අගෝස්තු මස Soy Connext 2026 සමුළුව චිකාගෝ නුවරහි දී අති සාර්ථක අන්දමින් පැවැති අතර එහිදී ඇමෙරිකාව, මහජන චීනය සහ අග්නිදිග ආසියාව නියෝජනය කරමින් තිරසාරත්වය වෙනුවෙන් සම්මාන ලැබූ ආයතන අතරට නිව් ඇන්තනීස් ෆාම්ස් ද එක්ව තිබුණි. මෙය ශ්රී ලාංකීය සමාගමකට කලාතුරකින් හිමිවන ජාත්යන්තර ඇගයීමක් වුවද නිව් ඇන්තනීස් ෆාම්ස් සමාගමේ ගමන්මඟ හොඳින් දැන හඳුනන පාර්ශ්වයන්ට නම් එය අහඹු ලෙස හිමි වූ ජයග්රහණයක් නොවෙයි. මන්දයත්, සමාගම තිරසාරත්වය සිය ව්යාපාරික දැක්මේ අනිවාර්ය අංගයක් කරගනිමින් වසර ගණනාවක් පුරා සමාගම අඛණ්ඩව ගොඩනඟාගත් ප්රතිඵලයක තවත් සුවිශේෂී සන්ධිස්ථානයක් වූ බැවිනි.
එක්සත් ජනපද සෝයාබෝංචි අපනයන මණ්ඩලය (USSEC) විසින් සංවිධානය කරන ලද මෙම සම්මේලනය සඳහා ලොව පුරා නියෝජිතයින් 800 කට අධික පිරිසක් සහභාගි විය. මෙම පිරිස චිකාගෝ හි පිහිටි Hyatt Regency වෙත රැස්ව සිටි අතර, මෙය මෙතෙක් වැඩිම පිරිසක් සම්බන්ධ වූ සම්මේලනයක් ලෙස ඉතිහාසයට එක් විය. තිරසාරත්වය වෙනුවෙන්ම වෙන් වූ විශේෂ වැඩසටහන අතරතුර, Sustainable U.S. Soy සහ Fed with Sustainable U.S. Soy යන ලේබල භාවිත කිරීම වෙනුවෙන් නිව් ඇන්තනීස් ෆාම්ස් සමාගම ගෝලීය තිරසාරත්වයේ ප්රමුඛයෙකු ලෙස නම් කෙරුණි. මෙම ඇගයීමත් සමඟ ලොව ප්රමුඛතම කෘෂි ව්යාපාරික නාමයන් අතරට ශ්රී ලාංකික කුකුළු මස් නිෂ්පාදකයෙකු ද සෘජුවම සම්බන්ධ විය.
මෙම සමාගම, මෙවැනි ඇගයීමකට ලක්වූ පළමු අවස්ථාව ද මෙය නොවේ. 2023 වසරේදී U.S. Soy Sustainability Assurance Protocol යටතේ Sustainable U.S. Soy බලපත්රය හිමිකරගත් දකුණු ආසියාවේ ප්රථම සමාගම බවට පත්වූ අතර, එතැන් පටන් එම සමාගම තිරසාර ලෙස අමුද්රව්ය සපයා ගැනීම ප්රායෝගික ක්රියාත්මක වන ආකාරය පිළිබඳව එක්සත් ජනපද සෝයා අපනයන කවුන්සිලය විසින් ඉදිරිපත් කරන ප්රමුඛතම උදාහරණයක් බවට පත්ව තිබේ. එය ඇන්තනීස් ෆීඩ්ස් හි මූලික පදනම වන අතර, සමූහයේ ආහාර නිෂ්පාදන මෙහෙයුම හරහා සමාගම ප්රතිජීවකවලින් තොර නිෂ්පාදන ප්රමිතිය තහවුරු කරන, ප්රෝටීන් බහුල සහ සම්පූර්ණයෙන්ම සොයාගත හැකි සත්ත්ව ආහාර සැපයීම සිදු කරයි.
ලෝක සැපයුම් දාමයේ ශ්රී ලංකාවට හිමි ස්ථානය
ගෝලීය සැපයුම් දාමය තුළ ශ්රී ලංකාව හිමි කරගත් ස්ථානය එක් සමාගමක සාර්ථකත්වයට පමණක් සීමා වූවක් නොවේ. ඒ අනුව ශ්රී ලංකාව ඉදිරියටත් එක්සත් ජනපද සෝයාබෝංචි ආහාර මිලදී ගන්නා ලොව විශාලතම රටක් ලෙස පවතින අතර 2025 වසර වනවිට මෙට්රික් ටොන් 255,000 ක් පමණ ආනයනය කර ඇත. එමගින් වසරකට මෙට්රික් ටොන් මිලියන 1.3 කට ආසන්න ප්රමාණයක් දේශීය සත්ත්ව ආහාර කර්මාන්තයට වෙනුවෙන් යොදා ගැනේ. ඒ අනුව එහි ප්රධානතම පාරිභෝගිකයා වන්නේ කුකුළු මස් ක්ෂේත්රයයි. දැනට Sustainable U.S. Soy බලපත්රය ශ්රී ලංකාවේ ප්රමුඛ කුකුළු නිෂ්පාදකයින් සහ සත්ත්ව ආහාර නිෂ්පාදකයින් 16 දෙනෙකු සතුව පවතියි.
චිකාගෝ සමුළුවේදී අදහස් දක්වමින් USSEC ප්රධාන විධායක නිලධාරී ජිම් සටර් (Jim Sutter) මෙම වර්ධනයේ දිගුකාලීන ගෝලීය පසුබිම පැහැදිලි කළේය. ජනගහනය සහ ආදායම් වර්ධනයත් සමඟ සිදුකර ඇති පුරෝකතන වලට අනුව වර්තමානයේ ගෝලීය ආනයන ඉල්ලුම මෙට්රික් ටොන් මිලියන 247 සිට 2034 වසර වනවිට මෙට්රික් ටොන් මිලියන 319 දක්වා ඉහළ යනු ඇතැයි ඔවුන් අපේක්ෂා කෙරේ.
එක් අරමුණක් ඔස්සේ ගොඩනැඟුණු දශක හතරක ගමන්මග
1986 දී කුඩා පරිමාණ කුකුළු ගොවිපළක් ලෙස ඇරඹි නිව් ඇන්තනීස් ෆාම්ස් සමාගම, අද ගෝලීය තලයේ නමක් දිනා සිටින්නේ දශක හතරක් පුරා ගොඩනැඟූ කැපවීම, නවෝත්පාදනය සහ අඛණ්ඩ උත්සාහයේ ප්රතිඵලයක් ලෙසිනි. ආරම්භයේදීම සමාගම සිය අනන්යතාව ගොඩනඟා ගත්තේ පැහැදිලි අරමුණක් වටාය. එනම්, නිෂ්පාදන ක්රියාවලියේ කිසිදු අදියරක දී ප්රතිජීවක භාවිත නොකර කුකුළන් ඇති කිරීමයි. ක්ෂේත්රයේ සෙසු සමාගම් මෙම ප්රතිපත්තිය වෙත වේගයෙන් යොමුවෙද්දී පවා, නිව් ඇන්තනීස් ෆාම්ස් සිය ස්ථාවරය අඛණ්ඩව පවත්වාගෙන ගෙන ගොස් තිබුණි. අද වනවිට ශ්රී ලංකාවේ එකම මෙන්ම සම්පූර්ණයෙන්ම ප්රතිජීවක රහිත කුකුළු මස් නිෂ්පාදකයා ලෙස සමාගම සතු මෙම අනන්යතාව, පාරිභෝගික විශ්වාසය තහවුරු කිරීමට මෙන්ම ආයෝජකයන්ගේ අවධානය දිනාගැනීමටද ප්රබල හේතුවක් විය.
ඩොලර් මිලියන දහයක ආයෝජන විශ්වාසය
මෙම ස්ථාවරය මෙම වසරේදී තවදුරටත් ශක්තිමත් විය. ජූනි මාසයේදී, ලෝක බැංකු සමූහයේ සාමාජිකයෙකු වන ජාත්යන්තර මුදල් සංස්ථාව (IFC) විසින් නිව් ඇන්තනීස් ෆාම්ස් වෙත ඇමෙරිකානු ඩොලර් මිලියන 10 ක් දක්වා ආයෝජනය කරන බව නිවේදනය කොට තිබේ. මෙම ආයෝජන සැලසුම් කර ඇත්තේ නිෂ්පාදන ධාරිතාව පුළුල් කිරීමට, සැපයුම් දාමයේ කාර්යක්ෂමතාව ශක්තිමත් කිරීමට සහ දේශීය වෙළඳපොළ පුරා සුරක්ෂිත, දැරිය හැකි මිලකට කුකුළු මස් ලබා ගැනීමට ඇති හැකියාව වැඩිදියුණු කිරීමටයි. මෙහිදී සම්පූර්ණ ධාරිතාවට ළඟා වූ විට, සමාගම වසරකට කුකුළු මස් මෙට්රික් ටොන් 1,936 ක් අපනයනය කිරීමට අපේක්ෂා කරන අතර මෙය සමස්ත නිෂ්පාදනයෙන් 10%ක් පමණ වන බවත් 2024 මට්ටමට වඩා 29%ක වර්ධනයක් බවත් සඳහන් වේ. එමගින් 2032 වන විට අමතර ඇමෙරිකානු ඩොලර් මිලියන 4.95 ක විදේශ විනිමය ආදායමක් උත්පාදනය කිරීමට නියමිත අතර 2024 වසරේදී පමණක් ශ්රී ලංකාවේ කුකුළු මස් අපනයනයෙන් 90% කට වඩා වැඩි ප්රමාණයකට දායක වූයේ ද නිව් ඇන්තනීස් ෆාම්ස් සමාගමයි.
IFC ආයෝජනයේ වටිනාකම සමාගමේ මූල්ය ප්රතිඵලවලට පමණක් සීමා නොවී, ඊට වඩා පුළුල් ආර්ථික හා සමාජීය බලපෑමක් දක්වා විහිදී යයි. මේ වනවිට නිව් ඇන්තනීස් ෆාම්ස් සමාගමේ නිෂ්පාදනයෙන් 40%කට ආසන්න ප්රමාණයකට දායක වන්නේ කුඩා පරිමාණ ගොවීන් වන අතර ව්යාපෘතිය පුළුල් වීමත් සමඟ නව රැකියා අවස්ථා 900කට වැඩි සංඛ්යාවක් නිර්මාණය වනු ඇතැයි ඔවුන් අපේක්ෂා කෙරේ. මෙහි දී කොන්ත්රාත් ගොවිතැන් ක්රමවේදය හරහා අවම වශයෙන් කුඩා පරිමාණ ගොවීන් 200 දෙනෙකුට සෘජු ප්රතිලාභ හිමිවනු ඇති අතර එම ප්රතිලාභීන්ගෙන් 22%ක් කාන්තාවන් ද 80%ක් අඩු ආදායම්ලාභී පවුල් ද නියෝජනය කෙරේ.
ශ්රී ලංකාවේ කුකුළු කර්මාන්තය, ජනතාවට දැරිය හැකි මිලකට ප්රෝටීන් ලබාගැනීමට සහ රටේ ආහාර සුරක්ෂිතතාව පවත්වාගෙන යාම සඳහා වූ වැදගත් අංශයකි. කෙසේ වෙතත්, කර්මාන්තයේ 85%ක් පමණ නියෝජනය කරන කුඩා පරිමාණ ගොවිපළවලින් සමස්ත නිෂ්පාදනයට ලැබෙන දායකත්වය 30%කටත් අඩුය. ඵලදායිතාව ඉහළ නැංවීමේ සහ වෙළෙඳපොළ වෙත ප්රවේශ වීමේ පවතින සීමාවන් ඊට ප්රධාන හේතු වේ. මේ හේතුවෙන්, මෙම ආයෝජනයේ අවධානය යොමුව ඇත්තේ එක් සමාගමක නිෂ්පාදනය පුළුල් කිරීමකට පමණක් නොව, සමස්ත වටිනාකම් දාමය ශක්තිමත් කරමින් කුඩා පරිමාණ ගොවීන්ගේ ඵලදායිතාව සහ වෙළෙඳපොළ අවස්ථා පුළුල් කිරීම වෙතය.
IFC ගිවිසුම පිළිබඳව අදහස් දක්වමින් නිව් ඇන්තනීස් ෆාම්ස් සමූහයේ ප්රධාන විධායක නිලධාරී නීල් සුරවීර මහතා ප්රකාශ කොට සිටියේ 1986 දී කුඩා පරිමාණ ව්යවසායක් ලෙස ආරම්භ වූ නිව් ඇන්තනීස් ෆාම්ස් සමූහය, මෙම හවුල්කාරිත්වය හරහා මීළඟ අදියරට පිවිසීමට ලැබීම ගැන ආඩම්බර වන බවයි. මෙම හවුල්කාරිත්වය අපට සුවිශේෂී පරිවර්තනයක් ඇති කරන අවස්ථාවක් බව පෙන්වා දුන් ඔහු උසස් මට්ටමේ පාලනය, පාරදෘශ්යභාවය සහ මෙහෙයුම් විශිෂ්ටත්වය තවදුරටත් ශක්තිමත් කිරීමට ඇති අපගේ කැපවීම තහවුරු කරන අතරම, ඉහළම සමාජීය හා පාරිසරික තිරසාර ප්රමිතීන් පවත්වාගෙන යාමටද මෙය අපට සහාය වන බවත් ඔහු සදහන් කරයි.
පිරිවැයකින් එහා ගිය වෙළඳපොළ වටිනාකමක් බවට පත් වූ තිරසාරත්වය
ඔවුන්ගේ එම කැපවීම චිකාගෝ නුවරදී ද මනාව පැහැදිලිව ඉස්මතු විය. Soy Connext හි පැවැති තිරසාරත්වය පිළිබඳ දේශනවලට එක්වූ ශ්රී ලාංකික නියෝජිතයන් අවධාරණය කළේ, තිරසාරත්වය සහ ලාභදායීත්වය යනු එකිනෙකට වෙනස් අරමුණු දෙකක් නොවන බවයි. මෙහි දී ඔවුන් තිරසාර ලෙස අමුද්රව්ය සපයා ගැනීම තුළින් නිෂ්පාදකයන්ට අත්වන වාණිජමය වාසි පිළිබඳවද අදහස් දැක්වූ අතර සැපයුම් දාමය තුළ පවතින මෙම තිරසාරත්වය පාරිභෝගිකයාට සෘජුවම හඳුනාගත හැකි ලෙස වන පරිදි ඉදිරිපත් කොට ඇති Sustainable U.S. Soy ලාංඡනයේ වැදගත්කම පිළිබඳව ද ඔවුන් මෙහිදී අවධාරණය කළේය.
ජයග්රහණ පිරුණු වසරක්
චිකාගෝ නුවරදී හිමි වූ මෙම ජාත්යන්තර ඇගයීම සමාගමට ජයග්රහණ රැසක් අත්කර දුන් වසරක තවත් සුවිශේෂී සන්ධිස්ථානයක් විය. 2026 වසර නිව් ඇන්තනීස් ෆාම්ස් සමාගමේ 40 වැනි සංවත්සරය සනිටුහන් කරන අතර, එම අවස්ථාව සැමරීම සඳහා ‘මෙඩිකෙයාර්’ ජාත්යන්තර සෞඛ්ය ප්රදර්ශනයට සමගාමීව කොළඹදී පැවැති ‘Healthy Living Expo’ ප්රදර්ශනයට සමාගම තෙවැනි වරටත් එක්විය.
නිව් ඇන්තනීස් ෆාම්ස් සමූහයේ ප්රධාන විධායක නිලධාරී සුරවීර මහතා එම අවස්ථාවේදී සඳහන් කළේ මෙරට පවුල් වෙත සෞඛ්ය සම්පන්න, පෝෂ්යදායී සහ ඉහළම ආරක්ෂිත ප්රමිතීන්ගෙන් යුත් කුකුළු මස් ලබාදීමේ 40 වසරක අභිමානනීය ගමන සමරන මොහොතක, Healthy Living Expo වෙත නැවත පැමිණීම අපට සැමරුමක් මෙන්ම අපගේ කැපවීම යළි තහවුරු කිරීමට ලැබුණු තවත් අවස්ථාවක් බවයි.
ඊට අමතරව, ශ්රී ලංකා අපනයන සංවර්ධන මණ්ඩලය මගින් සංවිධානය කරන ලද 26 වන ජනාධිපති අපනයන සම්මාන උළෙලේදී Best Exporter in the Processed Food Category ලෙසද සමාගම සම්මානයෙන් පිදුම් ලැබූ අතර මෙරට ප්රමුඛතම ආහාර කර්මාන්ත ප්රදර්ශනයක් වන ProFood ProPack හි ආහාර සහ පාන අංශයේ හොඳම ප්රදර්ශන කුටියට හිමි දෙවන ස්ථානය දිනා ගැනීමටද සමාගම සමත් විය.
මෙම ඇගයීමෙන් පැහැදිලි වන පණිවිඩය
පසුගිය වසර කිහිපය දෙස ආපසු හැරී බලන විට, එම ජයග්රහණ එකිනෙකින් වෙන් වූ සාර්ථකත්වයන් මාලාවක් නොවන බව පැහැදිලි වේ. ඒවා දශක හතරක් පුරා නිව් ඇන්තනීස් ෆාම්ස් අඛණ්ඩව අනුගමනය කළ දැක්මේ ප්රතිඵලයකි. එහි මූලික අරමුණ වූයේ පළමුව පාරිභෝගික විශ්වාසය ගොඩනඟා ගැනීමත්, එම විශ්වාසය මත පදනම්ව පාරිභෝගික පිළිගැනීම ස්වභාවිකව වර්ධනය වීමට ඉඩ සැලසීමත්ය. එසේනම් වෙනස් වී ඇත්තේ එම දැක්මේ අරමුණ නොව, එය අද වන විට විහිදී ඇති පරාසයයි. ශ්රී ලංකාවේ කුඩා වෙළෙඳපොළවලට කුකුළු මස් සැපයීමෙන් ඇරඹි ගමන අද වනවිට ඇමෙරිකානු වෙළෙඳ සංවිධානයක ඇගයීමට පාත්ර වූ, ලොව ප්රමුඛතම සංවර්ධන මූල්ය ආයතනයක සහාය හිමි, මහද්වීප තුනක තිරසාරත්ව නායකයන් සමඟ එකම වේදිකාවක පෙනී සිටින ගෝලීය මට්ටමේ ව්යාපාරයක් බවට පත්වී තිබේ.
ශ්රී ලංකාවේ සමස්ත කුකුළු මස් සහ කෘෂි ව්යාපාරික ක්ෂේත්රය දෙස බලන විට, මෙම ජාත්යන්තර පිළිගැනීම එක් සමාගමක වර්ධනයට පමණක් සීමා නොවේ. ආනයන මත සැලකිය යුතු ලෙස රඳා පවතින කුඩා දූපත් ආර්ථිකයකට වුවද, පවතින ගෝලීය ප්රමිතීන් අනුගමනය කිරීමෙන් ඔබ්බට ගොස්, එම ප්රමිතීන් ඉහළ නැංවීමට හා ඒවා හැඩගැස්වීමට දායක වන ව්යාපාර බිහි කළ හැකි බව එය සනාථ කරයි. එමෙන්ම, ශ්රී ලාංකික පාරිභෝගිකයන් දේශීය වෙළෙඳපොළ තුළ අපේක්ෂා කරන ආහාර සුරක්ෂිතතාව හා ගුණාත්මකභාවය පිළිබඳ ප්රමිතීන්, ගෝලීය වෙළෙඳපොළ තුළ ද එලෙසම පිළිගැනීමට හා ඇගයීමට ලක්විය හැකි බව මෙම ජාත්යන්තර පිළිගැනීම තවදුරටත් සනාථ කරයි.
