කොළඹ, ශ්රී ලංකාව: SDB බැංකුව ආයතනික හා ව්යාපාරික බැංකු සේවා ක්ෂේත්රය තුළ සිය ස්ථාවරත්වය තවදුරටත් ශක්තිමත් කරමින්, කොළඹ 02, යූනියන් පෙදෙසේ අංක 167 දරන ස්ථානයේ නව ව්යාපාරික මධ්යස්ථානයක් විවෘත කර ඇත. කොළඹ ප්රමුඛ වාණිජ කලාපයක පිහිටි මෙම නව මධ්යස්ථානය මගින්, විශේෂිත මූල්ය විසඳුම් ලබා දීම, ආයතනික ගනුදෙනුකරුවන් සමඟ දිගුකාලීන සබඳතා වර්ධනය කිරීම සහ ව්යාපාරිකයන්, වෘත්තිකයන් මෙන්ම ඉහළ ශුද්ධ වත්කම් සහිත ගනුදෙනුකරුවන්ට වඩාත් සමීප හා පහසු බැංකු සේවාවක් ලබා දීම අරමුණු කර ඇත.
කොළඹ ප්රධාන වාණිජ කලාපයක සිය බැංකුකරණ පැවැත්ම තවදුරටත් ශක්තිමත් කරමින්, SDB බැංකුව සිය නව ව්යාපාරික මධ්යස්ථානය ස්ථාපනය කර ඇත. මෙමගින් ආයතනික කළමනාකාරීත්වය, මධ්යම හා මහා පරිමාණ ව්යවසායකයන්, ආයතනික ගනුදෙනුකරුවන් සහ ඉහළ මූල්ය වටිනාකමක් සහිත පුද්ගලයින් වෙත බැංකුව තවදුරටත් සමීප කරවීමට අපේක්ෂිතය. පැහැදිලි දැක්මක් සහ අරමුණක් සහිත මූල්ය ආයතනයක් ලෙස SDB බැංකුව, ප්රජාවන් සවිබල ගැන්වීම, ව්යවසායකත්වය ප්රවර්ධනය කිරීම සහ මෙරට සුළු හා මධ්ය පරිමාණ ව්යවසාය අංශය ශක්තිමත් කිරීම සඳහා ආයෝජන යොමු කරමින්, ව්යාපාරික පාර්ශ්වකරුවන් හා ජාතික සංවර්ධනය අතර අර්ථවත් සබඳතාවක් ගොඩනැගීමට අපේක්ෂා කරයි. මෙම නව ව්යාපාරික මධ්යස්ථානය ශ්රී ලංකාවේ ව්යාපාරික ප්රජාව සමඟ බැංකුවේ සම්බන්ධතාව තවදුරටත් පුළුල් කරන අතර, ආයතනික හා ව්යාපාරික බැංකු සේවා සමූහයේ වර්ධනය සඳහා නව මාවත් විවර කරනු ඇත.
ව්යාපාරවල විවිධ හා වෙනස් වන මූල්ය අවශ්යතාවලට ගැළපෙන පරිපූර්ණ බැංකු විසඳුම් මාලාවක් මෙම ව්යාපාරික මධ්යස්ථානය මගින් ලබා දෙයි. මීට ගනුදෙනුකරුවන්ගේ අවශ්යතාවලට අනුකූලව සකස් කළ ණය සහ තැන්පතු පහසුකම්, සබඳතා කළමනාකරණ සේවාවන්, කෙටිකාලීන ආයෝජන සහ මුදල් වෙළඳපොළ විසඳුම් මෙන්ම ව්යාපාරික මූල්ය මෙහෙයුම් වඩාත් කාර්යක්ෂම කරවන සුවිශේෂී ඩිජිටල් බැංකු පැකේජ ඇතුළත් වේ. තවද, එක් එක් ව්යාපාරයේ සුවිශේෂී අවශ්යතා හඳුනාගත් පළපුරුදු බැංකු වෘත්තිකයන්ගෙන් පෞද්ගලික උපදේශන සේවාවන් ලබා ගැනීමටද ගනුදෙනුකරුවන්ට මෙහිදී අවස්ථාව හිමිවේ.
ආයතනික බැංකු සබඳතා ශක්තිමත් කිරීමට අමතරව, මෙම නව ස්ථානය මගින් වෘත්තිකයන්, මහා පරිමාණ ධනවත් පාරිභෝගිකයන් සහ අවට වාණිජ කලාපයේ වර්ධනය වන ව්යාපාරික ප්රජාව වෙත වඩාත් හොඳින් සේවා සැපයීමට SDB බැංකුවට හැකියාව ලැබී ඇත. ව්යාපාර සංවර්ධනය ඉලක්ක කරගත් විශේෂ වැඩසටහන්, ඩිජිටල් බැංකු සේවා භාවිතය පුළුල් කිරීම සහ තිරසර ව්යාපාරික වර්ධනයට සහාය වන පරිපූර්ණ මූල්ය විසඳුම් ඔස්සේ ගනුදෙනුකරුවන් සමඟ පවතින සබඳතා තවදුරටත් වර්ධනය කිරීමට බැංකුව අපේක්ෂා කරයි.
මෙම විවෘත කිරීම පිළිබඳව අදහස් දක්වමින් SDB බැංකුවේ නියෝජ්ය ප්රධාන විධායක නිලධාරී මනෝජ් අක්මීමන මහතා මෙසේ පැවසීය. “යූනියන් පෙදෙසේ SDB ව්යාපාරික මධ්යස්ථානය විවෘත කිරීම අපගේ ව්යාපාරික බැංකුකරණය ශක්තිමත් කිරීමේ සහ ශ්රී ලංකාවේ ආයතනික ප්රජාව වෙත අපගේ දැනුම හා පළපුරුද්ද තවදුරටත් සමීප කිරීමේ වැදගත් පියවරක්. පුද්ගලීකරණය කළ සබඳතා කළමනාකරණය, සුවිශේෂී ව්යාපාරික අවශ්යතාවලට සරිලන මූල්ය විසඳුම් සහ නවීන ඩිජිටල් හැකියාවන් එකට එක් කරමින්, තිරසර වර්ධනය අපේක්ෂා කරන කුඩා, මධ්යම සහ මහා පරිමාණ ව්යාපාර සඳහා අවශ්ය සහාය ලබා දීමට අපි සූදානම්. විශ්වාසය, ප්රවේශ පහසුව සහ අගය මත පදනම් වූ ශක්තිමත් හා දිගුකාලීන බැංකු සබඳතා ගොඩනැගීම ද මෙම ප්රවේශයේ ප්රධාන අරමුණක්. මෙම ව්යාපාරික මධ්යස්ථානය අපගේ ඉදිරි දැක්ම, විශිෂ්ටත්වය සඳහා වූ කැපවීම සහ ශ්රී ලංකාවේ ව්යාපාරික අනාගතය පිළිබඳ අපගේ විශ්වාසය පිළිබිඹු කරයි.”
SDB ව්යාපාරික මධ්යස්ථානය විවෘත කිරීම, ගනුදෙනුකරුවන් කේන්ද්ර කරගත් බැංකු විසඳුම් සැපයීමට මෙන්ම ශ්රී ලංකාවේ ආයතනික හා ව්යාපාරික අංශවල වෙනස් වන මූල්ය අවශ්යතාවලට ප්රතිචාර දැක්වීමට බැංකුව දක්වන අඛණ්ඩ කැපවීම තවදුරටත් තහවුරු කරයි.
SDB බැංකුව පිළිබඳව:
SDB බැංකුව යනු ශ්රී ලංකා මහ බැංකුවේ නියාමනය ලබන, කොළඹ කොටස් හුවමාරුවේ ප්රධාන පුවරුවේ ලැයිස්තුගත සහ Fitch Ratings වෙතින් BB+(lka) ශ්රේණිගත කිරීම හිමි බලපත්රලාභී විශේෂිත බැංකුවකි. අනාගතයට සූදානම් බැංකුවක් ලෙස, එය ගනුදෙනුකරුවන්ගේ සුවිශේෂී අවශ්යතාවලට ගැලපෙන පරිපූර්ණ මූල්ය සහායක් ලබා දීමට කැපවී සිටියි. දිවයින පුරා පිහිටි 93කින් සමන්විත ශාඛා ජාලය හරහා SDB බැංකුව විසින් මෙරට සිල්ලර (Retail), සුළු හා මධ්ය පරිමාණ (SME), සමූපකාර සහ ව්යාපාරික බැංකු ගනුදෙනුකරුවන් වෙත පූර්ණ මූල්ය සේවා පරාසයක් සපයනු ලබයි. පාරිසරික, සමාජීය සහ ආයතනික පාලන (ESG) මූලධර්ම SDB බැංකුවේ මෙහෙයුම් සහ ආයතනික සංස්කෘතියේ අත්යවශ්ය අංගයක් වන අතර, තිරසර භාවිතයන් තුළින් දේශීය ප්රජාවන්ගේ සහ ව්යාපාරවල ප්රගතියට දායක වීම බැංකුවේ ප්රමුඛ අවධානයක් වේ. ශ්රී ලංකාව නව සංවර්ධන මාවතක් වෙත යොමු කිරීමේ අරමුණින්, කාන්තා සබලගැන්වීම, සුළු හා මධ්ය පරිමාණ ව්යාපාරවල තිරසාර සංවර්ධනය සහ ඩිජිටල් අන්තර්ග්රහණය (Digital Inclusion) ප්රවර්ධනය කිරීම සඳහා SDB බැංකුව විශේෂයෙන් කැපවී සිටියි.
