මෙම ප්රකාශය නිකුත් කරනු ලබන්නේ, ආගමන හා විගමන දෙපාර්තමේන්තුවේ මාර්ගගත වීසා නිකුත් කිරීමේ පද්ධතිය පිළිබඳව විගණකාධිපති දෙපාර්තමේන්තුව විසින් 2025 ඔක්තෝබර් 3 වන දින නිකුත් කරන ලද සහ දැනට ප්රසිද්ධියේ සංසරණය වන විශේෂ විගණන වාර්තාව සම්බන්ධයෙනි.
GBS Technology Services & IVS Global FZCO (“IVS-GBS”) යනු එක්සත් අරාබි එමීර් රාජ්යයේ ඩුබායි හි සංස්ථාගත කරන ලද සමාගමක් වන අතර, එය සිංගප්පූරුවේ මූලස්ථානය පිහිටි GBS Technology Services Pte Ltd හි පූර්ණ අනුබද්ධිත ආයතනයකි. මෙම සමාගම රජයන්ට සහ පුරවැසියන්ට ආරක්ෂිත හා නව්ය තාක්ෂණික විසඳුම් සපයයි.
GBS Technology Services Pte Ltd සමාගම, 2005 වසරේ සිට තාක්ෂණික යෙදුම් මිලියන 10කට අධික ප්රමාණයක් ක්රියාවට නංවා ඇති ප්රමුඛතම බාහිර සේවා සැපයීමේ සමාගමක් වන IVS Global Services Private Ltd සමඟ බලපත්ර බෙදාගැනීමේ ගිවිසුමකට එළැඹ තිබේ.
2023 දෙසැම්බර් 21 දින, IVS-GBS සමාගම, V F Worldwide Holdings Ltd (“VFS”) සහ ශ්රී ලංකාවේ ආගමන හා විගමන දෙපාර්තමේන්තුව සමඟ එක්ව, eVisa සහ ඊට අදාළ සේවා සැපයීම සඳහා බාහිරින් සේවා ලබා ගැනීමේ ගිවිසුමකට එළඹුණු අතර, එහිදී IVS-GBS ප්රධාන කොන්ත්රාත්කරු ලෙසත්, VFS තාක්ෂණික සහකරු ලෙසත් කටයුතු කරන ලදී.
2025 ඔක්තෝබර් 03 දින නිකුත් කරන ලද විශේෂ විගණන වාර්තාවේ පැහැදිලි කිරීම් අවශ්ය කරන කරුණු කිහිපයක්ම අන්තර්ගත වේ. ප්රධාන කොන්ත්රාත්කරු ලෙස, වීසා ආදායම් එකතු කර දෙපාර්තමේන්තුව වෙත යොමු කිරීමට අපි ආගමන හා විගමන දෙපාර්තමේන්තුව සමඟ එකඟ වූ බව අප විසින් පැහැදිලි කිරීමට කැමැත්තෙමු. දැනට මෙම කරුණ නීතිමය ක්රියාවලියකට යටත් බැවින් මෙම සීමිත ප්රකාශය පමණක් නිකුත් කිරීමට අපි මේ අවස්ථාවේ දී කටයුතු කරන්නෙමු. අවශ්ය වූ විට, සුදුසු පාර්ශ්වයන් ඉදිරියේ සවිස්තරාත්මක කරුණු දැක්වීම් සහ පැහැදිලි කිරීම් සිදු කිරීමට අපට උපදෙස් ලබා දී ඇති බව ද දැනුම් දෙමු.
මෙම වාර්තාවේ කරුණු ඉදිරිපත් කර ඇත්තේ, IVS-GBS සමාගමේ අපට, අපගේ පැහැදිලි කිරීම් ඉදිරිපත් කිරීමට අවස්ථාවක් ලබා නොදී බව දැනුම් දිය යුතුය. එවැනි අවස්ථාවක් ලබා දුන්නේ නම්, වාර්තාව සකස් කිරීමට විගණකාධිපති කාර්යාලයට සහාය වීම සඳහා අදාළ සාක්ෂි සහ පැහැදිලි කිරීම් ඉදිරිපත් කළ හැකිව තිබූ බව අපි විශ්වාස කරන්නෙමු.
මේ අතරතුර, වාර්තාවේ සඳහන් ඇතැම් කරුණු සම්බන්ධයෙන් පැහැදිලි කිරීම් සහ විස්තර ලබා දීම සඳහා IVS-GBS විසින් විගණකාධිපති කාර්යාලය සමඟ සෘජුව සම්බන්ධ වීමට අපේක්ෂා කරයි.
ශ්රී ලංකා රජය සමඟ ඇති අපගේ හවුල්කාරීත්වය අපි අගය කරන අතර, අදාළ සියලු බලධාරීන් සමඟ සම්පූර්ණ විනිවිදභාවය, සහයෝගීතාවය සහ අනුකූලතාව පවත්වා ගැනීමට අඛණ්ඩව කැප වී සිටින්නෙමු.
