Delmege සමූහය විසින් 2025 ලෝක ළමා දින සැමරුම් උළෙල වඩාත් අර්ථවත් අයුරින් කොළඹ 09, වෙළුවන විද්යාලයේ දී පවත්වන ලදී. මෙම විද්යාලයේ 1ශ්රේණියේ සිට 13 ශ්රේණිය දක්වා සිසුන් 600ක් පමණ අධ්යාපනය හදාරනු ලබයි.
Delmege සමූහයේ මව් සමාගම වන Vallibel One හි කළමනාකාර අධ්යක්ෂිකා දිනුෂා භාස්කරන් මහත්මියගේ මූලිකත්වයෙන් යුත් Delmege හි ජ්යෙෂ්ඨ නිලධාරීන්, කාර්ය මණ්ඩලය මෙහිදි විදුහල්පති , ගුරුවරුන් හා ශිෂ්යභට කණ්ඩායම විසින් සාදරයෙන් පිළිගනු ලැබීය. වර්ණවත් උත්සවයක් වූ එහිදි ජාතික හා පාසැල් ධජ එසවීමෙන් අනතුරුව ජාතික ගීය සහ පාසල් ගීය පාසල් සිසු දරුවන් විසින් ගායනා කරන ලදී. උත්සවයේ වැඩ කටයුතු ඉන්පසුව ආරම්භ කෙරිණි.
විදුහල්පති ඇතුළු ආචාර්ය මණ්ඩලයේ හෘදයාගම ස්තුතිය මෙන්ම ගුරුවරුන් විසින් දරුවන්ගේ රසවින්දනය උදෙසා ඉදිරිපත් කළ විශේෂාංග රාශියකින් මෙම උත්සවය සමන්විත විය. එසේම Delmege විසින් ජනප්රිය විකට කලාකරුවෙකුගේ රංගනයක් ද සංවිධානය කර තිබූ අතර ඔහු දරුවන් සමඟ එක්ව කාලය ගත කිරීම මෙම අවස්ථාවට වඩාත් ප්රීතියක් එක්කරන ලදී. එය දරුවන්ට සෑබැවින්ම අමතක නොවන දිනයක් විය.
මෙම සැමරුම් උත්සවයට සමගාමීව Delmege සමූහය විසින් සිසුන් වෙනුවෙන් අත්යාවශ්ය අධ්යාපනික උපකරණ , ක්රිඩා උපකරණ බෙදාදුන් අතර දරුවන් වෙනුවෙන් සංග්රහයක් ද සංවිධාන කර තිබුණි. මීට අමතරව Delmege Healthcare හි Alocon Surgical අංශය , Vision Care සමඟ සහයෝගීතාවයෙන් විශේෂ අක්ෂි සායනයක් සංවිධානය කළ අතර එය ලෝක ළමා දින සැමැරුම් උළෙලට වඩාත් අර්ථවත් බවක් එක් කරන ලදී.
Delmege සමූහයේ මෙම ප්රයත්නය තුළින් අධ්යාපන , ප්රජා පැවැත්ම හා දරුවන්ගේ සංවර්ධනය වෙනුවෙන් ඔවුන් දක්වන උන්නදුව හා කැපවීම මැනවින් සනිටුහන් විය.
