මෙරට විදුලි සංදේශ සේවා ක්ෂේත්රයේ පුරෝගාමියෙකු වන HUTCH සමාගම, Bold Media Digital ආයතනය සමඟ එක්ව ‘GameOn’ නමින් සුවිශේෂී වෙබ් අඩවියක් හඳුන්වා දෙනු ලැබුවා. Bold Media Digital යනු අප්රිකාව, ආසියාව සහ ලතින් ඇමරිකාව වැනි නැඟී එන වෙළඳපොළ තුළ ඩිජිටල් ගේමින් සඳහා විශේෂඥතාවක් දක්වන ඩිජිටල් සේවා සමාගමකි. HUTCH සමාගම මෙම ක්ෂේත්රයට ප්රථමයෙන් පිවිසෙන ආයතනයක් වශයෙන්, මෙය වර්ධනය කළ හැකි සේවාවක් ලෙස වෙළඳපොළට ඉදිරිපත් කර තිබේ.
මේ හරහා ක්රීඩකයින්ට ක්රීඩා අත්දැකීම් මෙන්ම නොමිලේ සහභාගී විය හැකි තරඟකාරී ක්රීඩා විශාල ප්රමාණයකට ප්රවේශ වීමේ අවස්ථාව හිමි වේ. එහි ඇති එසැණින් යාවත්කාලීන වන පුවරු (leaderboards) මඟින් ක්රීඩකයින්ට සෑම අභියෝගයකදීම තම දක්ෂතා නිරීක්ෂණය කිරීමට සහ ඇගයීමට අවස්ථාව හිමිවේ. එමඟින් මෙරට තරුණ ප්රජාවට ලොව වේගයෙන්ම වර්ධනය වන විනෝදාස්වාද ක්ෂේත්රය සමඟ සම්බන්ධ වීමටත්, තරඟ කිරීමටත් අවස්ථාව හිමිවේ.
මෙහි ඉදිරි සංවර්ධන අවධීන් තුළින් ගෝලීය සහ කලාපීය තරඟාවලි ආවරණය කිරීම සිදු කරයි. එමෙන්ම ක්ෂේත්රයේ ප්රවීණයන්ගේ අදහස් ඇතුළත් කරමින් පරිශීලකයින්ව ජාත්යන්තර ඊ-ස්පෝර්ට්ස් ලෝකය සමඟ සමීප කිරීමට කටයුතු කරනු ඇත. විනෝදාස්වාදයට එහා යමින් ක්රීඩකයින්ට, අන්තර්ගත නිර්මාණකරුවන්ට සහ රසිකයින්ට නව අවස්ථා නිර්මාණය කිරීමට මේ හරහා හැකිවනු ඇත. මෙමගින් ජාත්යන්තර ක්රීඩා ක්ෂේත්රය තුළ ශ්රී ලංකාවේ සහභාගීත්වය ශක්තිමත් කිරීම HUTCH සමාගමේ දැක්ම වී ඇත. සිය දිගුකාලීන උපායමාර්ගයේ කොටසක් ලෙස සමාගම අපේක්ෂා කරනු ලබන්නේ දක්ෂතා හඳුනාගනිමින් ඔවුන්ගේ දියුණුව වෙනුවෙන් කටයුතු කිරීමයි. ඒ හරහා Esports World Cup සහ Esports Olympics වැනි ගෝලීය වේදිකාවල ශ්රී ලංකාව නියෝජනය කළ හැකි නව පරම්පරාවේ ක්රීඩකයින් බිහි කිරීම HUTCH සමාගමේ අරමුණයි.
HUTCH Sri Lanka පිළිබඳව
ශ්රී ලංකාවේ දුරකථන සන්නිවේදන ක්ෂේත්රයේ ප්රමුඛයෙකු වන HUTCH Sri Lanka සමාගම, CK Hutchison Holdings (CKHH) හි අනුබද්ධ සමාගමකි. හොංකොං පදනම් කරගත් Fortune 500 සමාගමක් වන, රටවල් 50 කට අධික සංඛ්යාවක ව්යාප්ත වී ඇති CK Hutchison Holdings සමාගම ප්රධාන ක්ෂේත්ර 6 තුළ ක්රියාත්මක වන අතර එය 2023 වසරේදී ඇමරිකානු ඩොලර් බිලියන 60 කට ආසන්න ආදායමක් වාර්තා කිරීමට සමත් විය.
1997 වසරේදී මෙරට තුළ ව්යාපාර කටයුතු ආරම්භ කළ HUTCH විසින් 2004 වසරේදී GSM සේවාවන් දියත් කරන ලද අතර, ඉන් අනතුරුව 2011 වසරේදී 3G සේවාවන්ද, 2018 වසරේදී 4G සේවාවන්ද හඳුන්වා දෙන ලදි. 2019 වසරේදී Etisalat Sri Lanka සමාගම අත්පත් කරගැනීමත් සමග HUTCH හි වෙළඳපොළ ආවරණය තවදුරටත් ශක්තිමත් වූ අතර, ඒ හේතුවෙන් පාරිභෝගිකයන්ට 078 මෙන්ම 072 අංක යටතේ ජංගම දුරකථන සේවාවන් පිරිනැමීමට සමාගමට හැකියාව ලැබිණි. මේ වන විට HUTCH 4G ජාලය මගින් ශ්රී ලාංකික ජනගහනයෙන් 95% ක්ම ආවරණය වන අතර, ඉදිරියේදී රටේ ඩිජිටල් සැලසුම්වලට අත්වැලක් වෙමින් 5G සේවාවන්ද හඳුන්වා දීමට සමාගම සැලසුම් කර ඇත.
රටේ දුරබැහැර ප්රදේශවල ජනතාවට පවා සන්නිවේදනය, ව්යාපාර කාර්යක්ෂමතාව සහ විනෝදාස්වාදය සඳහා අවශ්ය දුරකථන සන්නිවේදන පහසුකම් සපයන HUTCH, සහනදායී හා විශ්වාසනීය සම්බන්ධතා පහසුකම් ඔස්සේ මෙරට දුරකථන සන්නිවේදනය ක්ෂේත්රයේ දියුණුව වෙනුවෙන් කැපීපෙනෙන මෙහෙවරක් ඉටුකරමින් සිටී.
