ලොව විශාලතම Luxury Ayurveda ජාලය වන Spa Ceylon, එහි සංරක්ෂණ අංශය වන Ceylon Elephant Co. සමඟ එක්ව, ශ්රී ලංකාවේ මිනිස්-අලි ගැටුම පිළිබඳ දැනුවත් භාවය ඉහළ නැංවීම සඳහා කැප වූ දින හතරක මහජන ප්රදර්ශනයක් වන Majestic Ceylon Elephant ඡායාරූප තරඟය සහ ප්රදර්ශනය දියත් කොට තිබෙනවා. මේ ප්රදර්ශනය 2025 සැප්තැම්බර් 8 සිට 11 දක්වා නිල ස්ථාන සහකරු වන Havelock City Mall හිදී පැවැත් වීමට නියමිතයි.
වනජීවී හා සොබාදහම් ආරක්ෂණ සංගමය (WNPS) සමඟ සහයෝගයෙන් සංවිධානය කරන ලද මෙම වැඩසටහන, දක්ෂ ඡායාරූප ශිල්පීන්ගේ කාචය හරහා අපේ රටේ අලි ඇතුන්ගේ තේජස ප්රදර්ශනය කිරීමට අවස්ථාව ලැබෙනවා. DSLR/ කැමරා ඡායාරූපකරණය සහ ජංගම දුරකථන ඡායාරූපකරණය යන කාණ්ඩ දෙකක් යටතේ ඉදිරිපත් කිරීම් විවෘතව පැවති අතර, එමඟින් පුළුල් පරාසයක සහභාගිවන්නන් මෙම කාර්යයට සම්බන්ධ වීමට දිරිමත් කරන ලදී. ලෝක අලි ඇතුන්ගේ දිනය සැමරීමේදී, අපේ රටේ අලි ඇතුන්ගේ සංස්කෘතික හා පාරිසරික වැදගත්කමට ගරු කරමින්, දිවයිනේ හදිසි පාරිසරික ගැටලුවලින් එකක් වන අලි-මිනිස් ගැටුම පිළිබඳව මෙම මුලපිරීම වැදගත් වනවා.
“පසුගිය දශකය ඇතුළත ශ්රී ලංකාවේ අලි ඇතුන් 3,400කට වඩා අහිමි වී ඇති අතර, 2025 දී පමණක් අලි ඇතුන් 240කට ආසන්න සංඛ්යාවක් මිය ගොස් තියෙනවා. අද වෙද්දි, අපේ රටේ අලි ඇතුන්ගෙන් 70%කට වඩා වැඩි ප්රමාණයක් ආරක්ෂිත ප්රදේශවලින් පිටත ජීවත් වන අතර, ඒක ඔවුන්ගේ පැවැත්මට තර්ජනයක්. අලි ඇතුන් කියන්නේ අපේ වනජීවීන්ගේ කොටසක් විතරක් නෙවෙයි, අපේ උරුමයේ සහ අනන්යතාවයේ ජීවමාන සංකේතයක් විදියට සළකන්න පුළුවන්. Spa Ceylon අපි හිතන්නේ මේ සංරක්ෂණය කිහිප දෙනෙකුගේ වගකීමක් විතරක් නෙවෙයි, සියලු දෙනාගේම බෙදා හදා ගත් යුතුකමක් බව විශ්වාස කරනවා. අපේ රටේ අලි ඇතුන්ගේ සංරක්ෂණ ප්රයත්නයට අපි දැඩි ලෙස කැපවී ඉන්නවා වගේම අලි මිනිස් ගැටුම පිළිබඳව දැනුවත් භාවය ඉහළ නැංවීමට සහ පෙරමුණු දෙකේම පැවැත්මට හොඳම දේ, මේ වගේ ප්රජාවන් එක් කරන මුලපිරීම් සමඟයි” Spa Ceylon හි සම-නිර්මාතෘ සහ සමූහ අධ්යක්ෂ ශලින් බාලසූරිය මේ ගැන අදහස් දක්වමින් පැවසූවා.
“ශ්රී ලංකාවේ අලි-මිනිස් ගැටුම වනජීවී ගැටලුවක් පමණක් නෙවෙයි. එය සංස්කෘතිය, ජීවනෝපායන් සහ අනන්යතාවය පිළිබඳ අර්බුදයක්. අලි ඇතුන්ගේ අපේ පරිසර පද්ධතිවල සහ උරුමයේ ප්රධාන තැනක් ගන්නවා. WNPS හි අපි විශ්වාස කරන්නේ සහජීවනය ඇති කළ හැක්කේ සාමූහික එකතුව, විද්යාත්මක විසඳුම් සහ ප්රජා සහභාගීත්වය තුළින් පමණක් බවයි. Spa Ceylon එක්ක මේ වගේ එක්ව කටයුතු කිරීම මේ අරමුණ සඳහා වැදගත් දැනුවත් භාවයක් සහ ක්රියාමාර්ග පෙන්වා දෙනවා” යනුවෙන් WNPS අලි-මිනිස් සහජීවන උප කමිටුවේ හිටපු සභාපති ජෙහාන් කනගරත්න පැවසුවා.
අලි ඇතුන් සංරක්ෂණය සඳහා වන තම අඛණ්ඩ කැපවීමේ කොටසක් ලෙස Spa Ceylon, ඔවුන්ගේ Ceylon Elephant Range එක මෙම අරමුණ සඳහාම කැප කර ඇති අතර, එහි සෑම මිලදීගැනීමක්ම මිනිස්-අලි ගැටුමට දිගුකාලීන විසඳුම් සොයන මුලපිරීම් සඳහා සෘජුවම දායක වනවා. මීට අමතරව, අලි-මිනිස් ගැටුම් සංකූලතාවන්ගෙන් පීඩාවට පත් වූ දරුවන් සහ ප්රජාවන්ට සහාය වීම සඳහා 2024 දී WNPS සමඟ සහයෝගයෙන් දියත් කරන ලද ‘ගජ නැණ සහන’ ශිෂ්යත්ව වැඩසටහන සඳහාත් Spa Ceylon පෙරමුණ ගෙන සිටිනවා.
Spa Ceylon පිළිබඳව:
2009 මැයි මස ශිවන්ත ඩයස් සහ ශලින් බාලසූරිය සහෝදරයන් දෙදෙනා එක්ව ආරම්භ කළ Spa Ceylon, Global Luxury Wellness අංශයේ නමගිය බලවේගයක් බවට පත්ව ඇති අතර ඉන් Luxury Ayurveda සන්නාමය ලොවට ගෙන යාමට සමත් වී තිබෙනවා. රටවල් 33ක් පුරා අලෙවිසැල් 140කට වැඩි පුළුල් අන්තර්ජාතික ව්යාපාරයකට හිමිකම් කියන Spa Ceylon, ලොව විශාලතම Luxury Ayurveda දාමය ලෙස ද හඳුන්වනවා. Spa Ceylon අපේ රටේ පුරාණ ආයුර්වේද දැනුම ග්රහණය කර ගනිමින් සම්බාහන චාරිත්ර මාලාවක් සහ ගත, සිත, මනස සන්සුන් කෙරෙන රාජකීයත්වය පිරි නිෂ්පාදන පෙළක් නිර්මාණය කරන අපේ රටෙන් ජාත්යන්තරයට ගිය සන්නාමයක් ලෙස නම් දරන අතර Spa Ceylon නිෂ්පාදන තිරසාර පැවැත්ම සඳහා අඛණ්ඩ කැපවීමකින් මෙන්ම ප්රජාවන්ගේ යහපැවැත්ම පිළිබඳව ද සැලකිලිමත් වන සන්නාමයක් ලෙස ලොව පුරා ප්රසිද්ධ වී තිබෙනවා. Spa Ceylon නිෂ්පාදන සත්ත්ව හිංසනයෙන් තොර, සදාචාරාත්මකව මූලාශ්ර කරගත් තිරසාර ව්යාපාරික භාවිත සඳහා එහි අඛණ්ඩ කැපවීම සහ ප්රජාවන්ගේ යහපැවැත්ම සඳහා සවිගන්වන්නට සැලකිලිමත් වන සන්නාමයක් ලෙස සඳහන් කරන්නට හැකිවනවා.
