Uber සේවාව ඇතුගල්පුරයටත් ව්යාප්ත වෙයි: මේ වසරේදී ශ්රී ලංකාව තුළ Uber ජාලයට එක්වූ තෙවැනි දිස්ත්රික්කය කුරුණෑගලයි
ශ්රී ලංකාවේ වඩාත්ම ජනප්රිය ප්රවාහන යෙදවුම (Mobility app) වන Uber, සිය ප්රවාහන සේවාවන් කුරුණෑගල දිස්ත්රික්කය දක්වා ව්යාප්ත කරන බව අද දින නිල වශයෙන් ප්රකාශයට පත් කළේය. කෑගල්ල සහ රත්නපුර දිස්ත්රික්කවලට පසුව 2026 වසර තුළ Uber සේවාව ව්යාප්ත වූ තෙවැනි දිස්ත්රික්කය වන්නේ කුරුණෑගලයි. මේ අනුව, කුරුණෑගල ප්රදේශවාසීන්ට මෙන්ම එම ප්රදේශයට පැමිණෙන සංචාරකයන්ටද Uber යෙදවුම භාවිත කරමින් මෝටර් රථ, ත්රිරෝද රථ සහ යතුරුපැදි මගින් සුරක්ෂිත සහ පහසු ගමන්වාර වෙන්කර ගැනීමටත්, දෛනික ගමනාගමනය සඳහා වැඩි තේරීම් ප්රමාණයක් භුක්ති විඳීමටත් අවස්ථාව හිමිවේ.
ශ්රී ලංකාවේ ප්රධාන වාණිජ මධ්යස්ථානයක් මෙන්ම දිවයිනේ ප්රදේශ රැසක් යා කරන වැදගත් සන්ධිස්ථානයක් වන කුරුණෑගල, රැකියා, අධ්යාපන, වෙළඳ සහ විනෝදාස්වාද කටයුතු සඳහා විශාල ජනතාවක් ගැවසෙන නගරයකි. Uber යෙදවුම මගින් නිවස අසලටම වාහනයක් ගෙන්වා ගැනීමේ පහසුව සහ ගමන ආරම්භ කිරීමට පෙරම අදාළ ගාස්තුව දැකබලා ගැනීමේ පහසුකම (Upfront pricing) හේතුවෙන්, මෙම ආගමනය ජනතාවගේ දෛනික ගමනාගමන අවශ්යතා වඩාත් සරල කරනු ඇත.
එමෙන්ම මෙම ව්යාප්තිය හරහා මෝටර් රථ, ත්රිරෝද රථ සහ යතුරුපැදි හිමි ප්රදේශවාසී රියදුරන්ට නම්යශීලී අතිරේක ආදායම් මාර්ග උදා වන අතර, තමන්ට අවශ්ය වේලාවට සහ ස්ථානයට අනුව සේවයේ යෙදෙමින් වැඩි මගීන් සංඛ්යාවක් සමග සම්බන්ධ වීමේ අවස්ථාවද හිමි වේ.
මේ පිළිබඳව අදහස් දක්වමින් Uber ශ්රී ලංකා සමාගමේ ප්රවාහන අංශයේ (Mobility) සාමාන්යාධිකාරී කෞශල්යා ගුණරත්න මහත්මිය මෙසේ ප්රකාශ කළාය:
“විශ්වාසනීය, දුරකථන යෙදවුම් පදනම් කරගත් ප්රවාහන සේවාවන් සඳහා වන ඉල්ලුම ශ්රී ලංකාවේ ප්රධාන නගරවලට පමණක් සීමා වන්නේ නැහැ. Uber සේවාව දිවයින පුරා තවදුරටත් ව්යාප්ත කිරීමට විශාල ඉඩකඩක් පවතින අතර, කුරුණෑගල යනු එම ගමනේ ඉතා වැදගත් සන්ධිස්ථානයක්. අපගේ මෙම ව්යාප්තියේ මූලික අරමුණ වන්නේ වැඩි මගීන් සංඛ්යාවකට Uber හි පහසුව ලබාදීම මෙන්ම, අප සේවාවන් ලබාදෙන ප්රජාවන් තුළ සිටින රියදුරන් සඳහා අර්ථවත් ආදායම් මාර්ග නිර්මාණය කිරීමයි.”
Uber හරහා සිදුකරන සෑම ගමනක් සඳහාම සජීවී GPS තාක්ෂණය ඔස්සේ ගමන් මග නිරීක්ෂණය (Real-time GPS tracking), තමන් යන ගමන් මග වෙනත් අයෙකු සමග හුවමාරු කරගැනීම (Trip sharing), රියදුරු සත්යාපනය (Driver verification), පැය 24 පුරා ක්රියාත්මක ආරක්ෂක සහායක සේවාව (24×7 safety line) සහ ඇප් එක තුළම ඇති හදිසි අවස්ථා බොත්තම (In-app emergency button) වැනි තාක්ෂණික ආරක්ෂිත පියවර රැසක් ඇතුළත් කර ඇති බැවින් මගීන්ට මෙන්ම රියදුරන්ටද වැඩි විශ්වාසයකින් යුතුව ගමනාගමනයේ යෙදීමට හැකියාව ලැබේ.
දිවයිනේ වැඩි ප්රදේශ සංඛ්යාවකට ඇප් පදනම් කරගත් ප්රවාහන පහසුකම් ලබාදෙමින් ශ්රී ලංකාව තුළ Uber සමාගම ගොඩනගමින් සිටින ප්රවාහන ජාලයේ තවත් එක් සුවිශේෂී ඉදිරි පියවරක් ලෙස මෙම කුරුණෑගල ව්යාප්තිය හැඳින්විය හැකිය.
