කොළඹ, ශ්රී ලංකාව 2026 අගෝස්තු 19 – ශ්රී ලංකාව සහ වියට්නාමය අතර ගුවන් සම්බන්ධතාව තවදුරටත් ශක්තිමත් කරමින්, දකුණු ආසියාව සහ ගිණිකොනදිග ආසියාව අතර නව සංචාරක සබඳතාවක් ගොඩනංවමින්, කොළඹ සහ හෝ චි මිං නගරය සෘජුව සම්බන්ධ කෙරෙන ප්රථම සෘජු ගුවන් ගමන් සේවාව වියට්ජෙට් ගුවන් සමාගම විසින් නිල වශයෙන් ආරම්භ කරන ලදී. මෙහි සමාරම්භක උත්සව අවස්ථාව සඳහා දෙරටේම රාජ්ය නිලධාරීන්, රාජ්ය තාන්ත්රික නියෝජිතයන් ඇතුළු ගුවන් සේවා ක්ෂේත්රයේ නිලධාරීන් රැසකගේ සහභාගී විය. මෙහි ගුවන් නියමු මණ්ඩලය තිදෙනෙකුගෙන් සමන්විත වූ අතර ඊට ශ්රී ලාංකික නියමුවන් දෙදෙනෙකු ද ඇතුළත් වී තිබීම සුවිශේෂත්වයකි.
අගෝස්තු 18 වන දින සවස හෝ චි මිං නගරයේ ‘Tan Son Nhat’ ජාත්යන්තර ගුවන් තොටුපළෙන් පිටත්වූ VJ1875 ගුවන් වාරයට එක් වූ ගුවන් නියමු මණ්ඩලයට සහ මගීන්ට වියට්ජෙට් ප්රධානීන් විසින් මල් කළඹක් පිරිනමන ලදී. මෙම ගුවන් ගමන මෙහෙයවූ නියමුවන් තිදෙනාගෙන් දෙදෙනෙකුම ශ්රී ලාංකිකයන් වීම විශේෂත්වයකි. එම ගුවන් නියමුවන් අතරට අයත් ශ්රී ලාංකීය ගුවන් නියමුවන් වන කැප්ටන් යොන්මෙරෙග්න සීමන් හේවගේ තිවංක සිල්වා සහ පළමු නිලධාරී රන්දිල් හෂේන් පෙරේරාගේ සහභාගීත්වය මගින් මෙම නව ගුවන් සේවාවේ ඇති ශක්තිමත් දේශීය සබඳතාව තවදුරටත් පැහැදිලි වේ. මෙහිදී බණ්ඩාරනායක ජාත්යන්තර ගුවන් තොටුපළට ළඟා වූ මෙම නව ගුවන් යානයට ජල ආචාරයක් ( Water Salute ) ද ඉන් අනතුරුව දේශීය ආගන්තුක සත්කාරය සංකේතවත් කරමින් එහි ගුවන් මගීන්ට මල් මාලා පළඳවා, ශ්රී ලංකා තේ ඇසුරුමක් සහිත ත්යාගයක් ද පිරිනමන ලදී.
මගීන් පැමිණීමේ පර්යන්තයේ දී පැවැති සාම්ප්රදායික ශ්රී ලාංකික සංස්කෘතික නර්තන අංගයෙන් සැමරුම් කටයුතු තවතවත් වර්ණවත් වූ අතර, ඉන් අනතුරුව නිල උත්සවය සඳහා අමුත්තන් සියලු දෙනාම Silk Route Lounge වෙත කැඳවාගෙන යනු ලැබීය. එහිදී වරාය සහ සිවිල් ගුවන් සේවා අමාත්ය සහ බලශක්ති අමාත්ය ගරු අනුර කරුණාතිලක මහතා, සංචාරක නියෝජ්ය අමාත්ය ගරු මහාචාර්ය රුවන් රණසිංහ මහතා, ශ්රී ලංකාවේ සහ මාලදිවයිනේ වියට්නාම තානාපතිනි Trinh Thi Tam සහ වියට්නාමයේ ශ්රී ලංකා තානාපති පොෂිත පෙරේරා මහතා සමඟ වියට්ජෙට් සහ බණ්ඩාරනායක ජාත්යන්තර ගුවන් තොටුපළේ ජ්යෙෂ්ඨ නියෝජිතයෝ එක්ව සාම්ප්රදායික පොල්තෙල් පහන දල්වා, සමාරම්භය සනිටුහන් කරමින් කේක් කැපීමෙන් අනතුරුව මෙම නව සෘජු ගුවන් සේවාව ඇගයීමට ලක් කරමින් අදහස් දැක්වීම සිදු කරන ලදී.
කොළඹ – හෝ චි මිං නගරය අතර නව ගුවන් සේවාව සතියකට දින තුනක්, එනම් අඟහරුවාදා, බ්රහස්පතින්දා සහ සෙනසුරාදා යන දිනවල ආපසු පැමිණීම ඇතුළත් ගුවන් ගමන් (Round-trip flights) ලෙස ක්රියාත්මක වන අතර ඒ හරහා ශ්රී ලාංකික සංචාරකයින්ට දකුණු වියට්නාමය වෙත සෘජුව හා පහසුවෙන් ළඟාවීමට නව අවස්ථාවක් සලසා දෙයි. මෙහි දී ගුවන් යානාව බණ්ඩාරනායක ජාත්යන්තර ගුවන් තොටුපළෙන් රාත්රී 23:00 ට පිටත්ව පසුදින උදෑසන 05:55 ට ‘Tan Son Nhat’ ගුවන් තොටුපළට ළඟා වන අතර, ආපසු පැමිණෙන ගුවන් වාරය හෝ චි මිං නගරයෙන් පස්වරු 18:15 ට පිටත්ව දේශීය වේලාවෙන් රාත්රී 21:50 ට කොළඹට ළඟා වනු ඇත.
මෙම නව ගුවන් සේවාව, ශ්රී ලංකාවේ වාණිජ කේන්ද්රස්ථානය වන කොළඹ සහ ගිනිකොනදිග ආසියාවේ ප්රමුඛ සංචාරක හා ව්යාපාරික මධ්යස්ථානයක් වන හෝ චි මිං සිටි අතර කාර්යක්ෂම හා පහසු සෘජු සම්බන්ධතාවයක් නිර්මාණය කරයි. වියට්ජෙට් හි පුළුල් වන මෙම ගුවන් ගමන් ජාලය හරහා කොළඹ සිට පැමිණෙන මගීන්ට ආසියා–පැසිෆික් කලාපයේ ප්රධාන නගර සහ සංචාරක මධ්යස්ථාන වෙත ද ඉතා පහසුවෙන් සම්බන්ධ විය හැකි වීම සුවිශේෂත්වයකි.
ඉන්දියන් සාගරයේ මුතු ඇටය” ලෙස විරුදාවලිය ලත් ශ්රී ලංකාව ගවේෂණය කිරීමට කොළඹ කදිම ආරම්භක ගමනාන්තයක් ලෙස සැලකෙන අතර මනරම් නිවර්තන වෙරළ තීරයන්, සශ්රීක තේ වතු, වටිනා සංස්කෘතික උරුමයන් මෙන්ම විවිධ ස්වාභාවික ආකර්ෂණීය ස්ථාන රැසක අපූර්වත්වය අත්විඳීමට සංචාරකයින්ට කොළඹ හරහා පහසු ප්රවේශයක් හිමි වනු ඇත.
වියට්ජෙට් සමඟ ගමන් කරන සංචාරකයින්ට, මෙම සම්බන්ධතාවන්ට අමතරව ඉන්ධන කාර්යක්ෂමතාවයෙන් යුත් ගුවන් යානා ජාලය තුළ නවීන ගුවන් ගමන් අත්දැකීමක් සහ ක්රියාශීලී ගුවන් කාර්ය මණ්ඩලයක විශිෂ්ට සේවාවක් ද හිමිවනු ඇත. මීට අමතරව, මෙම නව ගුවන් සේවාව සදහා එක්වන මගීන්ට ගුවන් යානය තුළදී ම වියට්නාමයේ ජනප්රිය ආහාර වර්ග වන ‘ෆෝ’ (Pho) , ‘බාන් මී’ (Banh Mi) සහ වියට්නාම ශීත කළ කිරි කොපි (Vietnamese iced milk coffee) ඇතුළු උණුසුම් මෙන්ම රසවත් ආහාර වේලක් රසවිඳිමේ අවස්ථාව ද මගීන්ට හිමිවේ.
වියට්ජෙට් (Vietjet) පිළිබඳව:
නවීන මුහුණුවරක් ගත් වියට්ජෙට් ගුවන් සේවය වියෙට්නාමයේ ගුවන් සේවා කර්මාන්තයේ විප්ලවීය වෙනසක් සිදු කළා පමණක් නොව, කලාපය පුරා සහ ලොව පුරා ප්රමුඛ පෙළේ ගුවන් සේවාවක් බවට ද පත්ව ඇත. මෙම ගුවන් සේවය දැනට ගුවන් යානා 135ක් ක්රියාත්මක කරන අතර, පුළුල් සහ පටු බඳ සහිත ගුවන් යානා ඇතුළුව තවත් ගුවන් යානා 600කට ආසන්න ප්රමාණයක් ඇණවුම් කර ඇත. පිරිවැය කළමනාකරණය, කාර්යක්ෂම මෙහෙයුම් සහ ක්රියාකාරීත්වය කෙරෙහි අවධානය යොමු කරමින් සහ නවතම තාක්ෂණය භාවිතා කරමින්, පාරිභෝගික අවශ්යතා සපුරාලීම සඳහා විවිධාංගීකරණය වූ සේවා සහ නම්යශීලී ගාස්තු සහිත ගුවන් ගමන් අවස්ථා වියට්ජෙට් ලබා දෙයි.
වියට්ජෙට් ජාත්යන්තර ගුවන් ප්රවාහන සංගමයේ (IATA) පූර්ණ සාමාජිකයෙකු වන අතර IATA මෙහෙයුම් ආරක්ෂණ විගණන (IOSA) සහතිකය ද හිමිය. වියට්නාමයේ විශාලතම පෞද්ගලික ගුවන් සේවය ලෙස, මෙය ලොව එකම ආරක්ෂාව සහ නිෂ්පාදන ශ්රේණිගත කිරීමේ වෙබ් අඩවිය වන airlineratings.com මගින් ආරක්ෂාව සඳහා ඉහළම තරු 7 ශ්රේණිගත කිරීම ලබා ඇති අතර Airfinance Journal මගින් අඛණ්ඩව වසර කිහිපයක් ලොව හොඳම ගුවන් සේවා 50 අතරට ද ඇතුළත් කර ඇත. තවද Skytrax, CAPA, Airline Ratings වැනි සුප්රසිද්ධ සංවිධාන විසින් මෙම ගුවන් සේවය හොඳම අඩු පිරිවැය ගුවන් සේවාව (Best Low-Cost Carrier) ලෙස නම් කර ඇත.
වැඩිදුර තොරතුරු www.vietjetair.com වෙතින් ලබා ගත හැක.
මාධ්ය විමසීම්
ඩිලුෂි සියඹලාපිටිය
විද්යුත් තැපෑල: [email protected]
දුරකථන: +94 764 477 489
කියු ඩුඔන්ග් (ඒමි) මෙනවිය
විද්යුත් තැපෑල: [email protected]
දුරකථන: +84 932 775 066
