බැංකොක්හි වඩාත් ප්රසිද්ධ Soho Hospitality හට අයත් Charcoal Tandoor Fire Grill භෝජන අත්දැකීම පසුගියදා කොළඹ දී විවෘත වූයේ නවතම අත්දැකීමක් ශ්රී ලාංකිකයින් වෙත හිමිකර දෙමිනි. කොළඹ යුනියන් පෙදෙසේ හි Capitol Twin Peaks හි 50 වන මහලේදී ආරම්භ වූ මෙම සුවිශේෂී භෝජන අත්දැකීමෙහි අරමුණ වන්නේ උසස් තත්වයේ ආහාර අත්දැකීමක් ශ්රී ලාංකිකයින් වෙත ලබා දීමයි.
භාතිය ජයකොඩි, සන්තුෂ් වීරමන් සහ මෙවන් ගුණතිලක යන මහත්වරුන්ගේ සම සබඳතාව සහිත ව්යාපාරයක් ලෙස පසුගිය 23 වන දින විවෘත කරනු ලැබූ මෙම භෝජන අත්දැකීම් අඩි 600කට වඩා ඉහළ සිට කොළඹ නගරයේ සුන්දරත්වය දැක්බලා ගනිමින් අත්විඳීමේ අවස්ථාවද මේ සමඟ ශ්රී ලාංකිකයින්ට හිමි වේ.
හුදෙක් ආහාරමය අත්දැකීමක් පමණක් නොව විනෝදාස්වාදය කැටිකරගත් අපූරු අත්දැකීමක් වන Charcoal Tandoor Fire Grill අලංකාර අභ්යන්තර සැලසුම්, ආලෝකකරණය, සංගීතය සහ open tandoor kitchen සමඟින් ආහාර රසයට අමතරව සුන්දරත්වය විඳගැනීමේ අවස්ථාවද උදා කර දී තිබීම විශේෂත්වයකි.
Charcoal Tandoor Fire Grill විවෘත කළ සමාරම්භක රාත්රිය කොළඹ ව්යාපාරික ප්රජාව, සංගීත ක්ෂේත්රයේ ප්රවීනයින්, කලාකරුවන් ඇතුලු විශාල පිරිසකගේ සහභාගීත්වයෙන් ඉතා උත්කර්ෂවත් අන්දමින් පැවැත්විණ. එහිදී විශේෂයෙන් Charcoal Tandoor Fire Grill භෝජන අත්දැකීමට අනන්ය වූ අංග රැසක් දැකබලා ගනිමින්, ඉමිහිරි සංගීතය සමඟින් කොළඹ නගරයේ සුන්දරත්වය මනාව අත්විඳීමට ඔවුන්ට හැකි විය.
2014 වසරේ බැංකොක්හිදී ආරම්භ කරන ලද Charcoal සුවිශේෂී ඉන්දියානු ආහාර සඳහා ප්රසිද්ධියක් උසුලන අතර පාරිභෝගික අවශ්යතාව මත ඕනෑම සංස්කෘතිය සූප ශාස්ත්ර උරුමයන්ගෙන් ඔවුන් රස ගැන්වීමට සමත්ව සිටියි. Spice Route හි දැක්ම පදනම් කරනිමින් පසුගිය දශකයක කාලය තුල සිය පාරිභෝගිකයින්ගේ නොමඳ විශ්වාසය දිනාගෙන ඇති Charcoal අද වන විට බැංකොක්හි අසමසම අවන්හලක් බවට පත්ව ඇත්තේ ඉන්දියාවේ තන්දුරි සහ මුග්ලායි ආහාර සම්ප්රදායන් ජාත්යන්තරයට ගෙන යමිනි. Live fire techniques සහ slow cooking වැනි නවතම ආහාර පිසීමේ ක්රමයන්ගෙන් සුසැදි ආහාර කලාවක් සහිත මෙය සාම්ප්රයික ආහාර නවීනත්වය සමඟින් රසවිඳීමට අවකාශ උදා කර දෙයි.
මේ සම්බන්ධයෙන් අදහස් දක්වමින් Soho Hospitality හි ප්රධාන විධායක නිලධාරී සහ නිර්මාතෘ Rohit Sachdev මහතා සඳහන් කර සිටියේ “කොළඹ නගරයට ආවේණික අලංකාර වටපිටාවක අපගේ සුවිශේෂී අනන්යාතාව වන හඳුන්වා දීමට ලැබීම පිළිබඳව ඉතාමත් සතුටුයි.” යනුවෙනි.
එහි සම අයිතිකරුවන් වන භාතිය ජයකොඩි සහ සන්තුෂ් වීරමන් මෙහිදී අදහස් දක්වමින් සඳහන් කර සිටියේ පැහැදිලි අරමුණක් හා නිවැරදි දැක්මක් සමඟින් මෙම සහයෝගීතාව ආරම්භ කළ බවයි. “මේ කොළඹ නගරය තුළ මෙතෙක් අත් නොවිඳි සුඛෝපභෝගී භෝජන අත්දැකීමක් ආරම්භ කිරීම සුදුසුම මොහොත බව අපගේ විශ්වාසයයි” යනුවෙන්ද ඔවුන් පවසා සිටින ලදී.
එහි සම අයිතිකරුවකු ලෙස කටයුතු කරන මෙවන් ගුණතිලක මහතා මෙහිදී සඳහන් කර සිටියේ “කොළඹ නගරය ප්රමුඛතම සංචාරක ගමනාන්තයක් බවට පත් වන විට වඩා උසස් මෙන්ම සුවිශේෂී භෝජන සංකල්පයන් වැඩි වැඩියෙන් හඳුන්වා දීමට කටයුතු කරමින් තිබෙනවා. එහි සුවිසල් පියවරක් වන කොළඹ ආහාර සංස්කෘතිය අසමසම හා නවීන මාවතකට යොමු කිරීමට හේතුවක් වනවා.” යනුවෙනි.
Charcoal Tandoor Fire Grill දැන් කොළඹ, යුනියන් පෙදෙසේ Capitol Twin Peaks හි 50 වෙනි මහලේදී ඔබගේ රාත්රී භෝජන අත්දැකීම වෙනුවෙන් සූදානමිනි. ඔබේ අවස්ථාව අදම වෙන් කර ගැනීම සඳහා ඔවුන්ගේ වෙබ් අඩවියට පිවිසෙන්න.
