තම රසවතුන්ට අමතක නොවන විනෝදකාමී අත්දැකීම් රාශියක් හිමිකර දෙමින් “ස්කෑන් ජම්බෝ බොනැන්සා” ප්රවර්ධන වැඩසටහනේ 9 වන අදියර පසුගියදා අති උත්කර්ෂවත් අන්දමින් නිමාව දුටු අතර එහි ජයග්රාහකයින් 50 දෙනා සඳහා ත්යාග පිරිනැමීමේ උත්සවය 2026 ජුනි මස 10 වනදා ග්රෑන්ඩ් ඔරියන්ටල් හෝටලයේදී පැවැත්වුණි. සී. ඩබ්ලිව්. මැකී පී.එල්.සී සමාගමේ ස්කෑන් නිෂ්පාදන අංශය විසින් සංවිධානය කළ මෙම වැඩසටහනට දිවයිනේ නන්දෙසින් තරඟ කර ජයග්රහණය ලැබූ ජයග්රාහකයින්, ආයතන නියෝජිතයන් සහ තවත් සම්භාවනීය අමුත්තන් පිරිසක් සහභාගී වී සිටියේය. සන්නාමය කෙරෙහි පාරිභෝගික සමීපත්වය සහ විශ්වාසය වැඩිදියුණු කිරීමේ තවත් එක් සන්ධිස්ථානයක් ලෙස මෙම වැඩසටහන හැඳින්විය හැකිය.
2025 ජුනි මාසයේ සිට නොවැම්බර් මාසය දක්වා මාස 5ක් පුරා දිවයිනේ ගම් නගර 180 ක් ආවරණය කරමින් මෙම ප්රවර්ධන වැඩසටහන පැවැත්වුණි. ‘ස්කෑන් ජම්බෝ පීනට්’ හිස් දවටන තම විස්තර ද ඇතුළත් කර තැපැල් පෙට්ටිය 161, කොළඹ යන ලිපිනයට එවීමෙන් හෝ දිවයින පුරා සංචාරය කළ “ස්කෑන් ජම්බෝ බොනැන්සා” ප්රචාරක රථ වලට ගෙනැවිත් බාරදීමෙන් පාරිභෝගිකයන්ට මෙම වැඩසටහනට සම්බන්ධ වීමට අවස්ථාව ලබාදී තිබුණි. එමඟින් “ස්කෑන් ජම්බෝ පීනට්ස්” ප්රිය කරන අති මහත් පාරිභෝගිකයන්ගේ උද්යෝගය තවත් වැඩි වූ අතර සන්නාමය තව තවත් ජනතාව අතර ප්රචලිත වීමට හේතු විය.
“ස්කෑන් ජම්බෝ බොනැන්සා” නිර්මාණය කර ඇත්තේ වසර ගණනාවක් පුරා සන්නාමය කෙරෙහි තිබූ පාරිභෝගික විශ්වාසය වෙනුවෙන් ගෞරව කිරීමට සහ ඔවුන් ඇගයීම සඳහාය. වැඩසටහන සමඟ එක් වූ සී. ඩබ්ලිව්. මැකී පී.එල්.සී සමාගමේ ස්කෑන් නිෂ්පාදන අංශයේ නියෝජ්ය සාමාන්යාධිකාරී අරුණ සේනානායක මහතා අදහස් දක්වමින් කියා සිටියේ “මෙම වැඩ සටහනේ අරමුණ වන්නේ වසර ගණනාවක් පුරා අප සමඟ රැඳී සිටින පාරිභෝගිකයන් ඇගයීමට ලක්කිරීමයි. මෙවර මේ වැඩසටහන සාර්ථකව නිමා කරනවාත් සමඟම ඉදිරි වසරවලදීත් අඛණ්ඩව වැඩ සටහන පවත්වාගෙන යාමට ‘සී. ඩබ්ලිව්. මැකී’ ආයතනය බලාපොරොත්තු වෙනවා” යනුවෙන් ය. මෙම වැඩසටහනේ අඛණ්ඩ සාර්ථකත්වය මඟින් පාරිභෝගිකයන් තුළ සන්නාමය කෙරෙහි ඇති ලැදියාව පිළිබඳව මැනවින් කියාපන අතරම මෙමගින් ගුණාත්මක පාරිභෝගික සබඳතා පවත්වාගෙන යාමට ආයතනය සතු කැපවීම ඉස්මතු කරයි.
මේ වන විට ශ්රී ලංකාවේ පීනට්ස් වෙළෙඳපොළ තුළ 70%ක වෙළෙඳපොළ ප්රතිශතයකට හිමිකම් කියමින් “ස්කෑන් ජම්බෝ පීනට්ස්” ඉදිරියෙන්ම රැඳී සිටියි. හොඳින් තෝරාගනු ලබන රටකජු සකස්කර දැඩි සෞඛ්යාරක්ෂිත තත්වයන් යටතේ ඇසුරුම් කරනු ලබන්නේ ගුණත්වය පිළිබඳ පාරිභෝගික විශ්වාසය තහවුරු කරමින් ය. මෙහි ශක්තිමත් පැවැත්ම සහ පාරිභෝගික කැමැත්ත හේතුවෙන් මෙම සන්නාමය ශ්රී ලංකාවේ ජනප්රියම කෙටි ආහාර නිෂ්පාදනයක් බවටද පත් වී තිබේ. මෙම ගුණාත්මකභාවයේ සහ පරිපූර්ණ නිෂ්පාදනයක් බිහි කිරීමේ ආයතනය සතු කැපවීම නිසා පාරිභෝගික විශ්වාසය දිනා ගනිමින් වෙළඳපොළ ප්රමුඛයා වීමට සන්නාමයට හැකි වී ඇත.
වසර 120ක සාඩම්බර ඉතිහාසයක් සමරන සී. ඩබ්ලිව්. මැකී පී.එල්.සී සමාගම, කොළඹ කොටස් වෙළෙඳපොලේ ලැයිස්තුගත සමාගමක් වන අතර තම කොටස්කරුවන්ගේ ජීවන තත්වය උසස් කිරීම අරමුණු කරගනිමින් පුළුල් පරාසයක පාරිභෝගික භාණ්ඩ නිෂ්පාදනය, අපනයනය සහ ආනයනය කිරීමේ විශේෂඥයන් ලෙස කීර්තියක් දිනා සිටියි. විවිධාංගීකරණය වූ මෙම සමූහයේ FMCG අංශය වන ස්කෑන් නිෂ්පාදන අංශය සාම්ප්රදායික වෙළෙඳාම, නවීන වෙළෙඳාම, HORECA (හෝටල්, අවන්හල් සහ ආහාර සැපයුම්) ක්ෂේත්රය සහ ආයතනික බෙදාහැරීම හරහා විවිධ පාරිභෝගික වෙළෙඳපොළවල් වෙත ළඟාවීමට දෙමුහුන් සිරස් අලෙවිකරණ සහ බෙදාහැරීමේ උපායමාර්ගයන් භාවිතා කරයි. ලංකාවේ ප්රමුඛතම සන්නාමයන් ලෙස ඒ ඒ නිෂ්පාදන සඳහා වන වෙළෙඳපොළ ප්රමුඛත්වයට පත්ව සිටින සන්ක්වික්, ස්කෑන් ජම්බෝ පීනට්, ස්කෑන් ස්නැක්ස්, කොටගල කහට, මුතූ කහට, Delish Jelly, ස්කෑන් බෝතල් කළ පානීය ජලය, එළවළු හා පළතුරු ආශ්රිත නිෂ්පාදන සන්නාමය වන KVC, N-Joy පොල්තෙල්, Star Brand එසන්ස් සහ කලරින් නිෂ්පාදන පෙළ යන පාරිභෝගික විශ්වාසය දිනූ සන්නාම හිමිකාරීත්වය සී. ඩබ්ලිව්. මැකී පී.එල්.සී සමාගමේ කීර්තිය ඔප්නැංවීමට සමත්ව තිබේ. පාරිභෝගිකයන්ට ඉතා සමීප මෙම ශක්තිමත් සන්නාම කළඹ සහ පුළුල් බෙදාහැරීමේ ජාලය හරහා ගුණාත්මක නිෂ්පාදන ගෙන ඒමට ඔවුන් සැලකිය යුතු කාර්යභාරයක් ඉටු කරයි.
