ශ්රී ලංකාවේ ප්රමුඛතම සිලෝන් ටී සන්නාමයක් වන බැසිලර් ටී මෙවර ජාත්යන්තර තේ දිනය සැමරීම වෙනුවෙන් “රූට්ස් ඔෆ් සිලෝන්” නමින් සුවිශේෂී වැඩසටහනක් පසුගියදා සංවිධානය කර තිබුණි. ලොව පුරා විසිරී සිටින තේ රසකාමීන් හට ශ්රී ලංකාවේ අභිමානවත් තේ ඉතිහාසයේ රසය විඳ ගැනීමට මෙමඟින් අවස්ථාව උදා වුණි.
ශ්රී ලංකාවට ප්රථම වරට තේ වගාව හඳුන්වා දී වසර 202ක් සපිරීම නිමිත්තෙන්, මෙවර සැමරුම මෙරට තේ ඉතිහාසයේ සහ සංස්කෘතියේ සුවිශේෂී සන්ධිස්ථානයක් සනිටුහන් කරයි. ලොව නම රැන්දූ සිලෝන් ටී සන්නාමය නිර්මාණය කළ මෙරට තේ කර්මාන්තයට ගෞරව කිරීමක් ලෙස බැසිලර් ටී අපනයන ආයතනය විසින් මෙම වැඩසටහනේදී තේ පැළ 202ක් සිටුවන ලදි.
පරාර්ථකාමීත්වය සහ අන්යෝන්ය සහයෝගිත්වය යන පදනම මත නිර්මාණය වුණු මෙම වැඩසටහනේ මූලික අරමුණ වූයේ ගෝලීය වශයෙන් එකිනෙකාගේ සම්බන්ධතා නිර්මාණය කිරීමයි. එමෙන්ම මෙම වැඩසටහන ඔස්සේ බැසිලර් ටී තේ රසවතුන් ශ්රී ලංකාවේ තේ උරුමය වෙත තවත් සමීපකිරීමටද හැකිවිය.
මෙම වැඩසටහන හා සම්බන්ධ වූ බැසිලර් ටී අපනයන ආයතනයේ සභාපති ගාමිණී අබේවික්රම මහතා අදහස් දක්වමින් කියා සිටියේ “මෙරටට තේ වගාව හඳුන්වාදීලා අවුරුදු 202ක් වීම මෙවර ජාත්යන්තර තේ දිනයේ වටිනාකම තවත් වැඩි කරනවා. මෙම වටිනා සංස්කෘතිකමය අවස්ථාව පාරිභෝගිකයන් සමග එක්වී සමරන්න රූට් ඔෆ් සිලෝන් හරහා අපිට හැකි වුණා. ඒ වගේම මෙම උරුමයේ කොටස්කරුවකු වීමට හැකිවීම අපිට විශාල ආඩම්බරයක්” යනුවෙන්ය.
මෙවර ජාත්යන්තර තේ දිනයේ තේමාව වන “කර්මාන්තයේ දියුණුව හා සහයෝගීතාව වර්ධනය” (Fostering Growth and Inclusion) යන තේමාව පෙරදැරිකරගෙන “රූට්ස් ඔෆ් සිලෝන්” වැඩසටහන නිර්මාණයකර තිබිණි. මෙම වැඩසටහනෙහි නිල සමාරම්භක උත්සවය බද්දේගම බුෂ් තේ වත්තෙදී පැවැත් වුණු අතර ඒ සඳහා බැසිලර් ටී අපනයන ආයතනයේ සභාපති ආචාර්ය අබේවික්රම, කළමනාකාර අධ්යක්ෂිකා තුෂාරි අබේවික්රම, මූල්ය අධ්යක්ෂ රජිත අබේවික්රම සහ අලෙවි අධ්යක්ෂ චාරක අබේවික්රම යන මහත්ම මහත්මීන් මෙන්ම වතු කම්කරුවන් සහ ඔවුන්ගේ පවුල්වල සාමාජිකයින්ද සහභාගී විය.
ගෝලීය තේ නිෂ්පාදනයේ නව්යතා අනුව යමින් තම පාරිභෝගිකයන්ගේ මුවට නව තේ රසයන් ගෙන ඒමට බැසිලර් ටී නිබඳව කටයුතු කරමින් සිටියි. ලොව ඉහළම ප්රමිතියේ ත්යාග පැකේජයන් මෙන්ම ඉහළ වටිනාකමකින් යුත් 100% අතින් නිර්මාණය කරන තේ වර්ග ඇතුළු විවිධ තේ වර්ග 600 කට අධික සංඛ්යාවක් බැසිලර් ටී සන්නාමය යටතේ නිෂ්පාදනය වේ.
ජාත්යන්තර වෙළඳපළ ඉහළ කීර්තියක් දිනාගෙන සිටින බැසිලර් ටී සන්නාමය ලොවපුරා ප්රමුඛපෙලේ හෝටල් රැසක මෙන්ම සුපිරි වෙළඳසැල් රැසක දැකගත හැකි තේ සන්නාමයකි. ප්රජා සාමූහිකත්වය සමග සිලෝන් ටී උරුමය ලෝකයේ වඩාත් ඉදිරියට ගෙනයාමේ මෙහෙවර බැසිලර් ටී සන්නාමය ඉටු කරමින් සිටියි.
