ස්පෝර්ටිං ස්ටාර් හි ඩිජිටල් වේදිකාව වන BETSS.COM විසින් Governor’s Cup සහ Queen’s Cup සඳහා වසර තුනක ප්රධාන අනුග්රාහකත්වය ලබා දීමත් සමගින්, ශ්රී ලංකාවේ තුරඟ තරග ක්ෂේත්රයට පෙරළිකාර යුගයක් උදා කර තිබේ.
BETSS.COM මෙහෙයවන Sports Entertainment Services (Pvt) Ltd හි මෙම දිගුකාලීන හවුල්කාරීත්වය හරහා ශ්රී ලංකාවේ වඩාත් ප්රසිද්ධ තරග ඉසව් ද්විත්වයක වටිනාකම ඉහළ නැංවීමේ අර්ථවත් පියවරක් නියෝජනය කරයි. Patron of Elite Sri Lankan Sports & Heritage වශයෙන් ස්ථානගත කර ඇති BETSS.COM, ශ්රී ලංකාවේ සංස්කෘතික වැදගත්කමක් සහිත සංකේතාත්මක ක්රීඩා ඉසව් සඳහා අඛණ්ඩ සහයෝගයක් ලබා දෙයි.
Governor’s Cup සහ Queen’s Cup, නුවරඑළිය තුරඟ තරග පිටියේ පැවැත්වෙන ගෞරවනීයම තරග ඉසව්වක් වන අතර, එය අප්රේල් නිවාඩු සමයේ ක්රීඩාශීලීත්වය, විලාසිතාවන් සහ දෙස් විදෙස් සංචාරක ව්යාපාරයන් එකට මුණගැසෙන අපූර්වතම අවස්ථාවක් වේ. 1840 දශකයේ දී ශ්රී ලංකාවට ප්රථම වරට තුරඟ තරග හඳුන්වා දෙනු ලැබුවේ, නුවරඑළිය කඳුකරයේ ආනයනික ඉංග්රීසි තොරොබ්රෙඩ් අශ්වයන් සඳහා පුහුණු පාඨමාලාවක් ආරම්භ කළ සුප්රසිද්ධ ගවේෂක සැමුවෙල් බේකර්ගේ සහෝදරයා වන ජෝන් බේකර් මහතා විසිනි. නුවරඑළිය තුරඟ තරඟ පිටියේ සමාරම්භක තරඟය 1875 වසරේදී නුවරඑළිය ජිම්කානා සමාජය විසින් සංවිධානය කරනු ලැබීය. ඉන් අනතුරුව 1910 වසරේ එවකට ලංකාවේ සිටි ආණ්ඩුකාර ශ්රීමත් හෙන්රි එඩ්වඩ් මැකලම් විසින් Governor’s Cup සහ Queen’s Cup ආරම්භ කරන ලදී. එලෙස ආරම්භ කළ තුරඟ තරග ඉසව්ව, මෙවර 153 වැනි වසරට පා තබමින් ශ්රී ලංකාවේ උරුමය සංකේතවත් කරන විචිත්රවත් තරගාවලියක් ලෙස පැවැත් වේ.
මේ වසරේ තුරඟ තරගය ප්රමුඛපෙළේ හිමිකරුවන්, පුහුණුකරුවන් සහ අශ්වාරෝහකයින් (jockeys) සහිත උසස් තත්ත්වයේ thoroughbred ධාවන තරඟ රැසකින් සමන්විත විය. BETSS.COM සමඟ ක්රියාත්මක කළ ඩිජිටල් ඒකාබද්ධතාවය හේතුවෙන් මෙවර තුරඟ තරග ඉසව් කෙරෙහි වැඩි අවධානයක් යොමු වීම විශේෂයෙන් කැපී පෙනුනේ ය. BETSS.COM හරහා තත්ය කාලීන යාවත්කාලීන කිරීම් (Real-time updates) සහ සියලු අන්තර්ගතයන් තරග දිනයට පෙර, අතරතුර සහ පසුව බෙදාහැරීම තුළින් වැඩි ප්රේක්ෂක සහභාගීත්වයක් දක්නට ලැබුණි. එමෙන්ම Papare.com විසින් සජීවී නිෂ්පාදනය, Dialog TV හි විකාශනය සහ YouTube සහ නිල ඩිජිටල් වේදිකාව හරහා මෙම තරග විකාශය කිරීම හරහා නුවරඑළියේ තුරඟ ධාවන තරගයන්හි උද්යෝගය, කඳුකරයෙන් ඔබ්බට ද විහිදී පැතිරිණි.
රාජකීය තුරඟ තරග සමායේ (Royal Turf Club) කළමනාකාරීත්වය යටතේ පැවැති මෙම උත්සවය, සම්ප්රදායික, සමකාලීන හා ආකර්ෂණීය අත්දැකීම් සමඟ මිශ්ර වූ අවස්ථාවක් ලෙස වර්ණවත් විය. 
මෙම හවුල්කාරීත්වය පිළිබඳව අදහස් දක්වමින්, සුමති හෝල්ඩින්ග්ස් හි සභාපති සහ කළමනාකාර අධ්යක්ෂ ජගත් සුමතිපාල මහතා මෙසේ පැවසීය. ‘‘Governor’s Cup සහ Queen’s Cup යනු දීර්ඝ කාලයක් පුරාවට ශ්රී ලංකාවේ ධාවන ඉසව් හා සංස්කෘතිකමය වටපිටාව තුළ සුවිශේෂී ස්ථානයක් හිමි කරගත් ඉසව්වක්. මෙම හවුල්කාරීත්වය අනුග්රාහකත්වයකින් ඔබ්බට ගොස් අපගේ උරුමය හා බැඳුණු ක්රීඩාවක් ලෙස නඟා සිටුවීම අරමුණු කරගන්නවා. BETSS.COM හරහා මෙම සුවිශේෂී තුරඟ ධාවන තරගයන් නැරඹීමේ හැකියාව පිටියෙන් ඔබ්බට ව්යාප්ත කරමින් එහි ඓතිහාසික උරුමය රැකගනිමින් කටයුතු කිරීමට හැකිවී තිබෙනවා. ශ්රී ලංකාවේ තුරඟ තරග ක්ෂේත්රයේ අනන්යතාවය සුරක්ෂිත කරමින් නවීන ප්රමිතීන්ට අනුකූලව පරිණාමය කිරීමට උපකාරී වීම අපගේ අරමුණයි’’
BETSS.COM හි දායකත්වය මත ශ්රී ලංකාවේ ප්රමුඛපෙළේ ධාවන තරගයන් අත්විඳින ආකාරයෙහි සැලකිය යුතු වෙනසක් සනිටුහන් වී තිබේ. සාම්ප්රදායිකව එක් ස්ථානයකට සීමා වූ අවස්ථාවන්ගෙන් වෙනස් වූ, ඩිජිටල්මය වශයෙන් සම්බන්ධිත ක්රීඩා ඉසව් බවට පරිවර්තනය කිරීම උදෙසා BETSS.COM වැදගත් කාර්යභාර්යයක් ඉටු කරයි. මෙම හවුල්කාරීත්වය තුළින් Patron of Elite Sri Lankan Sports & Heritage වශයෙන් BETSS.COM හි භූමිකාව තවදුරටත් ශක්තිමත් කරන අතරම, මෙවැනි සංකේතාත්මක තරගවල අත්දැකීම් අනාගත පරම්පරාවන් වෙත සමීප කරවීම සඳහා කැප වී කටයුතු කරනු ලබයි.
