JXG (ජනශක්ති සමූහ ව්යාපාරය) හි අනුබද්ධ සමාගමක් වන ජනශක්ති ෆිනෑන්ස් පී.එල්.සී., 2026 මාර්තු 31 දිනයෙන් අවසන් වූ මූල්ය වර්ෂය සඳහා ශක්තිමත් කාර්යසාධනයක් වාර්තා කරගෙන තිබේ. දෛනික මෙහෙයුම් සාර්ථක ලෙස ක්රියාවට නංවමින් ව්යාපාර කටයුතු අඛණ්ඩව පුළුල් කරන අතරම සිය ප්රධාන ණය දීම් සහ තැන්පතු සේවාවන් සම්බන්ධයෙන් පැවති යහපත් ප්රවණතාව අඛණ්ඩව පවත්වාගැනීමට සමාගමට හැකියාව ලැබිණි. ආර්ථික ක්රියාකාරකම් වැඩිදියුණු වීම සහ ණය සඳහා පැවති ඉල්ලුම ඉහළ යාම මෙන්ම මෙහෙයුම් කටයුතු විධිමත්ව පවත්වා ගනිමින් සේවා එකතුව සුපරීක්ෂාකාරී ලෙස කළමනාකරණය කරගැනීම හේතුවෙන් සමාගමේ කාර්යසාධනය තවදුරටත් වර්ධනය කරගැනීමට හැකි වී තිබේ.
විගණනය නොකළ අන්තර්වාර මූල්ය ප්රකාශන අනුව, 2026 මාර්තු 31 වන දිනෙන් අවසන් වූ මාස 12 සඳහා සමාගම රුපියල් මිලියන 564 ක බදු පෙර ලාභයක් වාර්තා කරගෙන තිබෙන අතර එය පසුගිය මූල්ය වර්ෂයේ වාර්තා වූ රුපියල් මිලියන 348 ක නැවත ප්රකාශිත බදු පෙර ලාභයට සාපේක්ෂව 62% ක කැපීපෙනෙන වර්ධනයකි. ව්යාපාර කටයුතුවල ප්රමාණාත්මක වර්ධනයන් සිදුවීම, මෙහෙයුම් කාර්යසාධනය වැඩිදියුණු වීම සහ ප්රධාන වෙළඳපොළ කාණ්ඩ පුළුල් වීම හේතුවෙන් ශුද්ධ මෙහෙයුම් ආදායම 35% ක් වැනි සැලකිය යුතු මට්ටමකින් වර්ධනය වී රුපියල් බිලියන 3.1 ක් ලෙස වාර්තා විය.
මෙම සමාලෝචනයට අදාළ වර්ෂය සඳහා සමාගමේ ශුද්ධ බදු පසු ලාභය (NPAT) පෙර වසරට සාපේක්ෂව 38% කින් ඉහළ ගොස් රුපියල් මිලියන 403 ක් ලෙස වාර්තා වී ඇති අතර, එය වෙනස් වන වෙළඳපොළ තත්ත්වයන් හමුවේ සමාගමේ සුපරීක්ෂාකාරී මූල්ය කළමනාකරණය සහ ක්රමෝපායන්හි සාර්ථකත්වය පිළිබිඹු කරයි. සමාගමේ 4 වන කාර්තුවේ කාර්යසාධනය එහි ධනාත්මක වර්ධන ප්රවණතාව තවදුරටත් ශක්තිමත් කළ අතර, එම කාර්තුවේ බදු පෙර ලාභය පෙර වසරට සාපේක්ෂව 17% කින් ඉහළ ගොස් රුපියල් මිලියන 175 ක් ලෙස වාර්තා විය. එමෙන්ම 4 වන කාර්තුවේ බදු පෙර ලාභය පෙර වසරට සාපේක්ෂව 39% කින් ඉහළ ගොස් රුපියල් මිලියන 163 ක් ලෙස වාර්තා වී තිබේ. කාර්තුව සඳහා ශුද්ධ මෙහෙයුම් ආදායම පසුගිය වසරේ අදාළ කාලපරිච්ඡේදයට සාපේක්ෂව 31% ක ශක්තිමත් වර්ධනයක් වාර්තා කරමින් රුපියල් මිලියන 883 ක් ලෙස වාර්තා විය.
ව්යාපාර ව්යාප්තියේ ශක්තිය සහ වර්ධනය වන වෙළඳපොළ විශ්වාසය පිළිබිඹු කරමින්, සමාගමේ ණය සහ අය විය යුතු මුදල්වල මුළු වටිනාකම 2026 මාර්තු 31 වන දින වන විට රුපියල් බිලියන 32.96 ක් ලෙස වාර්තා වූ අතර, එය පෙර වසරට සාපේක්ෂව 48% ක වර්ධනයකි. සමාගමේ ප්රධාන ණය අංශ පුළුල් වීම, සේවා එකතුව දිගින් දිගටම විවිධාංගීකරණය වීම සහ ණය වර්ධනය සම්බන්ධයෙන් විධිමත් ප්රවේශයක් අනුගමනය කිරීම යන සාධක මෙම වර්ධනයට හේතු වී තිබේ. ගනුදෙනුකරුවන්ගේ විශ්වාසය තහවුරු වීම සහ ආවරණ පරාසය රට පුරා ව්යාප්ත කිරීම හේතුවෙන් තැන්පතු 14% කින් වර්ධනය වී රුපියල් බිලියන 18.2 ක් ලෙස වාර්තා විය.
3 වන කාර්තුවේ කාර්යසාධනයට සාපේක්ෂව 4 වන කාර්තුවේදී සමාගමේ බොහෝ අංශ වර්ධනයක් පෙන්නුම් කර තිබේ. එහිදී බදු පෙර ලාභය 18% කින්, ශුද්ධ බදු පසු ලාභය 66% කින් සහ ශුද්ධ මෙහෙයුම් ආදායම 12% කින් වර්ධනය වී ඇති අතර, මෙය නව වසරක් වෙත පියනැගීමට ආසනයේදී සමාගමේ මෙහෙයුම්වල ඉදිරිගාමී ප්රවණතාව සහ ඉපැයුම් ශක්තිය මැනැවින් පිළිබිඹු කරයි.
“මෙම වසරේ කාර්යසාධනය අපගේ ව්යාපාර ආකෘතියේ ශක්තිය සහ දීර්ඝකාලීන ක්රමෝපායන්හි සාර්ථකත්වය මැනැවින් පිළිබිඹු කරනවා. ආර්ථිකය නැවත වේගවත් වෙමින් පවතින තත්වයක් තුළ, සියලුම පාර්ශ්වකරුවන්ට තිරසාර ප්රතිලාභ පිරිනමන විශ්වාසනීය සහ ඉදිරිගාමී බැංකු නොවන මූල්ය ආයතනයක් ලෙස සිය භූමිකාව තවදුරටත් ශක්තිමත් කරගැනීමට හැකි ලෙස ජනශක්ති ෆිනෑන්ස් හොඳින් ස්ථානගත වී තිබෙන බව පැහැදිලියි.” ජනශක්ති ෆිනෑන්ස් පී.එල්.සී. සමාගමේ සභාපති රාජේන්ද්ර ත්යාගරාජා මහතා පැවසීය.
“සේවාවන් එකතුව පුළුල් වීම, මෙහෙයුම් ගම්යතාව වැඩිදියුණු වීම සහ පාරිභෝගික විශ්වාසය ක්රමයෙන් වර්ධනය වීම වැනි සාධක නිසා 4 වන කාර්තුවේදී මෙවැනි ශක්තිමත් කාර්යසාධනයක් වාර්තා කරගැනීමට අපට හැකි වී තිබෙනවා. ඉදිරියේදී ගුණාත්මක වර්ධනයක් ඉලක්ක කර ගනිමින් අපගේ සේවාවන් ලබාගැනීම වඩාත් පහසු කිරීමටත්, මෙහෙයුම්වල කාර්යක්ෂමතාව වැඩිදියුණු කිරීමටත්, රටේ ගනුදෙනුකරුවන්ගේ වෙනස් වන අවශ්යතාවන්ට ගැළපෙන නව්ය හා පාරිභෝගික කේන්ද්රීය මූල්ය විසඳුම් හඳුන්වා දීමටත් අප සූදානම්.” ජනශක්ති ෆිනෑන්ස් පී.එල්.සී. සමාගමේ ප්රධාන විධායක නිලධාරී සිදම්බරම් ශ්රී ගනේන්ද්රන් මහතා පැවසීය.
කාර්තුමය වශයෙන් සාර්ථක ප්රතිඵල වාර්තා වීම, ණය සේවා එකතුව වේගයෙන් පුළුල් වීම සහ තැන්පතු පදනම අඛණ්ඩව ශක්තිමත් වීම ආදිය ඔස්සේ Janashakthi Finance නව මූල්ය වර්ෂයට සාර්ථක ආරම්භයක් ලබාගෙන තිබේ. වෙළඳපොළ ක්රියාකාරීත්වය තවදුරටත් ශක්තිමත් කරමින්, මෙහෙයුම් කාර්යක්ෂමතාව වැඩිදියුණු කරමින් සහ නව්ය මූල්ය විසඳුම් ඔස්සේ ශ්රී ලංකාවේ ක්රමයෙන් වෙනස් වන ආර්ථික ක්රියාවලියට අර්ථවත් දායකත්වයක් ලබාදෙමින්, සිය කොටස් හිමියන් සහ හවුල්කරුවන් වෙනුවෙන් දීර්ඝකාලීන ප්රතිලාභ පිරිනැමීම සමාගමේ අරමුණ වී ඇත.
ජනශක්ති ෆිනෑන්ස් පී එල් සී පිළිබඳව
ජනශක්ති ෆිනෑන්ස් පී එල් සී සමාගම සිය ගනුදෙනුකරුවන්ගේ අවශ්යතාවන්ට ගැළපෙන පරිදි ස්ථාවර තැන්පතු, ඉතුරුම් ගිණුම්, කල්බදු (ලීසිං), රන් ණය (උකස් ඒවා), විකල්ප ,මූල්ය විසඳුම් සහ ආයතනික මූල්ය සේවා ඇතුළු විසඳුම් හා සේවාවන් රාශියක් පිරිනමයි. මෙරට මූල්ය සේවා ක්ෂේත්රය තුළ වසර 44 ක ශක්තිමත් හා ස්ථාවර උරුමයක් එම සමාගම සතුය. නවෝත්පාදනයට මුල් තැන දෙමින් ගනුදෙනුකරුවන්ට විශිෂ්ටතම මූල්ය විසඳුම් හා සේවා සම්පාදකයෙකු ලෙස ගනුදෙනුකරුවන් අතර විශාල පිළිගැනීමක් හිමි කර ගැනීමට ජනශක්ති ෆිනෑන්ස් පී එල් සී සමාගම සමත් වී ඇත. JXG (ජනශක්ති සමූහ ව්යාපාරය) හි අනුබද්ධ සමාගමක් වන ජනශක්ති ෆිනෑන්ස් පී එල් සී, ශ්රී ලංකා මහ බැංකුවේ බලපත්රලාභී සමාගමක් වන අතර, Lanka Rating Agency (LRA) වෙතින් BB+ (Positive Outlook) ශ්රේණිය හිමි කරගෙන තිබේ.
ජනශක්ති ෆිනෑන්ස් පී.එල්.සී. – https://www.janashakthifinance.lk/
