ශ්රී ලංකාවේ ප්රමුඛතම මහජන සබඳතා සහ සන්නිවේදන ආයතනයක් වන Mark and Comm ආයතනයෙහි Manager, PR & Social Intelligence ලෙස කටයුතු කරන අංජලී මුණසිංහ නම් ඇය, මහජන සම්බන්ධතා පිළිබඳ වරලත් ආයතනයේ (CIPR) ජාත්යන්තර ආයතනය වන CIPR International හි ලේකම් ධූරය සඳහා පත් කර ඇති බව අද දින නිවේදනය කොට තිබේ.
ශ්රී ලංකාවේ ප්රමුඛ පෙළේ ආයතන ගණනාවක මහජන සබඳතා, ගිණුම් කළමනාකරණය සහ මාධ්ය නිරීක්ෂණය සම්බන්ධව වසර දහයකට අධික පළපුරුද්දක් ඇය සතුව පවති අතර මේ වනවිට ඇය Mark and Comm ආයතනයෙහි කටයුතු කරමින් සිටියි. Mark and Comm ආයතනය හා සම්බන්ධ වීමට පෙර ඇය AdFactors PR Sri Lanka ආයතනයේ Consultant, Digital Reputation Management ලෙස සේවාදායකයින් වෙත කාලෝචිත හා ප්රායෝගික අවබෝධයන් ලබාදීම සඳහා තත්ය කාලීන මාධ්ය බුද්ධි තොරතුරු හා විශ්ලේෂණ කටයුතු සිදු කරන ලදී. ඊට පෙර ඇය MullenLowe ශ්රී ලංකා ආයතනයෙහි Manager, Public Relations ලෙස ද කටයුතු කළාය.
එමෙන්ම ඇයගේ සිය වෘත්තීය ගමන් මග තුළ HardTalk ආයතනයෙහි Senior Public Relations Executive ලෙසත්, NGage Strategic Alliance ආයතනයෙහි වසර අටකට ආසන්න කාලයක් Public Relations Executive ලෙසත් Ogilvy ශ්රී ලංකා ආයතනයෙහි AV Coordinator ලෙසත් ඇය සිය මුල්කාලීන පුහුණුව ලබා ගන්නා ලදී. තවද ඇය social listening, crisis communications, sentiment analysis සහ real time media monitoring විෂය ක්ෂේත්රයේ ප්රවීණයෙකු වන අතර, ජාතික මාධ්ය වෙත ඒ පිළිබඳ අදහස් දක්වමින් ඇය සිය දායකත්වය අඛණ්ඩව ලබාදෙයි.
CIPR International යනු මහද්වීප පහක් පුරා සිටින මහජන සබඳතා වෘත්තිකයින් සම්බන්ධ කරන, සාමාජිකයින් 1,000 කට පමණ ආසන්න සංඛ්යාවකින් සමන්විත, මහජන සම්බන්ධතා පිළිබඳ වරලත් ආයතනයේ (CIPR) විශේෂිත ක්ෂේත්ර නියෝජනය කරන කණ්ඩායමකි. Mark and Comm හි කළමනාකාර අධ්යක්ෂ තාන්සිල් තාජුඩීන් මහතා ද CIPR International කමිටුව නියෝජනය කරන අතර ඇය එම ආයතනය සහ කමිටුව සඳහා ශ්රී ලංකාව නියෝජනය කරමින් පත්වන දෙවැනි පුද්ගලයා බවට පත්වෙයි.
CIPR International හි සභාපතිනී ටාසිමා කලා (Taazima Kala) මහත්මිය ප්රකාශ කොට සිටියේ, අංජලීගේ පත්වීම තුළ කමිටුවේ කාර්යභාරය ශක්තිමත් කිරීමට ඇගේ ප්රායෝගික වෘත්තීය අත්දැකීම් සහ කලාපීය අවබෝධය ඉවහල් වන බවයි. එමෙන්ම ශ්රී ලංකාවේ මහජන සබඳතා ක්ෂේත්රය තුළ, විශේෂයෙන්ම අර්බුදකාරී සන්නිවේදනය සහ මාධ්ය බුද්ධි තොරතුරු සම්බන්ධයෙන් ඇගේ කාර්යභාරය ඇය ගැන මනාව සාක්ෂි දරන බව පෙන්වා දුන් ඇය වැඩිදුරටත් සඳහන් කළේ ලේකම්වරිය ලෙස ඇගේ දායකත්වය ලබා ගැනීමට ඔවුන් බලාපොරොත්තු වන බවයි.
