ශ්රී ලාංකේය ප්රමුඛ මූල්ය සමාගමක් වන සියපත ෆිනෑන්ස් පීඑල්සී, සිය 65 වන ශාඛාව යාපනය චුන්නාකම් ප්රදේශයේ අති සාර්ථක අයුරින් විවෘත කරමින්, උතුරු පළාත තුළ මෙහෙයුම් ජාලය තවදුරත් ශක්තිමත් කර ඇත.
මෙම නව ශාඛාව විවෘත කිරීම සියපත ෆිනෑන්ස් පීඑල්සී හි ප්රධාන විධායක නිලධාරි මතීෂ හේවාවිතාරණ මහතා අතින් සිදු වූ අතර, මෙම අවස්ථාව සඳහා ප්රධාන මෙහෙයුම් නිලධාරි රජිව් ද සිල්වා මහතා, අලවෙඩ්ඩ් අරුණෝදය විද්යාලයේ ඉගෙනුම ලබන සමස්ථ ලංකා පාසල් ශූරතාවලියේදී වයස අවුරුදු 18න් පහළ කාන්තා රිටිපැනීමේ ශූරතාවය දිනාගත පී. ෂම්මුගප්රියා මෙනෙවිය, ජ්යෙෂ්ඨ කළමනාකාරිත්වය සහ කාර්ය මණ්ඩල සමාජිකයින් මෙන්ම චුන්නාකම් පොලිිසියේ සහකාර පොලිස් අධිකාරි නලින් ඩිලුක් මහතා, වෙළෙඳ සංගමේ සාමාජික ආනන්දරූබන් මහතා, ඇතුළු රාජ්ය සහ පෞද්ගලික බැංකු සහ රක්ෂණ සමාගම් නියෝජිතයින් ඇතුළු විශාල පිරිසක් ද මෙම අවස්ථාව සමඟ එක්විය.
මෙම උත්සව අවස්ථාව අමතමින් සියපත ෆිනෑන්ස් හි ප්රධාන විධායක නිලධාරි මතීෂ හේවාවිතාරණ මහතා මෙසේ අදහස් දැක්වීය. “යාපනය අර්ධද්වීපයේ වලිකාමම් ප්රදේශයේ කේන්ද්රස්ථානය ලෙස සැළකෙන චුන්නාකම් නගරය, වේගයෙන් සංවර්ධනය වෙමින් පවතින නගරයක් ලෙසත්, විදේශ ප්රේෂණ මගින් සැලකිය යුතු ලෙස ශක්තිමත් වන ඉහළ ආර්ථික හැකියාවකින් යුතු ප්රදේශයක් ලෙසත් අපගේ අවධානයට මුලින්ම ලක් විය. පසුගිය වසර කිහිපය තුළ මෙම ප්රදේශය දිස්ත්රික්කයේ ප්රධාන වාණිජ කේන්ද්රස්ථානයක් ලෙස වේගයෙන් වර්ධනය වී ඇත. සෑම විටම අපගේ ව්යාප්ති උපායමාර්ගය පදනම් වන්නේ එක් එක් ප්රජාවන්ගේ ජීවන තත්ත්වය නංවාලීම සඳහා අප විසින් සිදු කරන බලපෑම සහ එම අරමුණ සාක්ෂාත් කර ගැනීම සඳහා අප දක්වන කැපවීමයි. මෙම ප්රදේශයේ මෙන්ම සමස්ත රටේම ජනතාවට මූල්ය ස්වාධීනත්වය, ස්ථාවරත්වය සහ වර්ධනය සඳහා නව අවස්ථා නිර්මාණය කිරීමට හැකිවීම අපට මහත් වූ ගෞරවයකි. මෙම මෙහෙවරේ කොටස්කරුවන් වූ සියලු දෙනා වෙත මාගේ අවංක කෘතඥතාව පළ කරමි.”
නිරන්තරයෙන් වෙනස් වන ව්යවසායකයින්ගේ, කුඩා හා මධ්ය පරිමාණ ව්යාපාරිකයින්ගේ (SMEs) සහ පුද්ගල මූල්ය අවශ්යතා සපුරාලීම සඳහා නිර්මාණය කර ඇති පුළුල් මූල්ය හා සේවා පරාසයකින් සමන්විත චුන්නාකම් ශාඛාව, ලීසිං පහසුකම්, ස්ථාවර තැන්පතු, රන් ණය, ව්යාපාරික ණය, පුද්ගලික ණය, Fast Draft, ෆැක්ටරින් සහ සමාගම් බිල්පත් ගෙවීමේ පහසුකම වන Smart Pay ඇතුළු නම්යශීලී මූල්ය විසඳුම් රැසක් පාරිභෝගිකයින් වෙත ලබා දෙනු ඇත.
සම්පත් බැංකු සමූහයේ පූර්ණ හිමිකාරීත්වය යටතේ ක්රියාත්මක වන විශාලතම අනුබද්ධිත සමාගම වන සියපත ෆිනෑන්ස් පීඑල්සී, වර්තමානය වන විට දිවයින පුරා සක්රීය ශාඛා ජාලයක් ඔස්සේ සාර්ථකව මෙහෙයුම් කාර්යයන් දියත් කරමින්, ශ්රී ලංකාවේ ප්රමුඛ බැංකු නොවන මූල්ය ආයතනයක් බවට පත්ව ඇත. තවද, Fitch Ratings ආයතනය විසින් සමාගමට National Long-Term Rating of ‘A(lka)’ ශ්රේණිගත කිරීම Stable Outlook සමඟ ප්රදානය කර ඇති අතර, එය සමාගමේ ශක්තිමත් මූල්ය ස්ථාවරත්වය සහ ඉදිරි වර්ධන ගමන්මඟ පිළිබඳ විශ්වාසනීයත්වය තහවුරු කරයි. පසුගිය වසර 21ක පුරා, සියපත ෆිනෑන්ස් පීඑල්සී, දිවයින පුරා සිටින කුඩා හා මධ්යම පරිමාණ ව්යවසායකත්වය මෙන්ම දිරියෙන් නැඟී සිටීමට වෙර දරන සැමගේ මූල්ය අවශ්යතා සපුරාලීලීමට ද සුවිශේෂ දායකත්වයක් ලබා දී ඇත.
අපගේ නව සේවාවන් සම්බන්ධයෙන් වැඩිදුර තොරතුරු දැනගැනීම සඳහා අංක 108, මුකන්තිරන් නාරායනර් වීදිය (K.K. S Road), චුන්නාකම් යන ලිපිනයේ පිහිටා ඇති අපගේ චුන්නාකම් ශාඛාවට පැමිණ හෝ 0214658625 යන දුරකථන අංකය ඔස්සේ එම ශාඛාව වෙත ඇමතීමෙන් ලබාගත හැකිය. මෙයට අමතරව අපගේ www.siyapatha.lk නිල වෙබ් අඩවිය වෙත පිවිසීමෙන්ද වැඩිදුර තොරතුරු ලබාගත හැකිය.
