ශ්රී ලංකාවේ අංක එකේ පාවහන් නිෂ්පාදකයා වන DSI ශ්රී ලංකා වොලිබෝල් සම්මේලනය සහ අධ්යාපන අමාත්යංශය, ශ්රී ලංකා පාසල් වොලිබෝල් සංගමය සමඟ අත්වැල් බැඳගනිමින් 24 වැනි DSI SUPERSPORT පාසල් වොලිබෝල් තරඟාවලිය පැවැත්වීම සඳහා සියලු කටයුතු සූදානම් කර ඇති බව අද දින (28-04-2026) කොළඹ 07 ග්රෑන්ඩ් මේට්ලන්ඩ් හෝටලයේදී පැවති මාධ්ය හමුවේදී නිවේදනය කළේය.
ගමේ සහ නගරයේ පාසල් කේන්ද්ර කරගනිමින් වොලිබෝල් ක්රීඩාවේ යෙදී සිටින දක්ෂ දරු දැරියන්ගේ ක්රීඩා කුසලතා ඔප්නංවමින් ජාතික තලයට ඔසවා තැබීමට DSI ප්රධානත්වයෙන් 1999 වර්ෂයේදී ආරම්භ කළ DSI SUPERSPORT පාසල් වොලිබෝල් තරඟාවලිය ශ්රී ලංකා වොලිබෝල් ක්ෂේත්රයේ කැපී පෙනෙන දියුණුවකට මඟ හෙළි කළ සංධිස්ථානයකි. ආරම්භයේදී කණ්ඩායම් 200ක් පමණ තරඟ වැදුණු අතර DSI SUPERSPORT පාසල් වොලිබෝල් තරඟාවලියෙන් එදා සිට අද දක්වා වොලිබෝල් ක්රීඩා ක්ෂේත්රයට දක්ෂ ක්රීඩා තරු 400කට ආසන්න ප්රමාණයක් හඳුන්වා දී තිබේ. මෙම වසරේද මුළු දිවයිනම නියෝජනය වන අයුරින් පාසල් වොලිබෝල් කණ්ඩායම් 3500ක් පමණ සහභාගී වනු ඇතැයි සංවිධායකයින් අපේක්ෂා කරයි.
මෙහිදී අදහස් දැක්වූ ඩී. සැම්සන් ඇන්ඩ් සන්ස් (පුද්ගලික) සමාගමේ කළමනාකාර අධ්යක්ෂ තුසිත රාජපක්ෂ මහතා මෙසේ පැවසීය “ශ්රී ලංකාවේ පාසල් වොලිබෝල් ක්රීඩාවේ උන්නතිය වෙනුවෙන් DSI SUPERSPORT පාසල් වොලිබෝල් ශූරතාවලිය අඛණ්ඩව සුවිශේෂී මෙහෙවරක් ඉටුකරමින් ඉන්නවා. දේශීය ක්රීඩාවන් නංවාලීම වෙනුවෙන් කැපවුණු සන්නාමයක් විදියට, තරුණ ක්රීඩක ක්රීඩිකාවන්ට ඔවුන්ගේ දක්ෂතාවන් ඔප්නැංවීමට අවශ්ය අවස්ථාවන් නිර්මාණය කිරීමට අපි නිරන්තරයෙන් බැඳී ඉන්නවා. තරුණ දක්ෂතා අගය කරනවා විතරක් නෙමෙයි, ක්රීඩාවේ දිගුකාලීන වර්ධනයට මනා පිටුවහලක් වන මේ වගේ වේදිකාවක් සකසා දෙන්න හැකිවීම පිළිබඳව අපි ආඩම්බර වෙනවා.”
ඔහු වැඩිදුරටත් අදහස් දක්වමින් සඳහන් කළේ මෙම වැඩසටහනේ මූලික පදනම වන්නේ දරුවන් කෙරෙහි DSI ආයතනය සතු කැපවීම බව සහ වගකිවයුතු දේශීය සන්නාමයක් ලෙස තරුණ ක්රීඩකයන්ට අවශ්ය මගපෙන්වීම සහ දිරිගැන්වීම ලබා දෙමින් ඔවුන්ගේ උපරිම දක්ෂතාව කරා මෙහෙයවීමට මෙම ශූරතාවලිය මනා පිටුවහලක් වනු ඇති බවයි.
වයස අවුරුදු 11න් පහළ, 13න් පහළ, 15න් පහළ, 17න් පහළ සහ 19න් පහළ යන වයස් කාණ්ඩ යටතේ බාලක සහ බාලිකා වශයෙන් මෙවර DSI SUPERSPORT පාසල් වොලිබෝල් තරඟාවලිය පැවැත්වේ. තරඟ දිස්ත්රීක් සහ ජාතික මට්ටමේ තරඟ ලෙස පැවැත්වෙන අතර, දිස්ත්රීක් තරඟ ජුනි 10 සිට අගෝස්තු 10 දක්වා සති අන්තවලද, ජාතික මට්ටමේ තරඟ ඔක්තෝම්බර් 1 වෙනිදා සිට 5 වෙනිදා දක්වා සහ අතිරේක තරඟ ඔක්තෝම්බර් 15 සිට 19 දක්වාද පැවැත්වේ. අවසන් මහා තරඟ නොවැම්බර් 14 සහ 15 දෙදින පුරා පැවැත්වීමට කටයුතු සූදානම් කර ඇත.
DSI SUPERSPORT වොලිබෝල් තරඟාවලිය සඳහා ඇතුළත් වීමේ අයදුම්පත් දිවයින පුරා සියළුම කලාප ක්රීඩා අධ්යක්ෂක, පළාත් ක්රීඩා අධ්යක්ෂක, ශ්රී ලංකා වොලිබෝල් සංගමයේ නිළ ෆේස්බුක් පිටුවෙන්ද, DSI SUPERSPORT නිළ ෆේස්බුක් පිටුවේ ඇති QR කේතය Scan කිරීම හෝ නිළ AVI වෙබ් පිටුව වන (https://avi.lk/volleyball/) හරහාද මෙම අයදුම් පත්රය බාගත කරගැනීමේ හැකියාව ඇත. වැඩි විස්තර 011-2669344 අංකයෙන්, ශ්රී ලංකා වොලිබෝල් සම්මේලනයේ දිස්ත්රීක් 25 නිළධාරීන් වෙතින්, 0718014414 අංකයෙන් පාසල් වොලිබෝල් සංගමයේ ලේකම් චාල්ස් තිලකරත්න මහතා ඇමතීමෙන් හෝ [email protected] ඊ-මේල් ලිපිනයට, ශ්රී ලංකා වොලිබෝල් සම්මේලනයේ ප්රධාන ලේකම් වින්ග් කමාන්ඩර් H.K අකිල ද අල්විස් මහතා වෙත ඊ-මේල් ලිපියක් යොමු කිරීමෙන් ලබාගත හැක.
DSI SUPERSPORT පාසල් වොලිබෝල් තරඟාවලිය සඳහා සම්පූර්ණ කළ අයදුම්පත් 2026 මැයි 20 දින හෝ ඊට පෙර අදාළ කලාප අධ්යාපන අධ්යක්ෂ (ක්රීඩා) වෙත ඉදිරිපත් කළ යුතුය.
