Asian Paints Causeway සමාගම, ඉතාලියේ Renner Italy ආයතනය සමඟ එක්ව පසුගියදා ශ්රී ලංකාවේ දැව ආලේපන ක්ෂේත්රයේ ප්රමිතීන් ඉහළට ඔසවා තබමින්, ලොව දියුණුතම සහ අනර්ඝතම ජලය පදනම් කරගත් (water-based) දැව ආලේපන විසඳුම් පෙළක් මෙරටට හඳුන්වා දීමට කටයුතු කළේය. මෙම නව නිෂ්පාදනයන් දියත් කිරීමේ අවස්ථාව සඳහා මෙරට ප්රමුඛතම අලෙවි නියෝජිතයින් සහ ක්ෂේත්රයේ ප්රවීණයන් රැසක් සහභාගී වූ අතර දැනුම බෙදාහදා ගැනීම, නිෂ්පාදන ආදර්ශන සහ ඉහළ ආගන්තුක සත්කාරයෙන් සපිරුණු මෙම සුවිශේෂී උත්සවය කොළඹ නෙළුම් කුළුණ පරිශ්රයේදී පැවැත්විණි.
නවීන දැව නිමාවන් සඳහා සුවිශේෂී වර්ණ ස්ථාවරත්වයක්, කල් පැවැත්මක් සහ පරිසර හිතකාමී බවක් එක් කරන මෙම නව නිෂ්පාදන පෙළ, ගෘහස්ථ මෙන්ම එළිමහන් දැවමය නිර්මාණ සඳහා ද වඩාත් සුදුසු වේ. විශේෂයෙන්ම, ඉතාලියේ Renner සමාගම සමඟ ඇති කරගත් මෙම හවුල්කාරිත්වය හරහා ශ්රී ලංකාවට ගෝලීය තාක්ෂණය සහ ජාත්යන්තර ප්රමිතීන් හඳුන්වා දීමට Asian Paints Causeway සමාගමට හැකි වී තිබේ.
මෙම අවස්ථාව පිළිබඳව අදහස් දක්වමින් Asian Paints Causeway සමාගමේ නියෝජිතයෙකු මෙසේ පැවසීය “ඉතාලියේ Renner සමාගම සමඟ එක්ව මෙවැනි සුවිශේෂී නිෂ්පාදන පෙළක් ශ්රී ලාංකේය වෙළඳපොළට හඳුන්වා දීමට හැකි වීම පිළිබඳව අපි ඉතාමත් ආඩම්බර වෙනවා. Asian Paints Causeway සමාගම සැමවිටම උත්සාහ කරන්නේ අපගේ පාරිභෝගිකයින්ට සහ ආලේපන ශිල්පීන්ට ලොව දියුණුතම තාක්ෂණය සහ තිරසාර විසඳුම් ලබා දීමටයි. මෙම සහයෝගීතාවය හරහා ශ්රී ලංකාවේ දැව ආලේපන ක්ෂේත්රය නව මාවතකට යොමු වනු ඇති බව අපගේ විශ්වාසයයි.”
ඉතාලියේ Renner සමාගම වෙනුවෙන් අදහස් දැක්වූ මාර්කෝ මහතා මෙසේ ප්රකාශ කළේය:
“ලෝක මට්ටමේ ඉතාලි නවෝත්පාදනයන් ශ්රී ලංකාවට හඳුන්වා දීමට ලැබීම පිළිබඳව අපි ඉතාමත් සතුටු වෙනවා. අපගේ ජලය පදනම් කරගත් (water-based) නිෂ්පාදන සඳහා ශ්රී ලංකාව තුළ විශාල ඉඩකඩක් සහ ඉල්ලුමක් පවතින බව අලෙවි නියෝජිතයින්ගෙන් ලැබුණු ප්රතිචාර වලින් පැහැදිලි වුණා.”
අලංකාර නිමාවට අමතරව, මෙම නව නිෂ්පාදන පෙළ පරිසර හිතකාමී වීම, හානිකර වායු විමෝචනය අවම වීම සහ ඉක්මනින් වියළීමේ හැකියාව වැනි සුවිශේෂී ගුණාංග රැසකින් සමන්විත වේ. දැව ආලේපන ක්ෂේත්රයේ නව යුගයක් සනිටුහන් කරමින් හඳුන්වා දුන් මෙම විසඳුම් පෙළ දැන් දිවයින පුරා පිහිටි Asian Paints Causeway අලෙවි නියෝජිතයින් හරහා ලබා ගත හැකිය.
