- සිසුන් 15,000කට අධික පිරිසකට ප්‍රතිලාභ සැලසෙන පරිදි තොරතුරු තාක්ෂණ යටිතල පහසුකම් නවීකරණය කෙරේ.
- තනි ආයතනික සමාගමක් විසින් පේරාදෙණිය විශ්වවිද්‍යාලයේ අධ්‍යාපන යටිතල පහසුකම් නවීකරණයට කරන ලද විශාලතම ප්‍රදානයක් ලෙස සිටිසන්ස් ඩිවලොප්මන්ට් බිස්නස් ෆිනෑන්ස් පීඒල්සි වෙතින් රුපියල් මිලියන 40ක්.
කොළඹ, ශ්‍රී ලංකාව, 2026 ඔක්තෝබර් 5: තාක්ෂණයෙන් සවිබල ගැන්වුණු ජාතියක් ගොඩනැගීම සහ සංවර්ධනය කිරීමේ සිය දැක්ම තවදුරටත් ශක්තිමත් කරමින්, සිටිසන්ස් ඩිවලොප්මන්ට් බිස්නස් ෆිනෑන්ස් පීඑල්සී (CDB) විසින් පේරාදෙණිය විශ්වවිද්‍යාලයේ CDB Elevate AI Zone නිල වශයෙන් විවෘත කිරීම පසුගියදා සිදුකෙරුණා. ප්‍රධාන සේවාදායක කාමරයක්, පරිගණක විද්‍යාගාරයක්, උසස් තාක්ෂණික පරිගණකවලින් සමන්විත කෘතිම බුද්ධි (AI) විද්‍යාගාරයක් සහ අංග සම්පූර්ණ සම්මන්ත්‍රණ ශාලාවකින් සමන්විත මෙම නවීන ඒකකය සඳහා CDB වෙතින් රුපියල් මිලියන 40ක ආයෝජනයක් සිදු කර තිබෙනවා.
දිට්වා සුළි කුණාටුව හේතුවෙන් හානි වූ අධ්‍යාපනික යටිතල පහසුකම් යළි ස්ථාපිත කරමින් හා නවීකරණය කරමින් සිදුකළ මෙම වැඩසටහන මඟින් පේරාදෙණිය විශ්වවිද්‍යාලයේ සිසුන් 15,000කට අධික පිරිසකට ප්‍රතිලාභ සැලසී තිබෙනවා.
දිට්වා සුළි කුණාටුව හේතුවෙන් විශ්වවිද්‍යාලයේ පැවති තොරතුරු තාක්ෂණ විද්‍යාගාරයට සැලකිය යුතු හානි සිදුවීම හේතුවෙන්, සිසුන්ට අත්‍යාවශ්‍ය පරිගණක පහසුකම් වෙත ප්‍රවේශ වීම සීමා වී තිබුණි. සිසුන්ගේ අධ්‍යයන කටයුතු සඳහා තීරණාත්මක අවස්ථාවක ඇතිවූ මෙම තත්ත්වය හඳුනා ගනිමින් CDB විසින් එම පහසුකම් යළි ගොඩනැංවීමට සහ අවශ්‍ය උපකරණවලින් විශ්වවිද්‍යාලය නැවත සවිබල ගැන්වීමට ඉදිරිපත් විය. එම ක්‍රියාවලියේදී ඉගෙනුම් යටිතල පහසුකම් සහිත පරිසරය AI තාක්ෂණයෙන් සවිබල ගැන්වූ පරිසරයක් ලෙස නිර්මාණය කර තිබීම විශේෂත්වයක්.
මෙම ව්‍යාපෘතිය පිළිබඳ අදහස් දක්වමින් CDB ප්‍රධාන විධායක නිලධාරී මහේෂ් නානායක්කාර මහතා මෙසේ සඳහන් කළා.
“CDBහී අප විශ්වාස කරන්නේ ශ්‍රී ලංකාවේ අනාගතය වෙනුවෙන් සිදු කළ හැකි සුවිශේෂී ආයෝජනයක් වන්නේ අධ්‍යාපනය සඳහා සිදුකරන ආයෝජනයන් බවයි. දිට්වා සුළි කුණාටුව හේතුවෙන් පේරාදෙණිය විශ්වවිද්‍යාලයේ සිසුන් දහස් ගණනකගේ ඉගෙනුම් පරිසරයට බාධා එල්ල වූ අවස්ථාවේදී, අහිමි වූ දේ යළි ස්ථාපිත කිරීමෙන් ඔබ්බට ගොස් වඩාත් යහපත් දෙයක් නිර්මාණය කිරීමට අවශ්‍ය බව අපි දුටුවා.
“CDB Elevate AI Zone යනු අවශ්‍ය අවස්ථාවලදී අපගේ ප්‍රජාවන් සවිබල ගැන්වීමට සහ ගොඩනැගීමට CDB සතු අඛණ්ඩ කැපවීමේ පිළිබිඹුවකි. එමෙන්ම, අනාගත පරපුරට සාර්ථකව ඉදිරියට යාම සඳහා අවශ්‍ය ඩිජිටල් සහ AI තාක්ෂණික දැනුම, මෙවලම් සහ අවස්ථා ලබාදීම සඳහා අප දරන කැපවීමද මෙය තවදුරටත් තහවුරු කරයි.”
CDBහී සමාජීය වගකීම් සහිත උපායමාර්ගික මූලිකාංග යටතේ, ප්‍රජා සංවර්ධනයට දායකත්වය ලබාදෙන ක්ෂේත්‍ර තුළ ක්‍රියාත්මක වන අධ්‍යාපනය හා සාක්ෂරතා සංවර්ධනයේ කොටසක් ලෙස CDB Elevate AI Zone ස්ථාපිත කර තිබේ. ශ්‍රී ලංකාව පුරා අධ්‍යාපනය සහ ඩිජිටල් ඉගෙනුම් යටිතල පහසුකම් සඳහා සමාන ප්‍රවේශයක් ලබාදීමට CDB දීර්ඝකාලීනව දක්වන කැපවීම මෙම වැඩසටහන තුළින් ද පිළිබිඹු වනවා.
මේ වන විට ක්‍රියාත්මක වී තිබෙන CDB Elevate AI Zone සිසුන් සඳහා විවෘතව ඇති අතර, ඔවුන්ගේ අධ්‍යයන කටයුතු අඛණ්ඩව සිදුකරගෙන යාම සඳහා නවීන තොරතුරු තාක්ෂණ යටිතල පහසුකම් සහ AI තාක්ෂණයෙන් සවිබල ගැන්වූ ඉගෙනුම් මෙවලම් ද අර්ථවත් හා ඉහළ බලපෑමක් සහිත ප්‍රජා සහාය හරහා ජාතියේ අනාගතය වෙනුවෙන් ආයෝජනය කිරීමට කැපවී සිටින වගකීම් සහගත ආයතනික පුරවැසියෙකු ලෙස CDBහී භූමිකාවද යළි තහවුරු කරයි.
මේ පිළිබඳ අදහස් දක්වමින් පේරාදෙණිය විශ්වවිද්‍යාලයේ උපකුලපති මහාචාර්ය ටෙරන්ස් මධුජිත් මහතා මෙසේ ප්‍රකාශ කළා.
“දිට්වා සුළි කුණාටුව හේතුවෙන් සිසුන්ගේ අත්‍යාවශ්‍ය පරිගණක පහසුකම් වෙත ප්‍රවේශයට සැලකිය යුතු බාධාවක් ඇති වූයේ ඔවුන්ට එවැනි පහසුකම් වඩාත් අවශ්‍ය වූ අවස්ථාවකදීය. CDB විසින් කඩිනමින් ලබාදුන් මෙම සහය හේතුවෙන් හානියට පත්වූ පහසුකම් යළි ස්ථාපිත කිරීමට පමණක් නොව, ඊට පෙර පැවති තත්ත්වයට වඩා ඉහළ මට්ටමේ ඉගෙනුම් පරිසරයක් වෙත අපගේ සිසුන්ට ප්‍රවේශය ලබාදීමට හැකි වී තිබේ.
සැලසුම් කළ කාලසීමාවට බොහෝ පෙර මෙම ව්‍යාපෘතිය අවසන් කිරීමත් සමඟ, මෑත ඉතිහාසයේ ආයතනයක් විසින් පේරාදෙණිය විශ්වවිද්‍යාලය වෙනුවෙන් සිදු කළ විශාලතම ආයෝජනවලින් එකක් ලෙස මෙය හැඳින්විය හැකියි. මෙය CDBහී කැපවීමේ පරිමාණය පිළිබඳ පැහැදිලි සාක්ෂියකි. මෙම හවුල්කාරිත්වය සහ අපගේ සිසුන්ගේ අනාගතය වෙනුවෙන් CDB අඛණ්ඩව සිදුකරන ආයෝජනය පිළිබඳව අපගේ හදපිරි කෘතඥතාව පළ කරමු.”
සිටිසන් ඩිවලොප්මන්ට් බිස්නස් ෆිනෑන්ස් පීඑල්සී පිළිබඳව
සිටිසන් ඩිවලොප්මන්ට් බිස්නස් ෆිනෑන්ස් පීඑල්සී ශ්‍රී ලංකාවේ විශාලතම බැංකු නොවන මූල්‍ය ආයතන අතරට එක්වන ප්‍රමුඛ මූල්‍ය ආයතනයකි. මූල්‍ය සේවා ක්ෂේත්‍රයේ නවෝත්පාදනය, තිරසාරභාවය සඳහා වූ අඛණ්ඩ කැපවීම සහ විශිෂ්ට ආයතනික පාලන ප්‍රමිතීන් අනුගමනය කිරීම සම්බන්ධයෙන් CDB පිළිගැනීමට ලක්ව තිබේ. ඩිජිටල් පරිවර්තනය කෙරෙහි අවධානය යොමු කරමින්, තිරසාර සංවර්ධන ඉලක්ක සමඟ සමපාත වන නවීන විසඳුම් හඳුන්වා දෙමින් CDB මූල්‍ය සේවා ක්ෂේත්‍රය තවදුරටත් නව මාවතකට යොමු කරමින් සිටී.
