- අඛණ්ඩ තෙවැනි වසරටත් පැවැත්වෙන Monthly Medal හවුල්කාරිත්වය, CDB Private Wealth හඳුන්වාදීමට සුදුසුම වේදිකාවක් බවට පත්වෙයි.
Citizens Development Business Finance PLC (CDB) සහ Royal Colombo Golf Club (RCGC) අතර පවතින ශක්තිමත් හවුල්කාරිත්වය අඛණ්ඩව තෙවැනි වසරටත් ඉදිරියට ගෙන යමින්, CDB Monthly Medal – September Edition 2026 පිළිබඳ දැනුවත් කිරීමේ මාධ්‍ය හමුවක් 2026 අගෝස්තු 05වනදා Royal Colombo Golf Clubහීදී පැවැත්විණි. මෙවර CDB Monthly Medal තරගාවලිය සුවිශේෂී වන්නේ, ඉහළ මට්ටමේ මූල්‍ය හා ආයෝජන අවශ්‍යතා සහිත පුද්ගලයන් සහ ව්‍යාපාරිකයන් වෙනුවෙන් CDB හඳුන්වා දෙන නවතම නව මූල්‍ය සේවා සංකල්පය, CDB Private Wealth දියත් කිරීම සඳහා ද මෙය ප්‍රමුඛ වේදිකාවක් බවට පත්වීම හේතුවෙනි.
වසර තුනක් පුරා ගොඩනැගුණු CDB සහ RCGC අතර මෙම හවුල්කාරිත්වය අද වන විට ගොල්ෆ් තරගාවලියකට පමණක් සීමා නොවී, ශ්‍රී ලංකාවේ ව්‍යාපාරික හා වෘත්තීය ප්‍රජාව සමඟ අර්ථවත් සහ දිගුකාලීන සබඳතා ගොඩනැගීම සඳහා වන සුවිශේෂී වේදිකාවක් බවට පත්ව තිබේ.මෙවර September Monthly Medal තරගාවලිය CDB Private Wealth හඳුන්වාදීමට මෙන්ම එහි සේවා පිළිබඳව අදාළ පාරිභෝගික ප්‍රජාව දැනුවත් කරමින් ඒ සමඟ සෘජුව සම්බන්ධ වීමට ද කදිම අවස්ථාවක් සලසා දෙයි.
CDB Monthly Medal – September Edition 2026 සැප්තැම්බර් 11 සහ 12 යන දෙදින පැවැත්වීමට නියමිත අතර, RCGC සාමාජිකයන් සඳහා පිරිමි සහ කාන්තා යන දෙඅංශයෙන්ම තරගාවලිය විවෘත වේ. තරගාවලියට සමගාමීව ව්‍යාපාරික සබඳතා ගොඩනැගීමේ වැඩසටහන් රැසක් ද සංවිධානය කිරීමට නියමිතයි. ඒ හරහා CDB Private Wealth සේවාව RCGC සාමාජිකයන් වෙත සෘජුව හඳුන්වාදීමට සහ ඔවුන් සමඟ වඩාත් සමීප සබඳතා ගොඩනැගීමට CDB වෙත අවස්ථාව හිමි වේ.
මාධ්‍ය හමුවේදී අදහස් දැක්වූ CDBහී කළමනාකාර අධ්‍යක්ෂ/ප්‍රධාන විධායක නිලධාරී මහේෂ් නානායක්කාර මහතා මෙසේ අදහස් දැක්විය, “Monthly Medal සමඟ අප පවත්වාගෙන යන අඛණ්ඩ හවුල්කාරිත්වය ක්‍රීඩාවකට පමණක් සීමා වූවක් නොවේ. විශිෂ්ටත්වය, විනය සහ ශක්තිමත් සබඳතා අගය කරන ප්‍රජාවක් සමඟ අර්ථවත් ලෙස සම්බන්ධ වීමට එය අපට අවස්ථාව සලසා දෙන වේදිකාවක්. මේ සියල්ල CDB Private Wealthහී අනන්‍යතාව පිළිබිඹු කරන වටිනාකම් ද වෙනවා. RCGC සමඟ අපගේ හවුල්කාරිත්වයේ තෙවැනි වසරට සමගාමීව මෙම නව සේවාව හඳුන්වාදීම, ශ්‍රී ලංකාවේ ව්‍යාපාරික ප්‍රජාව සමඟ දිගුකාලීන සබඳතා ගොඩනැගීමට අප සතු කැපවීම පිළිබිඹු කරනවා.”
Royal Colombo Golf Clubහී නායක මහේල ජයවර්ධන මහතා අදහස් දක්වමින් මෙසේ පැවසීය, “අඛණ්ඩව තෙවැනි වසරටත් RCGCහී නිල අනුග්‍රාහක ලෙස CDB එක්වීම අප ඉතා අගය කරනවා. CDB විසින් ලබාදෙන අඛණ්ඩ සහයෝගය Monthly Medal තරගාවලිය අපගේ සංගමයේ වාර්ෂික දින දර්ශනයේ වඩාත් අපේක්ෂිත තරගාවලි අතරට ගෙන ඒමට විශාල දායකත්වයක් ලබාදී තිබෙනවා. තරගයට පමණක් සීමා නොවී, මෙම හවුල්කාරිත්වය අපගේ සාමාජිකයන් සාමූහිකත්වයේ හැඟීමකින් එකට එක් කරනවා. මෙවර CDB Private Wealth හඳුන්වාදීමත් සමඟ මෙම හවුල්කාරිත්වය තවදුරටත් පුළුල් සබඳතා ගොඩනැගීමේ වේදිකාවක් ලෙස වර්ධනය වීම පිළිබඳ අපි සතුටු වෙමු.”
CDB පිළිබඳව
Citizens Development Business Finance PLC (CDB) ශ්‍රී ලංකාවේ විශාලතම බැංකු නොවන මූල්‍ය ආයතන (NBFIs) හතර අතර ප්‍රමුඛ ස්ථානයක් හිමිකරගෙන සිටී. මූල්‍ය සේවා ක්ෂේත්‍රයේ නවෝත්පාදනය, තිරසාරත්වය වෙනුවෙන් දක්වන අඛණ්ඩ කැපවීම සහ උසස් ආයතනික පාලන ප්‍රමිතීන් සම්බන්ධයෙන් CDB පුළුල් පිළිගැනීමකට ලක්ව ඇත. ඩිජිටල් පරිවර්තනය කෙරෙහි ප්‍රමුඛ අවධානයක් යොමු කරමින්, තිරසාර සංවර්ධන අරමුණු සමඟ අනුකූල නවීන මූල්‍ය විසඳුම් හඳුන්වාදීම තුළින් CDB ශ්‍රී ලංකාවේ මූල්‍ය සේවා ක්ෂේත්‍රයට නව මානයන් එක් කරමින් සිටී.
