ශ්රී ලංකාවේ ව්යාපාරික කටයුතු සහ පාරිභෝගික සේවා ක්ෂේත්රය නව මානයකට ගෙන යමින්, පරිසර හිතකාමී තිරසර සංකල්පය මුල් කරගත් සිය ප්රථම ‘Signature’ වෙළෙඳ ශාඛා ජාලය ආරම්භ කිරීමට HUTCH සමාගම පියවර ගෙන ඇත. මෙරට තුළ වෙළෙඳ පරිශ්රයක් සැලසුම් කිරීමේදී හුදෙක් නාමිකව නොව, පරිසරයට සහ සමාජයට සැබෑ යහපත් බලපෑමක් ඇති වන අයුරින් තිරසාරත්වය සම්පූර්ණයෙන්ම ඒකාබද්ධ කළ ප්රථම අවස්ථාව මෙය ලෙස ඉතිහාසයට එක්වේ.
මෙම සුවිශේෂී වැඩපිළිවෙල යටතේ HUTCH සමාගම සිය ප්රථම ශාඛා දෙක පසුගියදා විවෘත කරන ලදී. ඒ අනුව, මෙරට ප්රධානතම ව්යාපාරික කේන්ද්රස්ථානය වන කොළඹ කොටුවේදී Signature+ ශාඛාවක් විවෘත වූ අතර තවත් Signature ශාඛාවක් මීගමුව නගරයේ විවෘත විය. ඉදිරියේදී මෙවැනි ශාඛා රැසක් දිවයින පුරා පිහිටුවීමට සැලසුම් කර තිබෙනවා.
HUTCH සමාගමේ මව් සමාගම වන, ලොව ප්රමුඛතම ‘Fortune 500’ ලැයිස්තුවේ රැඳී සිටින CK Hutchison Holdings හි ගෝලීය තිරසාර ප්රතිපත්තිය සහ එක්සත් ජාතීන්ගේ තිරසාර සංවර්ධන අරමුණු (UN-SDGs) වලට අනුකූලව මෙම ව්යාපෘතිය ක්රියාත්මක වේ. මෙම නව වෙළෙඳ කුටි නිෂ්පාදනය කිරීමේදී තිරසාර අමුද්රව්ය භාවිතා කර ඇති අතර, ඒවා ක්රියාත්මක වන්නේ සූර්ය සහ සුළං වැනි පුනර්ජනනීය බලශක්තියෙනි. එමෙන්ම, භාවිතයෙන් ඉවත් කළ සන්නිවේදන උපකරණ විධිමත් ලෙස බැහැර කිරීම සඳහා මෙම පරිශ්රයන්හි විද්යුත් අපද්රව්ය (e-waste) එකතු කිරීමේ මධ්යස්ථානද පිහිටුවා ඇත. මෙය පාරිභෝගික සේවා මධ්යස්ථානයකට එහා ගිය, තිරසාරත්වය පිළිබඳව මහජනයාට ප්රායෝගික අත්දැකීම් ලබාගත හැකි අධ්යාපනික මධ්යස්ථානයක් ලෙස ද ක්රියා කරයි.
මෙම දියත් කිරීම පිළිබඳව අදහස් දක්වමින් HUTCH සමාගමෙහි ප්රධාන විධායක නිලධාරී සෞමිත්ර ගුප්තා මහතා මෙසේ පැවසීය: “CK Hutchison සමූහයේ තිරසාර ගමන්මගට සමගාමීව, නවෝත්පාදනය සහ සමාජ වගකීම එකට එකතු කරමින් අපගේ වෙළෙඳ යටිතල පහසුකම් අපි නැවත නිර්මාණය කරනවා. අපට තිරසාරත්වය යනු ශ්රී ලංකාවේ අනාගත පරපුර වෙනුවෙන් කරන ආයෝජනයක්. වගකිවයුතු විදුලි සංදේශ ක්රියාකරුවෙකු ලෙස පාරිභෝගිකයින්ට සුවිශේෂී අත්දැකීමක් ලබා දෙන අතරම, සේවාවන් සැපයීමේදී නව ප්රමිතියක් ඇති කිරීමට මෙමගින් අප බලාපොරොත්තු වෙනවා.”
HUTCH Sri Lanka පිළිබඳව
ශ්රී ලංකාවේ දුරකථන සන්නිවේදන ක්ෂේත්රයේ ප්රමුඛයෙකු වන HUTCH Sri Lanka සමාගම, CK Hutchison Holdings (CKHH) හි අනුබද්ධ සමාගමකි. හොංකොං පදනම් කරගත් Fortune 500 සමාගමක් වන, රටවල් 50 කට අධික සංඛ්යාවක ව්යාප්ත වී ඇති CK Hutchison Holdings සමාගම ප්රධාන ක්ෂේත්ර 6 තුළ ක්රියාත්මක වන අතර එය 2023 වසරේදී ඇමරිකානු ඩොලර් බිලියන 60 කට ආසන්න ආදායමක් වාර්තා කිරීමට සමත් විය.
1997 වසරේදී මෙරට තුළ ව්යාපාර කටයුතු ආරම්භ කළ HUTCH විසින් 2004 වසරේදී GSM සේවාවන් දියත් කරන ලද අතර, ඉන් අනතුරුව 2011 වසරේදී 3G සේවාවන්ද, 2018 වසරේදී 4G සේවාවන්ද හඳුන්වා දෙන ලදි. 2019 වසරේදී Etisalat Sri Lanka සමාගම අත්පත් කරගැනීමත් සමග HUTCH හි වෙළඳපොළ ආවරණය තවදුරටත් ශක්තිමත් වූ අතර, ඒ හේතුවෙන් පාරිභෝගිකයන්ට 078 මෙන්ම 072 අංක යටතේ ජංගම දුරකථන සේවාවන් පිරිනැමීමට සමාගමට හැකියාව ලැබිණි. මේ වන විට HUTCH 4G ජාලය මගින් ශ්රී ලාංකික ජනගහනයෙන් 95% ක්ම ආවරණය වන අතර, ඉදිරියේදී රටේ ඩිජිටල් සැලසුම්වලට අත්වැලක් වෙමින් 5G සේවාවන්ද හඳුන්වා දීමට සමාගම සැලසුම් කර ඇත.
රටේ දුරබැහැර ප්රදේශවල ජනතාවට පවා සන්නිවේදනය, ව්යාපාර කාර්යක්ෂමතාව සහ විනෝදාස්වාදය සඳහා අවශ්ය දුරකථන සන්නිවේදන පහසුකම් සපයන HUTCH, සහනදායී හා විශ්වාසනීය සම්බන්ධතා පහසුකම් ඔස්සේ මෙරට දුරකථන සන්නිවේදනය ක්ෂේත්රයේ දියුණුව වෙනුවෙන් කැපීපෙනෙන මෙහෙවරක් ඉටුකරමින් සිටී.
