයෝගයක් හිමි විය. එමෙන්ම, නිල සජීවී විකාශන සහකරු ලෙස ThePapare ද, ත්යාග සහකරු ලෙස Pearl Bay Leisure Park ද, නිල උණුසුම් පාන සහකරු ලෙස Anchor Hot Chocolate ද එක්වෙමින් මුළු තරගාවලියේම ගුණාත්මකභාවය ඉහළ නැංවීමට විශාල දායකත්වයක් ලබා දුන්හ.
ශ්රී ලංකාව තුළ බෝලින් ක්රීඩාව වටා ප්රජාවන් ඒකරාශී කිරීමට සහ විනෝදාස්වාද ක්රීඩා අත්දැකීම් ප්රවර්ධනය කිරීමට Playdium සතු කැපවීම මෙම තරගාවලිය හරහා නැවත වරක් කැපී පෙනුණි. CDB PPL 2026 සඳහා ලැබුණු අතිමහත් ප්රතිචාරය හේතුවෙන්, ඉදිරියේදී මීටත් වඩා විශාල සහ උද්යෝගිමත් බෝලින් තරගාවලි සංවිධානය කිරීමට Playdium ආයතනය බලාපොරොත්තු වේ.
Playdium පිළිබඳව
කොළඹ One Galle Face හි පිහිටි Playdium යනු ශ්රී ලංකාවේ විශාලතම ගෘහස්ථ විනෝදාස්වාද පරිශ්රයයි. බෝලින් ක්රීඩාව, ආකේඩ් ක්රීඩා, කැරෝකී, VR අත්දැකීම්, භෝජනාගාර සහ දරුවන් සඳහාම වෙන් වූ ක්රීඩා ප්රදේශයක් එකම වහලක් යටට ගෙන එමින්, මිනිසුන්ට විවේකීව කාලය ගත කිරීමට, මිත්රශීලීව තරග කිරීමට සහ සුන්දර මතකයන් බෙදා ගැනීමට හැකි අවකාශයක් මෙහි නිර්මාණය කර ඇත.
