තම පාරිභෝගිකයන්ට උද්යෝගීමත් අත්දැකීමක් හිමිකර දෙමින් කොටගල කහට “රස වාසනා 2025” ප්රවර්ධන වැඩසටහන සාර්ථකව අවසන් වූ අතර එම වැඩසටහනේ ත්යාග ප්රදානෝත්සවය අතිඋත්කර්ෂවත් අන්දමින් පසුගියදා කොළඹ ග්රෑන්ඩ් ඔරියන්ටල් හෝටල් පරිශ්රයේදී පැවැත්විණි. එහිදී වාසනාවන්ත ජයග්රාහකයින් පස් දෙනෙකුට නවීන TVS ස්කූටි පෙප් යතුරු පැදි පිරිනැමිණි. නිරන්තරයෙන් සන්නාමය සමඟ රැඳී සිටින තම තේ රසවතුන් ඇගයීම සහ ඔවුන් සමඟ ඇති සබැඳියාව තවත් ශක්තිමත් කරන සන්ධිස්ථානයක් ලෙස මෙම වැඩසටහන හැඳින්විය හැකිය.
“කොටගල කහට රස වාසනා 2025” ප්රවර්ධන වැඩසටහන පසුගිය ඔක්තෝම්බර් 5 වනදා දක්වා පැවැත්වුණි. ඕනෑම ප්රමාණයක කොටගල කහට හිස් දවටනයක් තම නම, ලිපිනය සහ දුරකථන අංකය ඇතුළත් කර තැපැල් පෙට්ටිය 161, කොළඹ යන ලිපිනයට එවීමෙන් හෝ දිවයින පුරා සංචාරය කළ කොටගල කහට ප්රවර්ධන රථ වලට ගෙනැවිත් බාර දීමෙන් පාරිභෝගිකයන්ට මෙම වැඩසටහනට සම්බන්ධ වීමට අවස්ථාව සලසාදී තිබුණි. මෙම ප්රවර්ධන රථ දිවයිනේ දිස්ත්රික්ක 20ක නගර 120ක් ආවරණය කරමින් ගමන් කළ අතර එමඟින් පාරිභෝගිකයින් වඩාත් උද්යෝගයෙන් වැඩසටහන හා සම්බන්ධ විය.
වසර ගණනාවක් පුරා කොටගල කහට සන්නාමය පිළිබඳව විශ්වාසය තැබූ පාරිභෝගිකයන් වෙත ගෞරවාදරය පිරිනැමීම වෙනුවෙන් “රස වාසනා” ප්රවර්ධන වැඩසටහන නිර්මාණය කර ඇත. ප්රවර්ධන වැඩසටහනේ සාර්ථකත්වය පිළිබඳව අදහස් දක්වමින් සී. ඩබ්ලිව්. මැකී පී.එල්.සී සමාගමේ ප්රධාන අලෙවිකරණ නිලධාරී නිෂා කරුණාරත්න පැවසුවේ “කොටගල කහට ‘රස වාසනා 2025’ ප්රවර්ධන වැඩසටහනට ලැබුණු ඉහළ ප්රතිචාරවලින්, පාරිභෝගිකයන් සන්නාමය කෙරෙහි තබා ඇති විශ්වාසය සහ ලැදියාව මනාව පිළිබිඹු වෙනවා. ජහග්රාහකයින් පස් දෙනෙකුට TVS ස්කූටි පෙප් යතුරු පැදි ලබා දීමට හැකි වීම පිළිබඳව අපි සතුටට පත් වෙනවා. ඒ වගේම වැඩසටහන සමඟ සම්බන්ධ වූ සියලුම පාරිභෝගිකයන්ට අපි ඉතාමත් ස්තූතිවන්ත වෙනවා” යනුවෙන් ය.
2012 වර්ෂයේදී ඇරැඹි ‘කොටගල කහට’ කෙටි කාලයක් තුළ මෙරට වෙළෙඳපොළේ ඉහළ අලෙවියක් සහිත තේ සන්නාමයක් බවට පත් වූ අතර දේශීය තේ රසය, ගුණය සහ සුවඳ මනාව කැටිවූ අපූරු පානයක් ලෙස එය පාරිභෝගික ජනතාව අතර විශ්වාසය තහවුරු කරගන්නට සමත්ව තිබේ. ඉහළම තත්වයේ සිලෝන් තේ යොදාගනිමින් උසස් ගුණාත්මකභාවය පිළිබඳ කීර්තියක් අත්කරගෙන සිටින සන්නාමය දිවයින පුරා තේ රසකාමීන්ගේ ජනප්රියම තේරීම බවට පත්ව තිබේ. “රස වාසනා” වැනි වැඩසටහන් ඔස්සේ පාරිභෝගික සබඳතා තව තවත් ශක්තිමත් කරගනිමින් ඉදිරියට යාමට ‘කොටගල කහට’ කටයුතු කරමින් සිටියි.
වසර 120ක සාඩම්බර ඉතිහාසයක් සමරන සී. ඩබ්ලිව්. මැකී පී.එල්.සී සමාගම කොළඹ කොටස් වෙළෙඳපොලේ ලැයිස්තුගත සමාගමක් වන අතර තම කොටස්කරුවන්ගේ ජීවන තත්වය උසස් කිරීම අරමුණු කරගනිමින් පුළුල් පරාසයක පාරිභෝගික භාණ්ඩ නිෂ්පාදනය, අපනයනය සහ ආනයනය කිරීමේ විශේෂඥයන් ලෙස කීර්තියක් දිනා සිටියි. විවිධාංගීකරණය වූ මෙම සමූහයේ FMCG අංශය වන ස්කෑන් නිෂ්පාදන අංශය සාම්ප්රදායික වෙළෙඳාම, නවීන වෙළෙඳාම, ආගන්තුක සත්කාරක සේවා හෙවත් HORECA (හෝටල්, අවන්හල් සහ ආහාර සැපයුම්) ක්ෂේත්රය සහ ආයතනික බෙදාහැරීම හරහා විවිධ පාරිභෝගික වෙළෙඳපොළවල් වෙත ළඟාවීමට විශේෂ අලෙවිකරණ සහ බෙදාහැරීමේ උපායමාර්ගයන් භාවිතා කරයි. ලංකාවේ ප්රමුඛතම සන්නාමයන් ලෙස ඒ ඒ නිෂ්පාදන සඳහා වන වෙළෙඳපොළ ප්රමුඛත්වයට පත්ව සිටින සන්ක්වික්, ස්කෑන් ජම්බෝ පීනට්, ස්කෑන් ස්නැක්ස්, කොටගල කහට, මුතූ කහට, Delish Jelly, ස්කෑන් බෝතල් කළ පානීය ජලය, එළවළු හා පළතුරු ආශ්රිත නිෂ්පාදන සන්නාමය වන KVC, N-Joy පොල්තෙල්, Star Brand එසන්ස් සහ කලරින් නිෂ්පාදන පෙළ යන පාරිභෝගික විශ්වාසය දිනූ සන්නාම හිමිකාරීත්වය සී. ඩබ්ලිව්. මැකී පී.එල්.සී සමාගමේ කීර්තිය ඔප්නැංවීමට සමත්ව තිබේ. පාරිභෝගිකයන්ට ඉතා සමීප මෙම ශක්තිමත් සන්නාම කළඹ සහ පුළුල් බෙදාහැරීමේ ජාලය හරහා ගුණාත්මක නිෂ්පාදන ගෙන ඒමට ඔවුන් සැලකිය යුතු කාර්යභාරයක් ඉටු කරයි.
