වෙළඳාමෙන් ඔබ්බට ගිය තම සමාජ වගකීමෙහි තවත් සංධිස්ථානයක් ලෙස ‘ෆැෂන් බග්’ ආයතනය විසින් කළුබෝවිල දකුණු කොළඹ ශික්ෂණ රෝහලේ හෘද කැතීටකරණ රසායනාගාරයට (Cardiac Catheterisation Laboratory) විෂබීජහරණය කළ ශල්යාගාර ආවරණ (Theatre Angiogram Covers) කට්ටල පිරිනැමීමේ වැඩසටහනක් පසුගිය මාර්තු 30වන දින රෝහල් පරිශ්රයේදී පැවැත්විණි.
හෘද රෝග විනිශ්චය සහ ප්රතිකාර කිරීම සඳහා විවිධ වූ වෛද්ය පරීක්ෂණ මෙන්ම ශල්යකර්ම සිදු කරනු ලබන හෘද කැතීටකරණ රසායනාගාරය (Cardiac Catheterisation Laboratory) යනු රෝගී ජීවිත රැසක් රැකදෙන අතිශය තීරණාත්මක ඒකකයකි. සෞඛ්ය ආයතන, අත්යවශ්ය ද්රව්ය වලින් සන්නද්ධ කිරීමේ අවශ්යතාවය හඳුනාගනිමින් දේශීය සෞඛ්ය ක්ෂේත්රයේ මෙහෙයුම් සහ සේවා කාර්යසාධනය ශක්තිමත් කිරීමේ අරමුණ සහිතව විෂබීජ හරණය කළ ශල්යාගාර ආවරණ (Theatre Angiogram Covers) කට්ටල පනහක් පිරිනැමීම මෙහිදී සිදු විය.
‘ෆැෂන් බග්’ ආයතනයේ ප්රධාන විධායක නිලධාරී ෂබීර් සුබියන් මහතා අදහස් දක්වමින් කියා සිටියේ සෞඛ්ය ආයතනවල ඇති සීමිත සම්පත් වලින් වුවද සෞඛ්ය සේවකයින් අසම සම සේවාවක් ඉටුකරන බවයි. ජීවිත සුරැකීම සහ සෞඛ්ය ක්ෂේත්රය දියුණුකිරීමේ වටිනාකම හඳුනා ගන්නා අතර, මෙම පරිත්යාගය මඟින් සන්නාමය විසින් සෞඛ්ය සේවකයින් දිරිමත් කිරීමත් ඔවුන්ගේ සේවාව ඇගයීමත් නිරූපණය කරන බව ඔහු වැඩිදුරටත් පැවසීය.
ශ්රී ලංකාවේ ප්රමුඛතම විලාසිතා සන්නාමයක් ලෙස ‘ෆැෂන් බග්’ ආයතනය ජනතාවගේ යහපැවැත්ම වෙනුවෙන් වැඩසටහන් නිරන්තරයෙන් සංවිධානය කරයි. මෙවැනි වැඩසටහන් මඟින් ජාතික සංවර්ධනයට අර්ථවත් දායකත්වයක් ලබාදෙමින්, තිරසාර ව්යාපාර සංවර්ධනයක් වෙනුවෙන් සන්නාමය සිදුකරන කාර්යභාරය කැපීපෙනේ.
ශ්රී ලංකාව තුළ මුල් බැසගත් සන්නාමයක් ලෙස ‘ෆැෂන් බග්’ සමාජයට වටිනාකමක් නිර්මාණය කිරීම සහ අනාගත පරම්පරාවන්ගේ යහපැවැත්මට දායක වන කර්තව්යන් සිදු කිරීමට කැපවී සිටින බව එම ආයතනයේ විකුණුම් සහ අලෙවිකරණ නියෝජ්ය සාමාන්යාධිකාරී ආචාර්ය එස්. එච්. එම්. ෆරාස් අවධාරණය කළේය. දහස් ගණන් ජීවිත බේරාගන්නා සෞඛ්ය ආයතනයකට සහයවීමේ ප්රායෝගික උත්සාහයක් ලෙස මෙම වැඩසටහන හැඳින්විය හැකිය.
ආයතනික සමාජ වගකීම් (CSR) සඳහා දිගුකාලීන ඉතිහාසයක් ඇති ‘ෆැෂන් බග්’ ආයතනය ජන ජීවිතය ඉහළ නැංවීමට, ප්රජා සවිබල ගැන්වීමට මෙන්ම රටේ තිරසාර සංවර්ධනයට දායක වීමට නිරන්තරයෙන් කැපවී සිටියි.
