කොළඹ, ශ්රී ලංකාව – මෑතකදී කොළඹ, මහනුවර සහ ගාල්ල යන නගර ආවරණය කරමින් ඇරඹි මෙම පාපැදි සවාරිය, හුදෙක් ජයග්රහණය හඹා යන තරඟයක් හෝ ප්රදර්ශනාත්මක පෙළගැස්මක් නොව, ප්රබල සමාජයීය පණිවිඩයක් ජනගත කිරීමට සමත් විය. මෙය DFCC බැංකුවේ “Ride for Life” වැඩසටහන යටතේ, මෙවර “Ride for Her” යන තේමාවෙන් සංවිධානය වූ අතර, එය හුදෙක් පාපැදි සවාරියකින් ඔබ්බට ගිය ගැඹුරු අරමුණක් පෙරදැරිව ක්රියාත්මක විය.
වසර ගණනක් මුළුල්ලේ DFCC බැංකුවේ ප්රජා සත්කාරක වැඩසටහන් අතර “Ride for Life” සුවිශේෂී ස්ථානයක් හිමිකරගෙන තිබේ. සේවකයන්, ගනුදෙනුකරුවන් සහ මහජනතාව පොදු අරමුණක් වෙනුවෙන් එක් කරන මෙම වේදිකාව, මුල් කාලයේදී සෞඛ්යය සහ යහපැවැත්ම පිළිබඳ අවධානය යොමු කළ ද, ක්රමයෙන් එය සමාජීය වශයෙන් වැදගත් කාරණා වෙනුවෙන් හඬක් නගන පුළුල් ව්යාපාරයක් බවට පරිවර්තනය විය. “Ride for Her” යනු කාන්තා සවිබල ගැන්වීම කෙරෙහි විශේෂ අවධානය යොමු කරමින් එම පදනම මත ගොඩනැගුණු නවතම පියවරයි.
ජාත්යන්තර කාන්තා දිනය නිමිත්තෙන් සංවිධානය කරන ලද මෙම වැඩසටහන නගර තුනක් ආවරණය කරමින් ප්රජාවන් ඒකරාශී කිරීමට සමත් විය. මීට DFCC ආලෝකා ගනුදෙනුකරුවන්, බැංකු සේවකයන් සහ පාපැදි තරග ලෝලීන් ඇතුළු 100කට ආසන්න පිරිසක් සහභාගී වූහ. කෙසේ වෙතත්, මෙම පාපැදි සවාරියේ වැදගත්කම සහභාගී වූ සංඛ්යාවට වඩා එහි අඩංගු වූ ගුණාත්මක අරමුණ මත රැඳී තිබුණි.
මෙහිදී කාන්තාවන් හුදෙක් සහභාගීවන්නන් ලෙස නොව, සංවිධාන ශක්තියෙන් සහ නායකත්වයෙන් පෙරමුණ ගැනීම සුවිශේෂී විය. මෙය නාමික ඇතුළත් කරගැනීමකට එහා ගිය සැබෑ හිමිකාරිත්වය ලබා දීමක් වූ අතර, පිරිමි පාර්ශවයේ සහයෝගය ද සමඟින් එය සාමූහික ප්රයත්නයක් ලෙස කාන්තා සවිබල ගැන්වීම තහවුරු කළේය.
“DFCC Aloka මූල්ය විසඳුම හරහා හුදෙක් මූල්ය පහසුකම් සැලසීමෙන් ඔබ්බට ගොස්, කාන්තාවන්ගේ ආත්ම විශ්වාසය සහ ප්රජා සහභාගීත්වය තහවුරු කිරීමට බැංකුව නිරන්තරයෙන් කැපවී සිටියි. ‘Ride for Her’ වැඩසටහන එම දැක්ම ප්රායෝගිකව ක්රියාවට නැංවූ අවස්ථාවක් වූ අතර, එමඟින් සමස්ත කාන්තා ප්රජාවම ක්රියාශීලී ජීවන රටාවකට මෙන්ම බාහිර සමාජය තුළ විශ්වාසයෙන් යුතුව කටයුතු කිරීමට දිරිමත් කෙරිණි. ප්රධාන නගර ත්රිත්වයක් ආවරණය කරමින් සාර්ථකව ජනගත වූ මෙම පණිවිඩය, සහයෝගීතාවය සහ සමාන අවස්ථා තුළින් ශක්තිමත් ප්රජාවක් සහ සියල්ලන් ඇතුළත් කරගත් අනාගතයක් නිර්මාණය කළ හැකි බව යළිත් සනාථ කළේය.
DFCC බැංකුව පිළිබඳව
ශ්රී ලංකාවේ ප්රමුඛතම මූල්ය ආයතනයක් වන DFCC බැංකුව 1955 වසරේදී ස්ථාපිත කරන ලද අතර, 1956 වසරේ සිටම එය කොළඹ කොටස් හුවමාරුවේ ලියාපදිංචි වී සිටී. ශ්රී ලංකා මහ බැංකුව විසින් නියාමනය කරනු ලබන එය Fitch Ratings වෙතින් A (lka) ශ්රේණිය හිමි කරගෙන තිබේ. DFCC බැංකුව විසින් පාරිභෝගික, ආයතනික හා සුළු හා මධ්යම පරිමාණ බැංකු සේවාවන් මෙන්ම භාණ්ඩාගාර, ආයෝජන සහ වෙළඳ මූල්ය සේවා ඇතුළු සේවාවන් රාශියක් පිරිනමනු ලබයි.
පාරිභෝගික කේන්ද්රීයත්වය හා තිරසාරත්වය උදෙසා මුල් තැන දෙන DFCC බැංකුව DFCC MySpace වැනි ඩිජිටල් සේවාවන් ඇතුළු ක්රම රාශියක් ඔස්සේ කාර්යක්ෂම හා සුරක්ෂිත ලෙස සිය සේවාවන් පිරිනමන අතර, දිවයින පුරා ශාඛා 133 ක්ද පිහිටුවා ඇත. මීට අමතර එම බැංකුවේ ගනුදෙනුකරුවන්ට LankaPay ජාලය හරහා ATM යන්ත්ර 5,500 කට අධික සංඛ්යාවක් භාවිතා කළ හැකි වේ.
තිරසාර මූල්යකරණය සහ පුනර්ජනනීය බලශක්තිය සම්බන්ධ පිළිගත් ප්රමුඛයෙකු වන DFCC බැංකුව, පාරිසරික බලපෑම් අවම කරමින් ආර්ථිකයේ දීර්ඝකාලීන ඔරොත්තු දීමේ හැකියාව වර්ධනය කිරීම සඳහා කැප වී සිටී.
