සිටිසන්ස් ඩිවලොප්මන්ට් බිස්නස් ෆිනෑන්ස් පීඑල්සී (CDB) සමාගම 2026 මාර්තු 31 දිනෙන් අවසන් වූ මූල්ය වර්ෂය සඳහා තවත් ශක්තිමත් මූල්ය හා මෙහෙයුම් ප්රතිඵල වාර්තා කරමින්, රුපියල් බිලියන 200ක වත්කම් සීමාව ඉක්මවා ගොස්, රුපියල් බිලියන 4.5ක බදුවලින් පසු ලාභයක් (Profit After Tax) වාර්තා කර ඇත. එමඟින් ශ්රී ලංකාවේ ප්රමුඛතම බැංකු නොවන මූල්ය ආයතන අතර තම ස්ථානය තවදුරටත් තහවුරු කරගෙන ඇත.
සමාගමේ සමස්ත වත්කම් 37% කින් වර්ධනය වී රුපියල් බිලියන 214.7 දක්වා ඉහළ ගොස් ඇති අතර, වසර තුළ රුපියල් බිලියන 110කට අධික නව ණය නිකුත් කිරීම් මඟින් සහාය ලැබූ ණය ප්රමාණය (Lending Portfolio) 53% කින් වර්ධනය වී රුපියල් බිලියන 169.2 දක්වා ඉහළ ගොස් ඇත. දළ ආදායම 18% කින් වර්ධනය වී රුපියල් බිලියන 30.2 දක්වා ඉහළ ගොස් ඇති අතර, බදු පෙර ලාභය (Profit Before Tax) රුපියල් බිලියන 8.2 දක්වාත්, බදු පසු ලාභය 12% කින් වර්ධනය වී රුපියල් බිලියන 4.5 දක්වාත් ඉහළ ගොස් ඇත.
මෙම වසර තුළ වත්කම් ගුණාත්මකභාවයද සැලකිය යුතු ලෙස වැඩිදියුණු වී ඇති අතර, අක්රීය ණය අනුපාතය (Net Non-Performing Loan Ratio) පෙර වසරේ 3.1% සිට 1.53% දක්වා පහළ ගොස් ඇත. මෙය විනයගරුක ණය ප්රතිපත්ති, ශක්තිමත් කළමනාකරණය, ස්වයංක්රීය ණය තීරණ ක්රියාවලීන් සහ ස්ථාවර ආර්ථික පරිසරයක ප්රතිඵලයක් ලෙස පෙන්වා දිය හැකිය.
සමාගමේ කාර්යසාධනය පිළිබඳ අදහස් දක්වමින් සභාපති ඇලස්ටෙයාර් කොරෙරා මහතා ප්රකාශ කළේ, “2025/26 මූල්ය වර්ෂයේ අප ලබාගත් ජයග්රහණ හුදෙක් හිතකර වෙළඳපොළ තත්ත්වයන්ගේ ප්රතිඵලයක් නොවෙයි. එය අපගේ උපායමාර්ගික ක්රියාවන්, විනයගරුක පාලන ක්රමවේද සහ වසර ගණනාවක් පුරා අපගේ හැකියාවන් ශක්තිමත් කිරීම සඳහා කළ ආයෝජනවල ප්රතිඵලයකි. රුපියල් බිලියන 200ක වත්කම් සීමාව ඉක්මවා ගිය CDB දැන් තම මීළඟ උපායමාර්ගික වර්ධන අදියර කරා යාමට සූදානම්” යනුවෙනි.
තවද, මුදල් රැස් කිරීමේ සහ කළමනාකරනය කිරීමේ උපායමාර්ගය, අවදානම් කළමනාකරණ රාමුව සහ තිරසාරත්වය සඳහා සමාගම දක්වන කැපවීම මෙම අරමුදල් ඉහළ නංවා ඇති බවත්, එමඟින් ශේෂ පත්රයේ (Balance Sheet) ක්රමානුකූලත්වයට දායක වූ බවත් සභාපතිවරයා සඳහන් කළේය.
කළමනාකාර අධ්යක්ෂ සහ ප්රධාන විධායක නිලධාරී මහේෂ් නානායක්කාර මහතා 2025/26 මූල්ය වර්ෂය CDB ඉතිහාසයේ වඩාත්ම වැදගත් වසරවලින් එකක් ලෙස ප්රකාශ කළේය.
“දශක දෙකකට පෙර අපගේ ගමන ආරම්භ කරන විට CDB හි වත්කම් පදනම රුපියල් බිලියන 1කටත් අඩු විය. අද අපි රුපියල් බිලියන 214ක වත්කම් සහිත, ශක්තිමත් මූල්ය පදනමක්, විවිධත්වයෙන් යුතු අරමුදල් මාර්ග, වැඩිදියුණු වන වත්කම් ගුණාත්මකභාවය, ඩිජිටල් ප්රවණතාවයන් සහ අනාගත වර්ධනය සඳහා පැහැදිලි සැලැස්මක් සහිත ආයතනයක් ලෙස පෙනී සිටිමු” යනුවෙන් ඔහු පැවසීය.
ආයතනයේ මීළඟ සංවර්ධන අදියරේදී පරිමාණය (Scale) පමණක් නොව, ලාභදායීත්වය වැඩිදියුණු කිරීම, ප්රාග්ධන කාර්යක්ෂමතාව ඉහළ නැංවීම, ප්රතිලාභ ශක්තිමත් කිරීම සහ පාර්ශ්වකරුවන් සඳහා දිගුකාලීන වටිනාකම් නිර්මාණය කිරීම කෙරෙහි වැඩි අවධානයක් යොමු කරන බවද ඔහු සඳහන් කළේය.
මෙම වසරේ වැදගත් උපායමාර්ගික පියවරක් ලෙස, AI තාක්ෂණික ක්රමවේද මත පදනම් වූ ආයතනයක් බවට පරිවර්තනය වීමට CDB තීරණය කළේය. ඒ සඳහා සේවකයින්ට උසස් මට්ටමේ AI තාක්ෂණය භාවිතයේ හැකියාවන් ලබාදීම, ව්යාපාරික කාර්යයන් හා පාරිභෝගික ගමන් මාර්ග තුළ AI තාක්ෂණය ඒකාබද්ධ කිරීම සහ සංකීර්ණ ක්රියාවලීන් ස්වයංක්රීය කිරීමට Agentic AI විසඳුම් භාවිත කිරීම ඇතුළත් පුළුල් සැලැස්මක් සකස් කර ඇත.
CDB SELF ඩිජිටල් ක්රමවේදය භාවිත කරන්නන් සංඛ්යාව වසරින් වසර 93% කින් ඉහළ ගොස් ඇති අතර, සමස්ත පාරිභෝගික ගනුදෙනු වලින් 74% ක් ඩිජිටල් මාර්ග ඔස්සේ සිදු වී ඇත.
මූල්ය කාර්යසාධනයෙන් ඔබ්බට ගොස්, සිය වටිනාකම් නිර්මාණ ආකෘතිය හරහා සියලුම පාර්ශ්වකරුවන් සඳහා ලබා දීමද CDB අඛණ්ඩව සිදු කළේය.
ප්රජා සංවර්ධන වැඩසටහන් සඳහා රුපියල් මිලියන 49ක් ආයෝජනය කර ඇති අතර, ස්මාර්ට් පරිගණක මධ්යස්ථාන වැඩසටහන දිස්ත්රික්ක සියල්ල පුරා ව්යාප්ත කිරීම, ඕටිසම් වලට පෙර සූදානම යනාදී වැඩසටහන් ඉදිරියට ගෙන යාම සහ සිසුදිරි ශිෂ්යත්ව වැඩසටහන හරහා අධ්යාපන සහයෝගය ශක්තිමත් කිරීම සිදු කර ඇත.
CDB සිය හරිත මූල්යකරණ ක්රමවේදය රුපියල් බිලියන 31 ඉක්මවා ව්යාප්ත කරමින්, පුනර්ජනනීය බලශක්තිය, විදුලි ප්රවාහන විසඳුම්, දේශගුණික විපර්යාසයන්ට මුහුණදීම සහ තිරසාර ආර්ථික සංවර්ධනය සඳහා සහාය ලබා දී ඇත. ඉදිරි වසර පහ තුළ කාබන් තීව්රතාව 30% කින් අඩු කිරීමේ අරමුණට අනුකූලව, තීරණ සහ අවදානම් තක්සේරු ක්රියාවලීන් තුළ පරිසර හිතකාමී සලකා බැලීම් ඒකාබද්ධ කර ඇත.
තිරසාර ආයතන ගොඩනැගෙන්නේ නායකත්වයේ අඛණ්ඩතාව මත බව හඳුනාගෙන, වසර ගණනාවක් පුරා සංවර්ධනය කළ මෙම වැඩසටහන ජාත්යන්තර මට්ටමට ගෙන යමින්, නායකත්ව සංවර්ධනය සහ වගකීම් දැරීම හරහා ඊළඟ පරපුරේ නායකයින් සූදානම් කිරීම කෙරෙහි අවධානය යොමු කරමින් සිටී.
CDB පිළිබඳව
ගෝලීය වෙනස්කම් මධ්යයේ ශ්රී ලංකාව, ආර්ථික ප්රකෘතියක් කරා ගමන් කරන මෙම අවස්ථාවේදී, CDB 2026/27 මූල්ය වර්ෂයට පිවිසෙන්නේ ශක්තිමත් පදනමකිනි. ශක්තිමත් මූල්ය තත්ත්වය, විවිධත්වයෙන් යුත් අරමුදල් පදනම, වැඩිදියුණු වන වත්කම් ගුණාත්මකභාවය, ඩිජිටල් ප්රවණතාවන්, ශක්තිමත් තිරසාරත්ව රාමුව සහ AI තාක්ෂණය මත පදනම් වූ නව සැලැස්ම සමඟින්, සියලු පාර්ශ්වකරුවන් සඳහා තිරසාර වටිනාකම් නිර්මාණය කිරීම පිළිබඳව සමාගම විශ්වාසයෙන් පසුවෙයි.
