දිවයින පුරා විසිරුණු අලෙවි සහකරුවන්ගේ විශිෂ්ට කාර්යභාරය ඇගයීම වෙනුවෙන් Samsung Sri Lanka විසින් සංවිධානය කළ 2026 අලෙවි නියෝජිත සමුළුව පසුගියදා සාර්ථකව අවසන් විය. දින දෙකක් පුරා පැවැත්වුණු මෙම සමුළුව සඳහා John Keells Office Automation (JKOA) සහ Softlogic Mobile Distribution (SMD යන සමාගම්හි ප්රමුඛ අලෙවි නියෝජිතයින් එක්ව සිටියහ. එහිදී අලෙවි නියෝජිත දක්ෂතා ඇගයීම, සබඳතා ශක්තිමත් කිරීම සහ අනාගත වර්ධනය පිළිබඳව විශේෂ අවධානය යොමු විය.
Samsung සන්නාමය ශ්රී ලංකාව පුරා විසිරුණු සුවහසක් පාරිභෝගිකයින් අතරට ගෙන යාමට දායක වූ වෙළෙඳ මහතුන්ගේ කැපවීම සහ විශිෂ්ට පාරිභෝගික සේවාව මෙහිදී විශේෂ ඇගයීමට ලක් විය. ලංකාවේ සෑම පළාතක්ම නියෝජනය කරමින් යාපනයේ සිට මාතර දක්වා ව්යාපාරික සහකරුවන්, අලෙවි නියෝජිතයන් සහ ඔවුන්ගේ පවුල්වල සාමාජිකයන් 460කට වැඩි පිරිසක් මෙම අවස්ථාව සඳහා එක්ව සිටියහ.
ශ්රී ලංකාවේ හොඳම සැම්සුන් අලෙවි සහකරුවන් පස්දෙනා වෙනුවෙන් ‘ජාතික අලෙවි නියෝජිත විශිෂ්ටතා සම්මාන’ පිරිනැමීම මෙදින සුවිශේෂී අවස්ථාවක් විය. ඉහළම අලෙවියක් වාර්තා කළ මෙම ජයග්රාහකයන්ට විශේෂ සමරු තිළිණ සමඟින් ඔවුන්ගේ පවුල්වල අය සමඟ තරු පහේ සුඛෝපභෝගී හෝටලයක දින දෙකක් ගත කිරීමේ අවස්ථාව මෙහිදී උදා කර දෙනු ලැබීය.
ඒ අනුව, පළමු ස්ථානය – බයිසෝන් මොබයිල් (Buyzone Mobile (Pvt) Ltd) – කොළඹ, දෙවන ස්ථානය ද ස්මාර්ට්ෆෝන් ෂොප් (The Smart Phone Shop (Pvt) Ltd) – කොළඹ, හතරවන ස්ථානය – සෙල්ට්රොනික්ස් (Celltronics (Pvt) Ltd) – කොළඹ මෙට්රෝ, පස්වන ස්ථානය – තිලකවර්ධන සෙලියුලර් (Thilakawardhana Cellular) – ගම්පහ යන අලෙවි නියෝජිතයින් එම සුවිශේෂී අවස්ථාව තමන් සතු කර ගැනීමට සමත් විණ.
Samsung ප්රධානීන්ගේ විශේෂ දේශන, විනෝදාස්වාද අංග සහ නව තාක්ෂණික අත්දැකීම් රැසක් අත් විඳීමට එදින රාත්රියේදී අලෙවි නියෝජිතයින්ට හා ඔවුන්ගේ පවුල්වල සාමාජිකයින්ට හැකියාව උදා විය. එමෙන්ම Samsung Knox ආරක්ෂණ පද්ධතිය සහ පහසු ගෙවීමේ ක්රම පිළිබඳවද එහිදී අදහස් ඉදිරිපත් කෙරුණු මෙම අවස්ථාව සම්මාන උළෙලකට එහා ගිය සබඳතා ශක්තිමත් කරගැනීමේ හා අදහස් හුවමාරු කරගැනීමේ සුවිශේෂී අවස්ථාවක් ලෙසද මෙය පෙන්වා දිය හැකිය.
උත්සවයේ සමාරම්භය සනිටුහන් කරමින් Samsung Sri Lanka හි කළමනාකාර අධ්යක්ෂ SangHwa Song මහතා සඳහන් කර සිටියේ “ ඕනෑම වෙළෙඳපොල තත්ත්වයකදී වුව ශ්රී ලංකාවේ අලෙවි හවුල්කරුවන් Samsung සමඟ අත්වැල් බැඳගෙන සිටිනවා. ශ්රී ලංකාව තුළ Samsung සන්නාමයේ ශක්තිය මෙම අලෙවි සබඳතා මත රැඳී තිබෙන බව රහසක් නෙවෙයි. Galaxy AI තාක්ෂණය සමඟින් Samsung සන්නාමය තව දුරටත් ඉදිරියට යන විට අපගේ අලෙවි සහකරුවන්ගේ අභිවෘද්ධිය වෙනුවෙන් අඛණ්ඩව ආයෝජනය කිරීමට අපි බලාපොරොත්තු වෙනවා.” යනුවෙනි. 
මෙහිදී අදහස් දැක්වූ Samsung Sri Lanka හි Mobile eXperience (MX) අංශ ප්රධානී නුවන් උක්වත්ත මහතා “ Samsung සමාගම සෑම විටම වෙළෙඳපොල වෙනස් වනතුරු බලා නොසිට වෙනස්කම්වලට නායකත්වය ලබා දීමට කටයුතු කළා. අලෙවි හවුල්කරුවන් සමඟ එක්ව පාරිභෝගිකයින් දුරකථන මිලදී ගන්නා ක්රමය වෙනස් කිරීමට අපට හැකි වී තිබෙනවා. ඒ වගේම අපට පහසු මිලකට හොඳම නිෂ්පාදන ලබා දීම තුලින් වත්මන් ආර්ථික වටපිටාව තුල පාරිභෝගිකයන් සහ වෙළෙඳුන් මුහුණ දෙන දුෂ්කරතා අවම කරමින් ව්යාපාර සාර්ථකව ඉදිරියට ගෙන යාමට හැකියාව උදා වුණා. ” යනුවෙන් පැවසීය.
විශිෂ්ටත්ම අලෙවි නියෝජිතයින් අතර පළමු ස්ථානය දිනාගත් Buyzone Mobile (Pvt) Ltd හි මෙහිදී සඳහන් කර සිටියේ මෙම ජයග්රහණය තම ආයතනයට සුවිශේෂී අවස්ථාවක් වන බවයි. එය Samsung සමඟ පැමිණි ගමනේ ප්රතිඵලයක් බව පැවසූ ඔවුන් Samsung හි නව නිෂ්පාදන සහ විශ්වාසවන්ත සේවාව නිසා වෙළෙඳපොලේ පෙරමුණ ගැනීමට තමන්ට හැකි වූ බවත් සඳහන් කර සිටින ලදී. එසේම මෙම සම්මානය ව්යාපාරය තවදුරටත් සාර්ථකව ඉදිරියට ගෙන යාමට ශක්තියක් වනු ඇති බවද ඔවුන්ගේ අදහස විය.
මේ ආකාරයේ ජයග්රහණයක් ලැබීම පිළිබඳව ඉතා සතුටු වන බව සඳහන් කළ අලෙවි විශිෂ්ටයින් අතර දෙවන ස්ථානය දිනාගත් The SmartPhone Shop (Pvt) Ltd, මෙම ජයග්රහණය තුළින් තම කණ්ඩායමේ කැපවීම සහ පාරිභෝගිකයන් Samsung කෙරෙහි තබා ඇති විශ්වාසය පිළිබිඹු වන බවද පෙන්වා දෙන ලදී. තවද Samsung සමඟ වන සබඳතාවය, ව්යාපාරයකට වඩා අන්යෝන්ය දියුණුව සහ උසස් තාක්ෂණය මත පදනම් වූවක් බවද ඔවුන් පැවසීය.
එහි සිව්වන ස්ථානය හිමිකරගත් Celltronics (Pvt) Ltd ආයතනයේ අදහස වූයේ මෙම සමුළුව මඟින් Samsung සමාගම සහ අලෙවි සහකරුවන් අතර වන සබඳතාවතවදුරටත් තහවුරු වූ බවයි. Samsung සතු විවිධ මාදිලියේ නිෂ්පාදන හේතුවෙන් පාරිභෝගික අවශ්යතා ඉක්මනින් සපුරාලීමට තමන්ට හැකි වූ බවත්, නව ව්යාපාරික අවස්ථා උදාකර ගැනීමට Samsung ආයතනයෙන් ලැබෙන අඛණ්ඩ සහයෝගයට ස්තුතිවන්ත වන බවත් ඔවුන් සඳහන් කර සිටින ලදී.
විශිෂ්ටයින් අතර පස්වන ස්ථානය දිනාගත් ගම්පහ Thilakawardhana Cellular ආයතනය Samsung සහ JKOA සමඟ වන ශක්තිමත් සබඳතාවය, සන්නාම විශ්වාසය සහ නවෝත්පාදන හේතුවෙන් පාරිභෝගික සබඳතාව ඉහළ නංවා ගැනීමට හැති වූ බව මෙහිදී අවධාරණය කරන ලදී. මෙම ඇගයීම ශ්රී ලංකාව පුරා සිටින Samsung පාරිභෝගිකයන්ට තම සේවාවන් තවදුරටත් ශක්තිමත් කිරීමට දිරිගැන්වීමක් වූ බවද ඔවුන් සඳහන් කරයි.
අලෙවි විශිෂ්ටත්වය ඇගයීමට පමණක් නොව අලෙවි හවුල්කරුවන් අතර සබඳතා තවදුරටත් ශක්තිමත් කරමින් නව තාක්ෂණය හා විශ්වාසවන්ත සේවාව අඛණ්ඩව ඔවුන් වෙත ලබා දීමට තමන් කටයුතු කරන බවට මෙහිදී පොරොන්දු වූ Samsung Sri Lanka ආයතනය එම හවුල්කරුවන් සමඟ සාර්ථකව ඉදිරියට යාමට කටයුතු කරන බවද අවධාරණය කරන ලදී.
