Home Technology & InnovationAIAleph එකම අලෙවි නියෝජිතයා කරගනිමින් OpenAI සමාගම ChatGPT Ads රටවල් 44 කට ව්‍යාප්ත කරයි

Aleph එකම අලෙවි නියෝජිතයා කරගනිමින් OpenAI සමාගම ChatGPT Ads රටවල් 44 කට ව්‍යාප්ත කරයි

by CeylonBusiness1
November 16, 2026 11:08 am/**/ 0 comment

මෙම ගිවිසුම හරහා OpenAI සහ Aleph එක්ව ලතින් ඇමරිකාව, යුරෝපය, මධ්‍යම ආසියාව, මැදපෙරදිග, අප්‍රිකාව සහ ආසියා-පැසිෆික් කලාපවල සන්නාම සහ ප්‍රචාරණ ආයතන සඳහා දේශීය සහාය ලබාදීමට කටයුතු කරන අතර, එය Aleph හි AI ප්‍රචාරණ සේවාවන් තවදුරටත් ශක්තිමත් කිරීමට ද දායක වේ.

OpenAI සමාගම, Aleph සමඟ ඇති කරගත් නව සුවිශේෂී නැවත විකුණුම් නියෝජිත (exclusive reseller) හවුල්කාරිත්වය හරහා ChatGPT Ads සේවාව රටවල් 44ක් වෙත ව්‍යාප්ත කරයි. මෙම ව්‍යාප්තියට ලතින් ඇමරිකාවේ වෙළෙඳපොළවල් 14ක්, යුරෝපයේ සහ මධ්‍යම ආසියාවේ 16ක්, මැදපෙරදිග සහ අප්‍රිකාවේ 10ක් සහ ආසියා-පැසිෆික් කලාපයේ වෙළෙඳපොළවල් 4ක් ඇතුළත් වේ. ඒ අනුව, අද සිට මෙම වෙළෙඳපොළවල සන්නාම සහ ප්‍රචාරණ ආයතනවලට Aleph හරහා දේශීය මට්ටමින් ගිවිසුම්ගත වීමේ, ගෙවීම් සිදු කිරීමේ සහ තාක්ෂණික සහාය ලබාගැනීමේ පහසුකම් හිමි වනු ඇත.

ChatGPT යනු ජනතාව අලුත් දේ ඉගෙන ගැනීමට, තොරතුරු ගවේෂණය කිරීමට සහ තීරණ ගැනීමට භාවිත කරන නව ආකාරයේ ප්‍රචාරණ වේදිකාවකි. OpenAI සමඟ ඇති කරගත් මෙම හවුල්කාරිත්වය හරහා, කෘත්‍රිම බුද්ධි (AI) යුගයේ ප්‍රමුඛතම වේදිකාවක් වන ChatGPT සමඟින් විවිධ වෙළෙඳපොළවල ඇති ව්‍යාපාරික සබඳතා ගොඩනැඟීමට Aleph සමාගමට හැකියාව ලැබේ. එමඟින් ප්‍රචාරකයින්ට දේශීය සහාය සහ ගෙවීම් යටිතල පහසුකම් සපයන හවුල්කරුවෙකු හරහා ChatGPT Ads සේවාව වඩාත් පහසුවෙන් මිලදී ගැනීමට අවස්ථාව හිමි වේ. 

“AI තාක්ෂණය ව්‍යාපාරවලට පාරිභෝගිකයින් සමඟ සබඳතා ඇති කරගැනීමට නව අවස්ථා සලසා දෙයි. අද සිට වෙළෙඳපොළවල් 44ක ප්‍රචාරකයින්ට තම භාෂාවෙන් සේවා ලබාදෙන, දේශීය මුදල් ඒකකයෙන් ගෙවීම් කටයුතු සඳහා පහසුකම් සලසන සහ ණය පහසුකම් ලබාදෙන දේශීය කණ්ඩායමක සහාය ඇතිව OpenAI සමඟ කටයුතු කළ හැකිය. ගෝලීය තාක්ෂණය දේශීය ව්‍යාපාරවල දියුණුවට යොදාගැනීම Aleph සමාගම සාර්ථකව ඉටු කරන කාර්යභාරයයි.”

banner

— Gastón Taratuta, Aleph හි නිර්මාතෘ සහ ප්‍රධාන විධායක නිලධාරී

Aleph සමඟ එක්වන සන්නාම සහ ප්‍රචාරණ ආයතනවලට තම රට තුළදීම ගිවිසුම්ගත වීමට සහ බිල්පත් ලබාගැනීමට හැකියාව ලැබේ. එමෙන්ම, අදාළ වෙළෙඳපොළවල Aleph කණ්ඩායම් හරහා සේවාවට සම්බන්ධ වීම සඳහා අවශ්‍ය මඟපෙන්වීම සහ මූලික තාක්ෂණික සහාය ලබාගැනීමට ද අවස්ථාව සැලසේ. මෙම ගිවිසුම මඟින් පහත සඳහන් වෙළෙඳපොළවල් 44 ආවරණය කෙරේ.

ලතින් ඇමරිකාව (14): ආර්ජන්ටිනාව, බොලීවියාව, චිලී , කොලොම්බියාව, කොස්ටාරිකාව, ඩොමිනිකන් ජනරජය, ඉක්වදෝරය , එල් සැල්වදෝරය, ග්වාතමාලාව, පැනමාව, පැරගුවේ, පේරු, පුවර්ටෝ රිකෝ සහ උරුගුවේ.

යුරෝපය සහ මධ්‍යම ආසියාව (16): අසර්බයිජානය, බල්ගේරියාව, ක්‍රොඒෂියාව, සයිප්‍රසය, චෙකියාව, එස්තෝනියාව, හංගේරියාව, කසකස්තානය, ලැට්වියාව, ලිතුවේනියාව, රුමේනියාව, සර්බියාව, ස්ලෝවැකියාව, ස්ලෝවේනියාව, යුක්‍රේනය සහ උස්බෙකිස්තානය.

මැදපෙරදිග සහ අප්‍රිකාව (10): ඊජිප්තුව, කෙන්යාව, කුවේටය, මොරොක්කෝව, නයිජීරියාව, කටාර් රාජ්‍යය, සෞදි අරාබිය, දකුණු අප්‍රිකාව, තුර්කිය සහ එක්සත් අරාබි එමීර් රාජ්‍යය.

ආසියා-පැසිෆික් කලාපය (4): බංග්ලාදේශය, කාම්බෝජය, හොංකොං (පිටතට යවන සැපයුම්) සහ ශ්‍රී ලංකාව.

මෙම වෙළෙඳපොළවල ප්‍රචාරකයින්ට සහ ප්‍රචාරණ ආයතනවලට වැඩිදුර තොරතුරු දැනගැනීමට හෝ Aleph හි දේශීය කණ්ඩායම් සම්බන්ධ කරගැනීමට,

මාධ්‍ය සම්බන්ධතා

Aleph: [email protected] | [email protected]

Aleph පිළිබඳව

Aleph යනු වේගයෙන් වර්ධනය වන වෙළෙඳපොළවල් 130කට අධික සංඛ්‍යාවක මාධ්‍ය සහ ගෙවීම් සේවා සඳහා යටිතල පහසුකම් සපයන ගෝලීය සමාගමකි. වසර 20ක අත්දැකීම් සහ ප්‍රමුඛ ඩිජිටල් වේදිකා 50කට අධික සංඛ්‍යාවක් සමඟ ඇති හවුල්කාරිත්වයන් හරහා මාධ්‍ය, ගෙවීම් සහ දේශීය වෙළෙඳපොළ පිළිබඳ විශේෂඥ දැනුම එක්තැන් කරමින්, ව්‍යාපාරවලට නීතිමය අවශ්‍යතාවලට අනුකූලව ජාත්‍යන්තර වශයෙන් වර්ධනය වීමට සහ සිය මෙහෙයුම් පවත්වාගෙන යාමට Aleph සහාය ලබාදෙයි.

ලොව පුරා කාර්යාල 90කට අධික සංඛ්‍යාවක සේවය කරන කණ්ඩායම් හරහා ගෝලීය මෙහෙයුම් හැකියාව සහ දේශීය වෙළෙඳපොළ පිළිබඳ දැනුම ඒකාබද්ධ කරන Aleph, ව්‍යාපාරික සේවාවන්ට අමතරව ඩිජිටල් අන්තර්ග්‍රහණය ප්‍රවර්ධනය කිරීමට ද කටයුතු කරයි. ඒ සඳහා UNESCO හි Global Skills Academy මඟින් ඇගයීමට ලක්ව ඇති Digital Ad Expert අධ්‍යාපන වැඩසටහන ක්‍රියාත්මක කරයි.

You may also like

Leave a Comment