2026 ලංකා ප්රේමියර් ලීග් (LPL) තරගාවලියේ ඉතිරි තරඟ අතරතුර දඹුල්ල සික්සර්ස් කණ්ඩායමේ ක්රීඩකයින් එල්ල කරන සෑම හයේ පහරක් වෙනුවෙන්ම ඉන්දිරා පිළිකා භාරය (Indira Cancer Trust) වෙත රුපියල් 10,000 ක මුදලක් පරිත්යාග කිරීමට JAT Holdings පීඑල්සී සමාගම ‘Sixes for Hope’ නමින් විශේෂ සමාජ සත්කාරයක් ආරම්භ කර ඇත.
JAT Paints හරහා ක්රියාත්මක වන මෙම වැඩසටහන මගින්, දඹුල්ල සික්සර්ස් කණ්ඩායමේ Official Paint Partner ලෙස කටයුතු කිරීමට අමතරව, ක්රිකට් ක්රීඩාව සමාජයීය යහපත උදෙසා යොදාගැනීමේ ඒකාබද්ධ අරමුණ තවදුරටත් තහවුරු කරයි. මීට පෙර පැවැත්වුණු LPL ‘Pink Match’ තරගයේ සාර්ථකත්වය මත පදනම්ව මෙම පියවර ගෙන ඇත.
එම විශේෂ ‘Pink Match’ තරගය මගින් පියයුරු පිළිකා පිළිබඳ දැනුවත්භාවය ඉහළ නැංවීමත්, ඉන්දිරා පිළිකා භාරය මගින් පවත්වාගෙන යනු ලබන ‘සුව අරණ‘ නේවාසික සත්කාර මධ්යස්ථානය සමග කණ්ඩායමේ සහභාගීත්වය හරහා පිළිකාවෙන් පීඩා විඳින දරුවන්ට සහ ඔවුන්ගේ පවුල්වලට සහය ලබාදීමත් සිදු කෙරිණි.
මෙම වැඩපිළිවෙල ආරම්භ වූ මොහොතේ සිට තරගාවලිය අවසන් වන තෙක් දඹුල්ල සික්සර්ස් කණ්ඩායම එල්ල කරන සෑම හයේ පහරක් සමගම JAT Holdings සමාගමේ මූල්ය දායකත්වය ද ඉහළ යනු ඇත. එමගින් ක්රීඩකයන් ලබාගන්නා සෑම හයේ පහරකටම ක්රීඩාවෙන් ඔබ්බට ගිය උතුම් අරමුණක් හිමිවන අතර, පිටිය තුළ අත්කර ගන්නා ජයග්රහණ ඉන්දිරා පිළිකා භාරය ඉටුකරන වටිනා මෙහෙවරට ශක්තියක් බවට පරිවර්තනය වනවා.
මේ පිළිබඳව අදහස් දක්වමින් JAT Holdings හි විකුණුම් හා අලෙවි අධ්යක්ෂ දිල්ෂාන් රොද්රිගෝ මහතා කියා සිටියේ, “අප දඹුල්ල සික්සර්ස් කණ්ඩායම සමග එක්වූයේ හුදෙක් සන්නාම ප්රචාරණයක් ලබාගැනීමේ අරමුණින් පමණක් නොවෙයි. හැකි සෑම අවස්ථාවකදීම, අපගේ අනුග්රාහකත්වයන් සමාජයට අර්ථවත් වටිනාකමක් එක් කරන ආකාරයෙන් තවදුරටත් පුළුල් කිරීමට අප කටයුතු කරනවා. වැදගත් සමාජීය අරමුණක් වෙනුවෙන් ක්රීඩා වේදිකාවක් යොදාගත් විට අත්කරගත හැකි බලපෑම ‘Pink Match’ තරගය මගින් මනාව පෙන්නුම් කළා. එක තරගයකට පමණක් සීමා නොවී එම සමාජයීය බලපෑම තවදුරටත් පවත්වාගෙන යන්නේ කෙසේද යන්න පිළිබඳ අපගේ අවධානය යොමු වූ අතර, එහි ප්රතිඵලයක් ලෙසයි ‘Sixes for Hope’ සත්කාරය ඇරඹුණේ. දැන් එල්ල වන සෑම හයේ පහරක්ම ක්රීඩාවට වඩා විශාල උතුම් අරමුණක් වෙනුවෙන් දායක වෙනවා. මෙය ක්රීඩාලෝලීන්ට ජයග්රහණ සමරන්න වගේම ඉන්දිරා පිළිකා භාරයේ වටිනා මෙහෙවරට සහය වීමටත් හොඳ අවස්ථාවක් වේවි යැයි අප බලාපොරොත්තු වෙනවා.”
මෙම වැඩසටහන තරගාවලියේ ඉතිරි කාලය පුරාම ක්රියාත්මක වන අතර, දඹුල්ල සික්සර්ස් කණ්ඩායම එල්ල කරන හයේ පහර සංඛ්යාව අනුව එක්රැස් වන මුළු අරමුදල ක්රමයෙන් වර්ධනය වේ. එල්ල කරන ලද හයේ පහර සංඛ්යාව සහ රැස් කරගත් මුළු මුදල පිළිබඳ යාවත්කාලීන තොරතුරු JAT Holdings සහ දඹුල්ල සික්සර්ස් හි ඩිජිටල් මාධ්ය ජාල හරහා නිරන්තරයෙන් ප්රකාශයට පත් කිරීමට නියමිත බැවින් ක්රීඩාලෝලීන්ට ද මෙහි ප්රගතිය නිරීක්ෂණය කළ හැකිය.
දඹුල්ල සික්සර්ස් කණ්ඩායමේ ප්රධාන විධායක නිලධාරිනී ඔල්ගා ආශ්ලි හේරත් මහත්මිය අදහස් දක්වමින් සඳහන් කළේ, “ක්රිකට් ක්රීඩාවට මිනිසුන් එකමුතු කරමින් වැදගත් අරමුණක් වෙනුවෙන් පෙළගැස්වීමට ඇති හැකියාව ‘Pink Match’ තරගයෙන් මනාව පැහැදිලි වුණා. ‘Sixes for Hope’ වැඩසටහන හරහා එම සමාජ සත්කාරය තවදුරටත් ඉදිරියට ගෙන යාම ගැන අප JAT Holdings සමාගමට කෘතඥ වෙනවා. තරගාවලියේ ඉතිරි කාලය තුළ අපගේ ක්රීඩකයින් එල්ල කරන සෑම හයේ පහරක්ම ඉන්දිරා පිළිකා භාරයේ අතිමහත් මෙහෙවරට ශක්තියක් වේවි. පිළිකා රෝගයෙන් පීඩා විඳින දරුවන්ගේ සහ පවුල්වල ජීවිතවලට යහපත් වෙනසක් කිරීමට මෙම සෑම හයේ පහරක්ම දායක වන බව දැනගැනීම, අපගේ ක්රීඩකයින්ට මෙන්ම ක්රීඩාලෝලීන්ටත් විශාල උත්තේජනයක් වනු ඇතැයි අප විශ්වාස කරන බවයි.
2026 ලංකා ප්රේමියර් ලීග් තරගාවලිය අවසන් වීමෙන් පසුව එකතු වන සමස්ත මුදල ඉන්දිරා පිළිකා භාරය වෙත නිල වශයෙන් භාරදීමට නියමිතයි.
‘Sixes for Hope’ සමාජ සත්කාරය මගින් නිරූපණය වන්නේ ක්රීඩාව සමාජ සංවර්ධනයේ ප්රබල මෙවලමක් ලෙස යොදාගැනීමට JAT Holdings දක්වන පුළුල් ප්රවේශයයි. කණ්ඩායම්වලට සහ තරගාවලිවලට අනුග්රහය දැක්වීමට අමතරව, සමාජයට තිරසාර වටිනාකමක් එකතු කරන වැඩසටහන් සමග අතවැල් බැඳගැනීමට සමූහය නිරන්තරයෙන් කටයුතු කරයි. දඹුල්ල සික්සර්ස් සමග ඇති පූර්ණ සහකාරිත්වයේ අරමුණ ක්රීඩා පිටියෙන් ඔබ්බට ගෙන යමින්, සාර්ථක අනුග්රාහකත්වයක් යනු තරගයේ අවසන් ප්රතිඵලයෙන් පසුවද සමාජයට යහපත් දායකත්වයක් ඉතිරි කර තැබීම බව JAT සමාගම නැවතත් තහවුරු කරයි.
