2026 අගෝස්තු 6 කොළඹදීය: ශ්රී ලංකාවේ ආහාර සැකසුම්, ඇසුරුම් සහ කෘෂිකාර්මික ක්ෂේත්රයේ දැවැන්තම ප්රදර්ශනය වන ProFood ProPack & AgBiz 2026 යලිත් වරක් 2026 අගෝස්තු 21 සිට 23 දක්වා BMICH හිදී පැවැත්වේ. දේශීය මෙන්ම ජාත්යන්තර ක්ෂේත්ර ප්රවීණයන්, නවෝත්පාදකයින්, ව්යවසායකයින් සහ පාරිභෝගිකයින් දැනුම හුවමාරු කරගැනීමට, නවෝත්පාදනය සහ ව්යාපාරික සබඳතා උදෙසා මෙහිදී එක්වේ.
ශ්රී ලංකා ආහාර සැකසුම්කරුවන්ගේ සංගමය (SLFPA) සහ වෘත්තීය ප්රදර්ශන සංවිධායකයකු වන ලංකා ප්රදර්ශන සහ සම්මේලන සේවා පුද්ගලික සමාගම (LECS) එක්ව සංවිධානය කරන දින තුනක් පුරා පැවැත්වෙන මෙම ප්රදර්ශනය සඳහා 30,000 කට අධික ව්යාපාරික සහ පාරිභෝගික සහභාගීත්වයක් බලාපොරොත්තු වන අතර ප්රදර්ශන ශාලා 6ක් පුරාවට 450කට අධික ප්රදර්ශන කුටි ප්රමාණයක් ඇතුළත් වෙයි. මෙම වැඩසටහන සඳහා ජාත්යන්තරව ප්රදර්ශනයට සහභාගී වන්නන් 50කට අධික සංඛ්යාවක් සත්කාරකත්වය දරන අතර චීනය, ඉන්දියාව සහ ජර්මනිය ඇතුළු රටවල නියෝජිත සහභාගීත්වය නිසාවෙන් කලාපීය විශිෂ්ටතම කර්මාන්ත වේදිකාව ලෙස එය වඩාත් ශක්තිමත්ව ස්ථානගත වෙයි.
ව්යාපාරයෙන්-පාරිභෝගිකයා වෙත (B2C) සහ ව්යාපාරයෙන්-ව්යාපාරයට (B2B) යන දෙපිරිස උදෙසාම ආරම්භ කරන ලද ProFood ProPack & AgBiz 2026 ඇසුරුම්කරණ විශේෂඥයින්, අපනයනකරුවන්, වෙළෙන්ඳන්, නිශ්පාදකයින්, ආහාර සැකසුම්කරුවන්, බෙදාහරින්නන්, ව්යවසායකයින්, ආයෝජකයින් සහ ප්රජාව සම්බන්ධකරමින් සබඳතා නිර්මාණය, දැනුම හුවමාරු කරගැනීම සහ ව්යාපාර වර්ධනයට වටිනා අවස්ථාවන් උදාකර දෙයි.
වැඩසටහනෙහි මෙම වසරේ සුවිශේෂීත්වය සඳහන් කරමින් ශ්රී ලංකා ආහාර සැකසුම්කරුවන්ගේ සංගමයේ සහාපති අරුණ සේනානායක මහතා කියා සිටියේ, “අපගේ ව්යාපාර ක්ෂේත්රයේ කශේරුකාව බඳු කුඩා හා මධ්ය පරිමාණ ආහාර සැකසුම්කරුවන්ට සහය වීමට අපි දැඩි ලෙස කැපවී සිටිනවා. කර්මාන්ත අමාත්යාංශය විසින් සංවිධානය කරන ලද කුඩා හා මධ්ය පරිමාණ ව්යවසාය මණ්ඩපය, පෙර වසරවලදී සැලකිය යුතු සුළු හා මධ්ය පරිමාණ ව්යාපාර සංඛ්යාවක් ආකර්ෂණය කර ගෙන ඇති අතර මෙම අති විශාල වැඩසටහන වෙනුවෙන් කුඩා හා මධ්ය පරිමාණ ව්යවසායක ප්රදර්ශකයින් විශාල ප්රමාණයක් එකම වහළක් යටට ඒකරාශී කිරීමෙන් අතිවිශාල සහයෝගයක් ලබා දී තිබෙනවා. මෙම ප්රදර්ශයනය මගින් කුඩා හා මධ්ය පරිමාණ ව්යවසායකයන්ට තම නවෝත්පාදන ප්රදර්ශනයට, වෙළඳපොළට පිවිසීමට මෙන්ම වටිනා පාරිභෝගික ප්රතිචාර ලබාගැනීමට අවස්ථාවක් හිමිවෙනවා.”
කුඩා හා මධ්ය පරිමාණ ව්යවසාය මණ්ඩපය (SME Pavilion) නැගී එන ව්යාපාර සහ ව්යවසායකයන්ට තම නව නිශ්පාදන, විසඳුම් සහ තාක්ෂණයන් ක්ෂේත්ර ප්රවීණයන්ට, ආයෝජකයන්ට, ගැනුම්කරුවන්ට සහ අනාගත ව්යාපාරික හවුල්කරුවන්ට ප්රදර්ශනය කිරීමට අවස්ථාව උදාකරන වේදිකාවකි. කර්මාන්ත හා ව්යවසායකත්ව සංවර්ධන අමාත්යාංශය විසින් ආරම්භ කරන ලද සහ එහි සහයෝගය ඇතිව සම-සංවිධානය කරන ලද මෙම මණ්ඩපය, කුඩා හා මධ්ය පරිමාණ ව්යවසායකයින්ට වැඩි වෙළඳපල ප්රවේශයක් සහ ප්රදර්ශන අවකාශයක් ලබා දීමෙන් ඔවුන් සවිබල ගැන්වීම අරමුණු කරයි. සුදුසුකම්ලත් කුඩා හා මධ්ය පරිමාණ ව්යවසායකයින්ට ප්රදර්ශන කුටි ගාස්තුවෙන් අර්ධයක් ගෙවා සහභාගී විය හැකි අතර ඔවුන්ට තම ව්යාපාරය කෙරෙහි උනන්දුවක් දක්වන පාර්ෂවයන් සමඟ සම්බන්ධ වීමටත් තිරසාර වර්ධනයට සහ ව්යාපාරය පුළුල් කරගැනීමටත් අවස්ථාව උදා වෙයි.
සහභාගී වන්නන් හට Knowledge Hub වෙත ප්රවේශය හිමිවන අතර, එහි තාක්ෂණය හා ක්ෂේත්රයේ වර්තමාන සංවර්ධනයන්, නවෝත්පාදන මෙන්ම උසස් ක්රමවේද පිළිබඳව ප්රවීණයන් විසින් මෙහෙයවන සැසි පැවැත්වේ. එම සැසි වලට අමතරව කර්මාන්ත සහය සේවා කලාපයේ (Industry Support Services zone) ගුණත්ව සහතිකකරණය, නිශ්පාදිත පරීක්ෂණ, ආහාර සුරක්ෂිතභාවය පිළිබඳ සහතිකකරණය සහ අනුකූලතා නියාමනය සම්බන්ධ රසායනාගාර සහ සහතික කිරීමේ සංවිධාන ඇතුළත් වෙයි.
මෙම වසරේ වැඩසටහන මගින් සහභාගී වන්නන්ට උසස් අත්දැකීමක් ගෙන ඒම සඳහා ආකර්ෂණීය
අංග කිහිපයක් හඳුන්වාදී ඇත. හෝම් කුකින් චැලේන්ජ් (Home Cooking Challenge) මගින් අනුග්රාහක නිශ්පාදන යොදාගෙන නිර්මාණශීලී ආහාර වර්ග පිළියෙල කිරීමට ගෘහස්ථ සූපවේදීන්ට ඇරයුම් කරන අතර එමගින් සූපවේදී කුසළතා ඇගයීමටත් සහභාගී වන සන්නාමයන්හි බහු භාවිතයන් ප්රදර්ශනය කිරීමටත් වේදිකාවක් නිර්මාණය කර දෙයි.
ProFood ProPack & AgBiz 2026 සංවිධායක කමිටුවේ සම සභාපතිවරුන් වන නදීෂාන් ගුරුගේ මහතා සහ සමීර ජයතිලක මහතා තම අදහස් බෙදාගනිමින් කියා සිටියේ, “සමස්ත ආහාර සැකසුම්, ඇසුරුම් සහ කෘෂිකාර්මික පරිසර පද්ධතිය එක් කරමින් නවෝත්පාදන සඳහා අවස්ථා නිර්මාණය කිරීම, සාමූහිකත්වය ඇතිකිරීම සහ ව්යාපාර සංවර්ධනය සිදුකරන වේදිකාවක් ලෙස ProFood ProPack & AgBiz වර්ධනය වී තිබෙනවා. ජාත්යන්තර සහභාගීත්වය පුළුල් කිරීම, නවීන තාක්ෂණයන් හඳුන්වා දීම සහ නවක ව්යාපාර (Startups) සඳහා වේදිකාවක් සැපයීම, කුඩා හා මධ්ය පරිමාණ ව්යවසායකයන් සහ ක්ෂේත්රයේ ප්රවීණයන් විභව හවුල්කරුවන් සහ පාරිභෝගිකයන් වෙත සම්බන්ධ කිරීම මගින් මෙම වසරේ වැඩසටහන මගින් වඩාත් උසස් අත්දැකීමක් හිමිකර දෙනවා. මෙම ප්රදර්ශනය ශ්රී ලංකාවේ ආහාර සහ කෘෂිකාර්මික ක්ෂේත්රයේ වර්ධනයට සහ තරඟකාරිත්වයට සහය වන වැදගත් භූමිකාවට අඛණ්ඩව සහයෝගය දක්වනු ඇති බවත්, දැනුම හුවමාරු කරගැනීමට සහ ආයෝජනයන් සඳහා නව අවස්ථා උදා කර දෙනු ඇති බවත් අප විශ්වාස කරනවා” යනුවෙන්ය.
ProFood ProPack & AgBiz 2026 හි සාර්ථකත්වය සඳහා ශක්තියක් වෙමින් ක්ෂේත්රයේ ප්රමුඛ පෙළ හවුල්කරුවන් සහයෝගය ලබා දෙයි. ප්ලැටිනම් අනුග්රාහකයින් ලෙස Cargills Ceylon PLC, Multivac Laraon India (Pvt) Ltd, Maliban Biscuit Manufactories (Pvt) Ltd, Nikini Automation Systems සහ Pakona Engineers India (Pvt) Ltd. අනුග්රාහකත්වය එක් කරයි. රන් (Gold) අනුග්රාහකයින් ලෙස Aussee Oats Milling (Pvt) Ltd, Freelan Enterprises (Pvt) Ltd and Nestlé Lanka Ltd එක් වී ඇති අතර Akhtari Traders (Pvt) Ltd, Alli Company (Pvt) Ltd, Country Style Foods (Pvt) Ltd, CMC Engineering Export GmbH, Norfolk Foods (Pvt) Ltd, FMJ Holdings, FPT Food Process Technology Co. Ltd, Hayleys Agriculture Holdings Limited, Goma Process Technologies (Pvt) Ltd, Lablink (Pvt) Ltd, Pro Tec Global (Pvt) Ltd, Maliban Dairy & Agri Products (Pvt) Ltd, Maliban Milk Products (Pvt) Ltd, Nelna Agri Development (Pvt) Ltd, Rancrisp Marketing (Pvt) Ltd and Zellers – Maliban Biscuit Manufactories (Pvt) Ltd. රිදී (Silver) අනුග්රාහකත්වය දරයි.
ProFood ProPack & AgBiz 2026 හරහා පුළුල් ජාත්යන්තර සහභාගීත්වය, පුළුල් ප්රදර්ශන ඉසවු සහ දැනුම පාදක කරගත් වැඩසටහන් සමඟ ආහාර සැකසුම්, ඇසුරුම් සහ කෘෂි නවෝත්පාදන සඳහා වර්ධනය වන මධ්යස්ථානයක් ලෙස ශ්රී ලංකාව බලගැන්වීම මෙන්ම ක්ෂේත්රයේ තිරසාර සංවර්ධනය, ආයෝජනය සහ සාමූහිකත්වය සඳහා නව අවස්ථා උදාකරයි.
