Prime Lands සමාගම කළුතර ප්රදේශයේ ඉදිකරන Kaloora ව්යාපෘතියේ සමාරම්භය පසුගියදා සනිටුහන් විය. මෙය කළුතර නගරයේ ඉදිකරන මෙම වර්ගයේ ප්රථම පූර්ණ සැලසුම්ගත සුඛෝපභෝගී තනි නිවාස ව්යාපෘතිය ලෙස සැලකේ. නේවාසික දේපළ සම්බන්ධයෙන් කළුතර නගරයේ ඉල්ලුම වේගයෙන් ඉහළ යමින් පවතින බව හඳුනා ගනිමින් Prime Lands විසින් මෙය දියත් කරන ලදි.
Prime සමූහ ව්යාපාරයේ ඉදිකිරීම් අංශය වන Prime Constructions (පුද්.) සමාගම විසින් මෙම ව්යාපෘතියේ ඉදිකිරීම් කටයුතු සිදුකරනු ලබයි. Prime Constructions යනු මෙවැනි ඉදිකිරීම් සම්බන්ධයෙන් විශාල පළපුරුද්දක් ඇති සමාගමකි. එබැවින් Kaloora ව්යාපෘතියේ සෑම අදියරක්ම උසස්ම ප්රමිතියෙන් යුතුව ඉදි වනු ඇත.
නාගොඩ රෝහලේ සිට මීටර් 800 ක දුරින් සහ දොඩන්ගොඩ අධිවේගී මාර්ග පිවිසුමේ සිට විනාඩි 15 ක දුරකින් Kaloora නිවාස ව්යාපෘතිය පිහිටා තිබේ. ඒ අවට ප්රදේශය ප්රධාන පෙළේ පාසල්, සුපිරි වෙළඳසැල්, බැංකු සහ අවන්හල් ඇතුළු සියලු පහසුකම් සහිත ප්රදේශයකි. Kaloora ව්යාපෘතියට පිහිනුම් තටාකයක්, සියලු පහසුකම් සහිත ව්යායාම මධ්යස්ථානයක්, දරුවන් සඳහා සෙල්ලම් පිටියක්, ගෘහස්ථ ක්රිකට් ක්රීඩා පරිශ්රයක් සහ බහුකාර්ය ශාලාවක් ඇතුළු පහසුකම් රැසක් ඇතුළත් වී ඇති අතර, ඊට පැය 24 පුරා ආරක්ෂාව සපයනු ලබයි. මෙම පහසුකම් හේතුවෙන් Kaloora ව්යාපෘතියේ නිවාස හිමියන්ට කොළඹ නගරයේ සුඛෝපභෝගී නිවසක අත්දැකීමක කළුතරදී අත්විඳීමට ලැබෙන අවස්ථාවක් ලැබෙනු නිසැකය.
Kaloora යනු ආරක්ෂාව, පහසුව සහ දීර්ඝකාලීන වටිනාකම සොයන පවුල්වලට කදිම ආයෝජනයකි. නවතම ගෘහ නිර්මාණ ශිල්පීය ප්රවණතාවන්ට අනුව, නවීන පහසුකම් සහිතව ඉදි වන Kaloora ව්යාපෘතිය සන්සුන් හා සුරක්ෂිත ජීවන අත්දැකීමක් එහි නිවැසියන්ට තිළිණ කරනු නිසැකය.
සුඛෝපභෝගී බව, සුපහසුව, අලංකාරය හා ආරක්ෂාව එක්තැන් කරන Kaloora ව්යාපෘතිය, ශ්රී ලාංකිකයන්ගේ නිවාස සිහින සැබෑ කරන අතරම නිවාස හිමිකාරීත්වය ආඩම්බරයක් බවට පත් කරන සුවිශේෂී ව්යාපෘතියක් ලෙස හැඳින්විය හැකි වේ.
“Kaloora යනු කළුතර නගරයේ සුවිශේෂී සන්ධිස්ථානයක්. මෙම ප්රදේශයේ ප්රථම සුඛෝපභෝගී තනි නිවාස ව්යාපෘතිය මෙයයි. සුපුරුදු පරිදි උසස්ම ප්රමිතියෙන් යුත්, මැනැවින් සැලසුම් කළ මෙවැනි නිවාස ව්යාපෘතියක් කළුතර ප්රදේශයේ ක්රියාවට නැංවීමට හැකි වීම අපට මහත් සතුටක්. දැන් මෙහි ඉදිකිරීම් නිල වශයෙන් ආරම්භ වී තිබෙනවා. මෙය සුඛෝපභෝගී නිවාස ක්ෂේත්රයේ නව ප්රවණතා සහ ප්රමිතීන් සම්බන්ධයෙන් කළුතර ප්රදේශය තුළ නව ආදර්ශයක් සනිටුහන් කරන ව්යාපෘතියක් බවට පත් වේවි. මේ සුරක්ෂිත නේවාසික අවකාශය, විශ්වාසයෙන් යුතුව ජීවිතයේ සතුට අත්විඳීමට කැමති පවුල්වලට කදිම තේරීමක් වනු ඇති බවට සැකයක් නැහැ. අප හඳුන්වා දී ඇති සහනදායී පහසු ගෙවීමේ ක්රම නිසා, දැන් රටේ බොහෝ පවුල්වලට මෙවැනි උසස් තත්වයේ නිවාස මිලදී ගැනීමට හැකි වී තිබෙනවා.” Prime Lands සමාගමේ ප්රධාන විධායක නිලධාරී රුමින්ද රන්දෙණිය මහතා පැවසීය.
Kaloora යනු ශ්රී ලංකාවේ වඩාත්ම විශ්වාසය දිනූ සන්නාමය ලෙස Prime සමූහ ව්යාපාරය දිනා සිටින කීර්ති නාමය තවදුරටත් වර්ධනය කරන ව්යාපෘතියක් වනු නිසැකය.
වැඩිදුර තොරතුරු සඳහා පිවිසෙන්න: https://www.primelands.lk/house/KALOORA-KALUTARA/en
