ජාතික තොරතුරු හා සන්නිවේදන තාක්ෂණ විසඳුම් සම්පාදක වන SLT-MOBITEL, මෑතකදී හෙල්ල විසි කිරීමේ ක්රීඩාවෙන් වාර්තා පිට වාර්තා තබමින් පොදුරාජ්ය මණ්ඩලීය ක්රීඩා උළෙලේ රන් පදක්කමක් දිනාගත් රුමේෂ් තරංග පතිරගේ සන්නාම තානාපතිවරයෙකු ලෙස පත් කළ බව පසුගියදා නිවේදනය කළේය. මෙම පත්වීම නිල වශයෙන් ප්රකාශයට පත් කිරීමේ උත්සවය පසු ගිය දා කොළඹ ෂැංග්රි-ලා හෝටල් පරිශ්රයේදී පැවැත්විණි.
රුමේෂ් තරංග සිය ක්රීඩා කෞශල්යය තුළින් පිළිබිඹු කළ ජාතික අභිමානය, දක්ෂතාව, ජාත්යන්තර තලයේ තරඟකාරීත්වය, අධිෂ්ඨානය සහ විනයගරුක බව වැනි ගුණාංග, SLT-MOBITEL හි වටිනාකම් සමඟ මැනැවින් ගැළපේ. එමෙන්ම දියුණුව, විශ්වාසනීයත්වය, නායකත්වය සහ විශිෂ්ටත්වය වෙනුවෙන් SLT-MOBITEL දක්වන උනන්දුව හා කැපවීමද මෙම හවුල්කාරීත්වය තුළින් මැනැවින් පිළිබිඹු වේ.
SLT-MOBITEL මෙම පත්කිරීම සිදු කළේ හුදෙක් සන්නාම ප්රවර්ධන කටයුත්තක් ලෙස නොව, ශ්රී ලංකාවේ තරුණ පරපුර දිරිගන්වමින් ඔවුන්ගේ සිහින යථාර්ථයක් බවට පත්කිරීම සඳහා පෙරමුණ ගැනීමක්ද වශයෙනි. අධිෂ්ඨානය සහ ආත්ම විශ්වාසය ඔස්සේ රුමේෂ් තරංග ජාත්යන්තර වේදිකාව දක්වා පැමිණි ගමන, රටේ තරුණ පරපුරට කදිම ආදර්ශයක් ලෙස හැඳින්විය හැක. එමෙන්ම මෙම හවුල්කාරීත්වය, රටේ වටිනාකම් හා අභිමානය නැංවීමට කැපවුණු ජාතික සන්නාමයක් ලෙස SLT-MOBITEL ඉටු කරන භූමිකාව තවදුරටත් තහවුරු කරයි.
කෙටි කාලයක් තුළ ලක්ෂ සංඛ්යාත ශ්රී ලාංකිකයන්ගේ හදවත් දිනාගැනීමට සමත් වූ රුමේෂ් තරංග පතිරගේ මේ වනවිට ජාත්යන්තර මලල ක්රීඩා ක්ෂේත්රය තුළ නැගී එන ප්රබල ක්රීඩකයකු බවට පත්ව සිටී. ක්රිකට් ක්රීඩාවේ වේග පන්දු යවන්නකු වීමේ අපේක්ෂාවෙන් මුලින්ම ක්රීඩා ලොවට පිවිසී, ඉන් අනතුරුව ලෝක මට්ටමේ හෙල්ල විසි කිරීමේ ශූරයකු බවට පත්වීම දක්වා ඔහු පැමිණි ගමන කාටත් මහඟු ආදර්ශයකි. තාක්ෂණය සහ සන්නිවේදනය ඔස්සේ ශ්රී ලාංකිකයන් සවිබල ගැන්වීමට සහ ඔවුන් එකිනෙකා සමඟත් ලෝකය සමඟත් සම්බන්ධ කිරීමට කැප වී සිටින SLT-MOBITEL, මෙවැනි පරමාධර්ශී පුද්ගලයන් ඇගයීමට කවදත් නොපැකිළමින් ඉදිරිපත් වෙයි.
රුමේෂ් තරංග ශ්රී ලංකා ක්රීඩාවේ අනාගතය නියෝජනය කරන ක්රීඩකයකු බව SLT-MOBITEL විශ්වාස කරයි. ඔහු අත්කරගෙන ඇති ජයග්රහණ, සාම්ප්රදායික සීමා මායිම් අභිභවා යාමට තරුණ පරපුර දිරිගන්වන ප්රබල ආදර්ශයකි. රටේ තාරුණ්යය ජාත්යන්තරය සමඟ සම්බන්ධ කිරීම සඳහා විශිෂ්ට ලෙස තාක්ෂණය භාවිතා කරමින් සිටින සමාගමක් වශයෙන්, ඉදිරියටත් මෙලෙස ක්රීඩාවේ විශිෂ්ටයන් අගයන අතරම තම සන්නාම අනන්යතාව තවදුරටත් ශක්තිමත් කරගැනීම සමාගමේ අරමුණ වී තිබේ.
