දේශීය මූල්‍ය සමාගමක් වන සියපත ෆිනෑන්ස් පීඑල්සී, සිය 68 වැනි ශාඛාව කොළඹ දිස්ත්‍රික්කයේ තලවතුගොඩ ප්‍රදේශයේදී සාර්ථකව විවෘත කරමින් බස්නාහිර පළාත තුළ සිය ව්‍යාපාරික මෙහෙයුම් සහ පාරිභෝගික සේවා ජාලය තවදුරටත් පුළුල් කළේය. අගනුවර ආශ්‍රිතව වේගයෙන් සංවර්ධනය වෙමින් පවතින උපනගරයක් වන තලවතුගොඩ, බත්තරමුල්ල පරිපාලන කේන්ද්‍රස්ථානයටද ආසන්නව පිහිටා තිබීම හේතුවෙන් වැදගත් ව්‍යාපාරික හා නේවාසික කේන්ද්‍රස්ථානයක් බවට පත්වෙමින් පවතී. තවද මෙම නව ශාඛාව හරහා එම ප්‍රදේශයේ ජනතාවට ඔවුන්ගේ අවශ්‍යතාවන්ට ගැළපෙන, පාරිභෝගික කේන්ද්‍රීය මූල්‍ය විසඳුම් වෙත වඩාත් පහසු සහ පුළුල් ප්‍රවේශයක් හිමි වේ.
මෙම නව ශාඛාව සියපත ෆිනෑන්ස් පීඑල්සී අධ්‍යක්ෂවරුන් වන ජයනාත් ගුණවර්ධන, ශ්‍රියානි රණතුංග සහ සියපත ෆිනෑන්ස් පීඑල්සී ප්‍රධාන විධායක නිලධාරී (CEO) මතිෂ හේවාවිතාරණ යන මහත්ම මහත්මීන්ගේ සහභාගිත්වයෙන් නිල වශයෙන් විවෘත විය. එම අවස්ථාව සඳහා ප්‍රධාන මෙහෙයුම් නිලධාරී (COO) රජීව් ද සිල්වා මහතා, “සියපත ශිල්පලෝක” පිදුම් ලැබූ පන්නිපිටිය ධර්මපාල විද්‍යාලයේ ශිෂ්‍ය මෙතුක මල්හිරු, ජ්‍යෙෂ්ඨ කළමනාකාරීත්ව සාමාජිකයන් සහ කාර්ය මණ්ඩලය ද මෙම අවස්ථාව සමඟ එක්විය. තවද, ග්‍රාම නිලධාරී ගමගේ රුවන්මිණි මහතා, වෙළෙඳ සංගම් සභාපති සම්පත් ගුරුසිංහ මහතා, රාජ්‍ය හා පෞද්ගලික බැංකු සහ රක්ෂණ සමාගම් නියෝජිතයන් ඇතුළු විශාල පිරිසක්ද මෙම අවස්ථාව සමඟ එක්විය.
මෙම අවස්ථාව සම්බන්ධයෙන් සියපත ෆිනෑන්ස් පීඑල්සී හි ප්‍රධාන විධායක නිලධාරි මතිෂ හේවාවිතාරණ මහතා මෙසේ අදහස් දැක්වීය. “තලවතුගොඩ ජනතාව වෙත සියපත ෆිනෑන්ස් වඩාත් සමීපව රැගෙන ඒම පිළිබඳව අපි සතුටු වෙමු. විශේෂයෙන් පසුගිය දශකය පුරා ශීඝ්‍රයෙන් සංවර්ධනය වී ඇති මෙම ප්‍රදේශයේ වැටුප් ලබන පවුල්, වෘත්තිකයන් සහ කුඩා පරිමාණ ව්‍යාපාර සංඛ්‍යාව ඉහළ යමින් පවතින අතර, ඔවුන්ගේ මූල්‍ය අවශ්‍යතාද දිනෙන් දින වඩාත් සංකීර්ණ වෙමින් පවතී. සෑම විටම මෙන්, අප සේවය කරන සෑම ප්‍රජාවකගේම ජීවන තත්ත්වය ඉහළ නැංවීමට සැබෑ දායකත්වයක් ලබාදීම අපගේ අරමුණයි. තවද තලවතුගොඩ ප්‍රදේශයේ අපගේ ගනුදෙනුකරුවන් සමඟ දීර්ඝකාලීන සහ ශක්තිමත් සබඳතා ගොඩනඟා ගැනීමට අපි බලාපොරොත්තු වෙමු.”
නිරන්තරයෙන් වෙනස් වන ව්‍යවසායකයින්ගේ, කුඩා හා මධ්‍ය පරිමාණ ව්‍යාපාරිකයින්ගේ (SMEs) සහ පුද්ගල මූල්‍ය අවශ්‍යතා සපුරාලීම සඳහා නිර්මාණය කර ඇති පුළුල් මූල්‍ය හා සේවා පරාසයකින් සමන්විත තලවතුගොඩ ශාඛාව, ලීසිං පහසුකම්, ස්ථාවර තැන්පතු, ඉතුරුම් පහසුකම්, රන් ණය, ව්‍යාපාරික ණය, පුද්ගලික ණය, Fast Draft, ෆැක්ටරින් සහ සමාගම් බිල්පත් ගෙවීමේ පහසුකම වන Smart Pay ඇතුළු නම්‍යශීලී මූල්‍ය විසඳුම් රැසක් පාරිභෝගිකයින් වෙත ලබා දෙනු ඇත.
සම්පත් බැංකු සමූහයේ පූර්ණ හිමිකාරීත්වය යටතේ ක්‍රියාත්මක වන විශාලතම අනුබද්ධිත සමාගම වන සියපත ෆිනෑන්ස් පීඑල්සී, වර්තමානය වන විට දිවයින පුරා සක්‍රීය ශාඛා 68ක ජාලයක් ඔස්සේ සාර්ථකව මෙහෙයුම් කාර්යයන් දියත් කරමින්, ශ්‍රී ලංකාවේ ප්‍රමුඛ බැංකු නොවන මූල්‍ය ආයතනයක් බවට පත්ව ඇත. තවද, Fitch Ratings ආයතනය විසින් සමාගමට National Long-Term Rating of ‘A(lka)’ ශ්‍රේණිගත කිරීම Stable Outlook සමඟ ප්‍රදානය කර ඇති අතර, එය සමාගමේ ශක්තිමත් මූල්‍ය ස්ථාවරත්වය සහ ඉදිරි වර්ධන ගමන්මඟ පිළිබඳ විශ්වාසනීයත්වය තහවුරු කරයි. පසුගිය වසර 21ක පුරා, සියපත ෆිනෑන්ස් පීඑල්සී, දිවයින පුරා සිටින කුඩා හා මධ්‍යම පරිමාණ ව්‍යවසායකත්වය මෙන්ම දිරියෙන් නැඟී සිටීමට වෙර දරන සැමගේ මූල්‍ය අවශ්‍යතා සපුරාලීමට ද සුවිශේෂ දායකත්වයක් ලබා දී ඇත.
(අපගේ නව සේවාවන් සම්බන්ධයෙන් වැඩිදුර තොරතුරු දැනගැනීම සඳහා 534/4, මාදිවෙල පාර, තලවතුගොඩ යන ලිපිනයේ පිහිටා ඇති අපගේ තලවතුගොඩ ශාඛාවට පැමිණ හෝ 011-7908810 යන දුරකථන අංකය ඔස්සේ එම ශාඛාව වෙත ඇමතීමෙන් ලබාගත හැකිය. මෙයට අමතරව අපගේ www.siyapatha.lk නිල වෙබ් අඩවිය වෙත පිවිසීමෙන්ද වැඩිදුර තොරතුරු ලබාගත හැකිය.)
-අවසානයි
Media Contact :
Name/Designation: Champika Thalgodapitiya
Manager – Branding & Communication
Mobile No.: 0773 856 757
Email Address: [email protected]
