Renault Kwid, Kiger සහ Triber මාදිලි නැරඹීමට සහ ධාවන පරීක්ෂාවන් සඳහා දැන් පාරිභෝගිකයින්ට අවස්ථාව
නැවතත් ශ්‍රී ලංකාවේ රථවාහන වෙළඳපොළට ප්‍රවිශ්ට වෙමින් සිටින Renault මෝටර් රථ සිය ගමන් මගේ තවත් සුවිශේෂී පියවරක් සනිටුහන් කරමින්, Renault සන්නාමයේ විශිෂ්ටත්වය දැන හඳුනාගැනීමට සහ එහි නවතම මාදිලි අත්විඳීමට පාරිභෝගිකයින්ට අවස්ථාව සලසන Renault අත්දැකීම් මධ්‍යස්ථානය කොළඹ මැජෙස්ටික් සිටි (Majestic City) පරිශ්‍රයේදී අලුතින් විවෘත කළේය.
ඇසෝසියේටඩ් මෝටර්වේස් පෞද්ගලික සමාගමේ (AMW) සමාගමේ සමූහ කළමනාකාර අධ්‍යක්ෂ ජවහර් ගනේෂ් මහතා සහ එම සමාගමේ විකුණුම් අධ්‍යක්ෂ ප්‍රසන්න ද සිල්වා මහතා විසින් මෙම මධ්‍යස්ථානය නිල වශයෙන් විවෘත කරන ලද අතර මෙම අවස්ථාව සඳහා AMW කළමනාකාරීත්වය සහ කාර්ය මණ්ඩලය, මාධ්‍යවේදීන්, පාරිභෝගිකයින්, සුභපතන්නන් ඇතුළු ආරාධිත අමුත්තන් රැසක් එක්ව සිටියහ.
මැජෙස්ටික් සිටි හි ලොබියේ පිහිටා ඇති මෙම මධ්‍යස්ථානයේ ශ්‍රී ලංකා වෙළඳපොළට හඳුන්වා දෙන Renault Kwid, Renault Kiger සහ Renault Triber යන මාදිලි තුනක් ප්‍රදර්ශනය කෙරෙන අතර, මෙහි පැමිණෙන පාරිභෝගිකයින්ට එම වාහන පිළිබඳව වැඩිදුර විස්තර සොයා බැලීමට සහ ඒවායේ විශේෂාංග සහ තාක්ෂණික පිරිවිතර පිළිබඳව දැනුවත් වීමට මෙන්ම එම ස්ථානයේදීම පරීක්ෂණ ධාවන සඳහා සහභාගී වීමටද අවස්ථාව සැලසේ.
පාරිභෝගිකයින්ගේ පහසුව තවදුරටත් ඉහළ නංවමින්, මෙම Renault වාහන සඳහා අවශ්‍ය තරම් තොග AMW සමාගම සතුව පවතින බැවින්, තමන් තෝරාගත් වාහනය පැමිණෙන තෙක් මාස ගණනාවක් බලා සිටීමට පාරිභෝගිකයින්ට සිදු නොවේ. අවශ්‍ය ලේඛන කටයුතු සහ ලියාපදිංචිය සම්පූර්ණ කිරීමට යටත්ව, එක දිනයක් වැනි කෙටි කාලයක් ඇතුළත සිය නව Renault රථය පදවාගෙන යාමට පාරිභෝගිකයින්ට හැකියාව ලැබෙන අතර, එමඟින් වාහන මිලදී ගැනීමේ ක්‍රියාවලිය වඩාත් වේගවත් හා පහසු වේ.
Renault මෝටර් රථ සඳහා ලැබෙන වසර තුනක නිෂ්පාදක වගකීමේ සහතිකය හරහා පාරිභෝගිකයින්ගේ මනසට වැඩි සැනසීමක් හිමිවන අතර, පාරිභෝගික සේවය වෙනුවෙන්ම කැපවුණු Renault අලෙවියෙන් පසු සේවාව හරහා ඔවුන්ට රථයේ හිමිකාරීත්වය දරන කාල සීමාව පුරාවටම ඉහළම වෘත්තීයමය සේවාවක් සහ සහයක් හිමිවනු ඇත.
මෙම විවෘත කිරීම පිළිබඳව අදහස් දක්වමින් AMW සමාගමේ සමූහ කළමනාකාර අධ්‍යක්ෂ ජවහර් ගනේෂ් මහතා මෙසේ පැවසීය, “Renault සන්නාමය නැවතත් ශ්‍රී ලංකාවේ මෝටර් රථ වෙළඳපොළට සාදරයෙන් පිළි ගන්නා අතරම නව Renault අත්දැකීම් මධ්‍යස්ථානය කිරීම ට හැකි වීම මේ සම්ප්‍රාප්තියේ වටිනාකම තවත් තීව්‍ර කරන බව අපේ විශ්වාසයයි. Renault යනු සුවිශේෂී ඉතිහාසයකට උරුමකම් කියන, නව්‍යකරණය සහ අනගි නිර්මාණකරණය වෙනුවෙන් කීර්තියක් උසුලන ලෝකය පුරාම ව්‍යාප්ත මෝටර් රථ සන්නාමයක්. AMW හරහා අපි එම අද්විතීය උරුමය සහ අත්දැකීම ශ්‍රී ලාංකික පාරිභෝගිකයින්ට සමීප කරමින් සිටිනවා. මෙම මධ්‍යස්ථානය හරහා පාරිභෝගිකයින්ට Renault වාහන මාදිලි එකතුව සෘජුවම අත්විඳීමට අවස්ථාව ලැබෙන අතර, ප්‍රමාණවත් වාහන තොග පවතින බැවින් දීර්ඝ කාලයක් මඟබලා සිටීමෙන් තොරව ඉක්මනින් වාහන ලබාගැනීමේ පහසුව AMW හරහා ඔවුන්ට හිමි වේ. ඒ වගේම වසර 3 ක නිෂ්පාදක වගකීම සහ විශේෂිත පසු-අලෙවි සේවා ජාලය හරහා පාරිභෝගිකයින්ට විශ්වාසනීය හිමිකාරීත්ව අත්දැකීමක් ලබාදීමට අපි කටයුතු කර තිබෙනවා. අපේ අරමුණ Renault ශ්‍රී ලාංකික මෝටර් රථ හිමියන්ගේ විශ්වාසනීයතම තේරීම බවට පත් කිරීමයි.”
මෙම මධ්‍යස්ථානය සතියේ දින 7 පුරාම පෙ.ව. 9:00 සිට ප.ව. 8:00 දක්වා විවෘතව පවතින බැවින් පාරිභෝගිකයින්ට තමන්ට පහසු වේලාවක පැමිණීමේ හැකියාව ඇත.
1898 වසරේ ප්‍රංශයේ ආරම්භ වූ Renault සමාගම, මෝටර් රථ ක්ෂේත්‍රයේ වසර 125කට අධික දීර්ඝ ඓතිහාසික උරුමයක්, නවෝත්පාදන හැකියාවක් සහ ඉංජිනේරු ක්ෂේත්‍රයේ විශේෂඥතාවක් සමඟින් ජාත්‍යන්තර මෝටර් රථ ක්ෂේත්‍රයට නොමඳ දායකත්වයක් ලබා දී ඇති සමාගමකි. ජාත්‍යන්තර වෙළඳපොළ තුළ ප්‍රබල පැවැත්මක් තහවුරු කර ඇති Renault, ප්‍රංශයේ අංක එකේ මෝටර් රථ සන්නාමය ලෙස ද පිළිගැනීමට ලක්ව ඇත.
ශ්‍රී ලංකාවේ මෝටර් රථ ක්ෂේත්‍රයේ ප්‍රමුඛ තම සමාගමක් වන AMW සමාගම, Renault මෝටර් රථ මෙරට වෙළඳපොළ වෙත නැවත පිළිගන්නේ ක්ෂේත්‍රය තුළ වසර 70කට අධික අත්දැකීම් සහ විශේෂඥතාවය සමඟ සාර්ථක ඉදිරි ගමනක නියැලීමේ අපේක්ෂාව ඇතිවය. Renault සන්නාමයට ශ්‍රී ලංකාවේ නැවත සවිමත්ව ස්ථාපිත වීමට මෝටර් රථ ක්ෂේත්‍රය තුළ AMW සතු විශිෂ්ට හැකියාවන්, පාරිභෝගික ජාලය සහ දේශීය වෙළඳපොළ පිළිබඳ අවබෝධය හරහා මනා පදනමක් ලැබෙන අතර ඒ අනුව ඉදිරි මාස කිහිපය තුළ දිවයින පුරා Renault ප්‍රවර්ධන ක්‍රියාකාරකම් පුළුල් කිරීමට AMW සමාගම සැලසුම් කර ඇත. මැජෙස්ටික් සිටි හි මෙම මධ්‍යස්ථානය විවෘත කිරීම එම පුළුල් වැඩසටහනේ ආරම්භය සනිටුහන් කරන අවස්ථාව වශයෙන් හැඳින්විය හැකිය.
Renault Experience Centre – මැජෙස්ටික් සිටි
- ස්ථානය: මැජෙස්ටික් සිටි, කොළඹ
- විවෘත දිනයන්: සතියේ දින 7 පුරාම
- වේලාව: පෙ.ව. 9:00 – ප.ව. 8:00
- වාහන මාදිලි: Renault Kwid | Renault Kiger | Renault Triber
- පරීක්ෂණ ධාවන: ස්ථානයේදීම ලබාගත හැක
- වගකීම: වසර 3ක නිෂ්පාදක වගකීම
- පසු-අලෙවි සේවාව: විශේෂිත Renault පසු-අලෙවි සේවා මධ්‍යස්ථාන ජාලය
- වාහන ලබාගැනීමේ හැකියාව: ලේඛන කටයුතු සහ ලියාපදිංචිය සම්පූර්ණ කිරීමට යටත්ව, වහාම භාරදීම සඳහා ප්‍රමාණවත් තොග පවතී
