ශ්‍රී ලංකාවේ තොරතුරු හා සන්නිවේදන තාක්ෂණ (ICT) ක්ෂේත්‍රයේ පුරෝගාමී මෙහෙවරක නිරත වන සුමති හෝල්ඩින්ග්ස් හි තාක්ෂණික අංශය වන Sumathi Information Technologies (Pvt) Ltd මේ වසරේ දී සිය 25 වැනි සංවත්සරය අභිමානයෙන් යුතුව සමරනු ලබයි. ජාලකරණ (Networking) සහ End Devices සැපයීමේ සිට පුළුල් පරාසයකින් යුත් ආයතනික විසඳුම් සහ පද්ධති ඒකාබද්ධකරණ සේවා සපයන්නෙකු වශයෙන් Sumathi IT ආයතනය, මේ වනවිට තොරතුරු තාක්ෂණ ක්ෂේත්‍රයේ සුවිශේෂී සන්ධිස්ථානයකට ළඟා වී තිබේ.
‘තාක්ෂණය ඇසුරින් විශ්වාසය මත ගොඩනැගී විශිෂ්ටත්වයේ විසිපස් වසරක්’ යන තේමාව යටතේ සිය 25 වැනි සංවත්සරය සමරන SIT ආයතනය, සිය ගමන්මග තුළ ගනුදෙනුකරුවන් සමග ගොඩනගාගත් දිගුකාලීන සබඳතාවන් මෙන්ම තාක්ෂණික හවුල්කරුවන් සමග පවත්වාගෙන යන ශක්තිමත් හවුල්කාරීත්වයන් හි වැදගත්කම අවධාරණය කරනු ලබයි. 2001 වර්ෂයේ සිට ක්‍රියාත්මක වන Sumathi IT ආයතනය, මෙරට ව්‍යාපාරික ක්ෂේත්‍රය තුළ පරිවර්තනය වන තාක්ෂණික අවශ්‍යතාවන්ට අනුව හැඩ ගැසෙමින් දත්ත මධ්‍යස්ථාන, ව්‍යවසාය ජාලකරණය, තොරතුරු ආරක්ෂණය, ස්මාර්ට් යටිතල පහසුකම්, ඒකාබද්ධ සන්නිවේදනය, End-User Computing, කළමනාකරණ සේවා මෙන්ම Geospatial සහ UAV ඉංජිනේරු තාක්ෂණය ක්ෂේත්‍රයන් රැසක් ඔස්සේ සිය තාක්ෂණික විශේෂඥතාවය පුළුල් කරගෙන තිබේ. Sumathi IT ආයතනයේ සේවා සැපයීම තනි තාක්ෂණික නිෂ්පාදනවලට පමණක් සීමා නොවන අතර, ආයතනික අවශ්‍යතා හඳුනාගැනීම සහ උපදේශන මට්ටමේ සිට විසඳුම් සැලසුම් කිරීම, ඒවා ක්‍රියාත්මක කිරීම, ප්‍රශස්තකරණය සහ අඛණ්ඩව සහාය ලබාදීම දක්වා විහිදී පැතිරේ.
ගෝලීය තාක්ෂණික ක්ෂේත්‍රයේ ප්‍රමුඛ පෙළේ සමාගම් සමඟ ගොඩනගාගෙන ඇති හවුල්කාරිත්වයන් ඔස්සේ Sumathi IT හි තාක්ෂණික හැකියාවන් තවදුරටත් වර්ධනය වී ඇති අතර, එම වර්ධනය වන විශේෂඥතාවයන් තහවුරු කරන සුවිශේෂී ජයග්‍රහණ රැසක් ද Sumathi IT ආයතනය අත්පත් කරගෙන තිබේ. 2023 වසරේදී Juniper Networks’ Partner of the Year සම්මානයෙන් පිදුම් ලැබූ Sumathi IT, 2025 වසරේදී ශ්‍රී ලංකාවේ ප්‍රථම වරට DJI Dock 3 හඳුන්වාදීමට ද සමත් විය. එමෙන්ම 2026 වසර සඳහා Networking සඳහා ශ්‍රී ලංකාවේ එකම HPE Gold Partner ලෙසද Sumathi IT පිළිගැනීමට ලක් වූයේ ය. DJI Dock 3 හඳුන්වාදීමත් සමඟ ස්වයංක්‍රීය පද්ධති (Autonomous Systems), භූගෝලීය බුද්ධි තාක්ෂණය (Geospatial Intelligence) සහ උසස් ඉංජිනේරු යෙදුම් (Advanced Engineering Applications) ඇතුළු නවීන තාක්ෂණික ක්ෂේත්‍ර වෙත සිය මෙහෙයුම් පුළුල් කිරීමටද Sumathi IT පියවර ගෙන තිබේ.
මෙම සුවිශේෂී කඩඉම පිළිබඳව අදහස් දක්වමින් Sumathi IT හි ප්‍රධාන විධායක නිලධාරී චන්දිම වික්‍රමතුංග මහතා මෙසේ පැවසීය. ‘‘විසිපස් වරසක් පුරා මෙරට ව්‍යාපාරයන්ගේ වර්ධනයටත්, පරිවර්තනයටත් අඛණ්ඩ විශ්වාසයෙන් යුතුව ඉදිරියට යාමටත් හැකිවන පරිදි නවීන තාක්ෂණික විසඳුම් හඳුන්වා දීම සඳහා Sumathi IT කැප වී කටයුතු කරනවා. අපගේ ගමන්මග හැඩගැස්වීමට ගනුදෙනුකරුවන් විසින් අප කෙරෙහි තැබූ විශ්වාසය, අපගේ කාර්ය මණ්ඩලයේ කැපවීම මෙන්ම මේ දක්වා අප විසින් ගොඩනගාගත් ශක්තිමත් හවුල්කාරීත්වයන් සුවිශේෂී දායකත්වයක් ලබා දී තිබෙනවා. මෙම වැදගත් සන්ධිස්ථානය අප සමරන මොහොතේ, අපගේ ගමන්මගෙහි කොටස්කරුවන් වූ සියලු දෙනා වෙත අපගේ හෘදයාංගම ස්තූතිය පළ කරන අතර, ඉදිරි වසරවලදී තාක්ෂණය ඔස්සේ අර්ථවත් වටිනාකම් නිර්මාණය කරමින්, අඛණ්ඩව ඉදිරියට යාමට අපි බලාපොරොත්තු වෙනවා’’
ඉදිරි ගමන්මග තුළ දී, කාර්යක්ෂමව, ආරක්ෂිතව සහ ඵලදායී ලෙස සිය මෙහෙයුම් පවත්වාගෙන යාම සඳහා තාක්ෂණය උපරිමයෙන් භාවිත කිරීමට සහාය වීම කෙරෙහි Sumathi IT ආයතනය අවධානය යොමු කර තිබේ. ශක්තිමත් තාක්ෂණික යටිතල පහසුකම් ගොඩනැගීම, සම්බන්ධතා සහ ස්වයංක්‍රීයකරණය වැඩිදියුණු කිරීම මෙන්ම AI සහ දත්ත වඩාත් ඵලදායී ලෙස භාවිත කිරීමට ආයතනවලට සහාය වීම එහි මූලික පරමාර්ථයයි. විසිපස් වසරක අත්දැකීම්, සහතිකලත් ඉංජිනේරු විශේෂඥතාවය සහ ගෝලීය තාක්ෂණික හවුල්කරුවන් සමග ගොඩනගා ගත් සහයෝගීතාවයන් සමගින්, ශ්‍රී ලංකාවේ ව්‍යාපාරික ආයතන සඳහා තාක්ෂණික විසඳුම් සපයන්නෙකු ලෙස සිය භූමිකාව වැඩිදුරටත් ශක්තිමත් කර ගැනීමට Sumathi IT ආයතනය අඛණ්ඩව කටයුතු කරනු ඇත.
