ශ්රී ලංකාවේ මෝටර් කාර්මික ක්ෂේත්රයේ ප්රගමනය වෙත නව ජවයක් එක් කරමින්, සිටිසන්ස් ඩිවෙලොප්මන්ට් බිස්නස් ෆයිනෑන්ස් PLC සමාගම, ලංකා වාහන ආනයනකරුවන්ගේ සංගමය විසින් ප්රථම වරට සංවිධානය කරනු ලබන ‘Ceylon Automobile Importers Motor Rally 2026’ මෝටර් රථ රැලියේ ප්රධාන අනුග්රාහක සහකරු වශයෙන් අත්වැල් බැඳගනිමින් උපායමාර්ගික සහයෝගීතාවයකට එළඹ තිබේ. මෙම මෝටර් රථ රැලිය 2026 අගෝස්තු 16 වන දින කොළඹ වරාය නගරයෙන් ආරම්භ කර බත්තරමුල්ල වෝටර්ස් එඩ්ජ් පරිශ්රයෙන් අවසන් කිරීමට සැලසුම් කර ඇත.
වාහන ආනයනකරුවන්ගේ සංගමයේ ලියාපදිංචි ආනයනකරුවන් රැගෙන එන සුපර් කාර්, සුඛෝපභෝගී මෝටර් රථ සහ ප්රමුඛ පෙළේ ආනයනික වාහනවලින් සමන්විත විවිධ සන්නාම නියෝජනය කරන වාහන 200කට අධික ප්රමාණයක් මෙම මෝටර් රථ රැලියේදී ප්රදර්ශනයට එක්වීමට නියමිතයි . මෙම රථ පෙළපාලිය, ප්රධාන පෙළේ වාහන අලෙවි මධ්යස්ථාන කිහිපයක්ම පසුකරමින් ඩුප්ලිකේෂන් පාර, මොරටුව, බොරලැස්ගමුව, කොහුවල සහ රාජගිරිය ඇතුළු කොළඹ නගරයේ ප්රධාන මාර්ග ඔස්සේ සිය අවසාන ගමනාන්තය වෙත ළඟා වෙනු ඇති.
සිය සහයෝගී ප්රයත්නය පිළිබඳව අදහස් දක්වමින් CDB හි විකුණුම් හා ව්යාපාර සංවර්ධන විධායක අධ්යක්ෂ සසින්ද්ර මුණසිංහ මහතා මෙසේ පැවසීය.
“ලංකා වාහන ආනයනකරුවන්ගේ සංගමය සංවිධානය කරන මෙම ඓතිහාසික මෝටර් රථ රැලිය බලගැන්වීම සඳහා CDB සමාගම එක්ව සිටිනවා. එම . සංගමය සමඟ අත්වැල් බැඳගනිමින් ශ්රී ලංකාව පුරා ජනතාවට වාහන හිමිකාරීත්වය සහ ගමනාගමන පහසුකම් සඳහා ඇති ප්රවේශය ඉහළ නැංවීමේ පෙරගමන්කරුවෙකු වශයෙන් කටයුතු කිරීමට CDB අප බැඳී සිටිනවා. ප්රගතිශීලී මූල්ය විසඳුම් සම්පාදකයෙකු ලෙස, නවෝත්පාදක මූල්ය නිෂ්පාදන හරහා ගමනාගමන පහසුකම් වැඩිදියුණු කරන අතරම, මෝටර්- කාර්මික ක්ෂේත්රයේ වර්ධනයට සහාය වීමට අපි කැපවී සිටිනවා. මෙම මෝටර් රථ රැලිය හුදෙක් මෝටර් රථ සැමරුමක් පමණක් නොවේ, ශ්රී ලංකාවේ මෝටර්- කාර්මික ක්ෂේත්රයේ විකාශනය, ප්රබලත්වය මෙන්ම අනාගත ශක්යතාවයන් විදහා දක්වන මනා සාක්ෂියක්.”
එම අදහස තවදුරටත් තහවුරු කරමින් ලංකා වාහන ආනයනකරුවන්ගේ සංගමයේ සභාපති ප්රසාද් මානගේ මහතා මෙසේ ප්රකාශ කළේය, “CDB හි බලගැන්වීමෙන් පැවැත්වෙන ‘Ceylon Automotive Importers Motor Rally’ මඟින් ශ්රී ලංකාවේ මෝටර් රථ ක්ෂේත්රයේ නව පරිච්ඡේදයක් සනිටුහන් වෙනවා. CDB ඇතුළු අපගේ අනෙකුත් පාර්ශවකරුවන්ගේ සහයෝගය ඇතිව, සුඛෝපභෝගී බව, විශිෂ්ට ක්රියාකාරීත්වය සහ නවෝත්පාදනය කැපී පෙනෙන අයුරින් ප්රදර්ශනය කරමින්, ප්රමුඛ පෙළේ මෝටර් රථ සන්නාම සහ ක්ෂේත්රයේ උනන්දුවක් දක්වන පිරිස් එකම වේදිකාවක් වෙන රැගෙන ඒමට අපට හැකියාව ලැබී තිබෙනවා. මෙම සහයෝගීත්වය මඟින් ක්ෂේත්රය තවදුරටත් ඉහළට ඔසවා තැබීමට මෙන්ම පොදු ජනතාව වෙනුවෙන් ආකර්ෂණීය නවමු අත්දැකීම් නිර්මාණය කිරීමට ඇති අපගේ අරමුණ තවදුරටත් ශක්තිමත් කරනවා.”
ශ්රී ලංකාවේ මෝටර්–කාර්මික ක්ෂේත්රයේ අභිමානවත් ගමන්මග සමරන අතරම, එහි ප්රගතිය සහ නවෝත්පාදනය උදෙසා CDB ඉටුකරන විශ්වාසනීය කාර්යභාරය නැවතත් තහවුරු කරමින් පැවැත්වෙන ‘Automobile Importers Rally 2026’ මෝටර් රථ රැලිය, මෙරට මෝටර්–කාර්මික ක්ෂේත්රය කෙරෙහි බලාපොරොත්තු දල්වා තබන සන්ධිස්ථානයක් වනු නොඅනුමානයි.
සිටිසන්ස් ඩිවෙලොප්මන්ට් බිස්නස් ෆයිනෑන්ස් PLC යනු ශ්රී ලංකාවේ බැංකු නොවන මූල්ය ආයතන අතර ප්රමුඛතම ආයතන හතර අතුරින් එකකි. මූල්ය සේවාවන්හි නවෝත්පාදනය, තිරසාරභාවය වෙනුවෙන් ඇති නොමඳ කැපවීම සහ සුවිශිෂ්ට ආයතනික ප්රමිතීන් පවත්වාගැනීම වෙනුවෙන් CDB ඇගයීමට ලක්ව තිබේ. ඩිජිටල් පරිවර්තනය කෙරෙහි අවධානය යොමු කරමින්, තිරසර සංවර්ධන ඉලක්කයන්ට අනුගත වන නවමු විසඳුම් ලබා දෙමින් ශ්රී ලංකාවේ මූල්ය සේවා ක්ෂේත්රය අරුත් ගැන්වීම පිණිස CDB අඛණ්ඩව කැපවී සිටී .
